إلى سفير الامام الحسين مسلم عليه السلام...

إلى سفير الامام الحسين مسلم عليه السلام...

شايل رسالة من الحسين

من الحسين ..

او معتني من ارض المدينة

ليا مدينة ؟

الكوفة للعندة قضية اتصير حيل

اتصير ريح ..

ومهرة الفارس بعد ماتستريح

الكوفة للعندة قضية اتصير عين ..

اتصير طيف ..

الكوفه علشايل قضية اتصير سيف

او يعبر الفارس على جناح الصحاري ..

يذبح الليل بمهرته ..

وكلشي سكتة ..

جان بس صوت الحوافرصوت عالي

الفارس من يخاوي مهرة

اتطيح كلصعقة على الكاع الحوافر

يستمرشايل رسالة من الحسين ..

الكوفة وين ؟؟

البيعة وين ؟؟

البيعة عليتبع رسول الله دين

او يستمر شايل رسالة من الحسين

حسين جاي حسين جاي

وجان مضمون الرسالة حسين جاي

جايب من الكوثر لابجفة هدية

خاف من يوصل الكوفه اتريد ماي

حسين جاي ...

جايب لكلمن يحب طه وصية ..

جايب لكلمن يحب جده وصية

من الوصية حسين باجر يعتني لاهل الحمية ..

ويستمر شايل رسالة من الحسين ..

الكوفة وين ؟؟

الكوفه هاي ..

وتنفتح للفارس ابواب المدينة

اتصير ضجة الناس حولة

مسلم موديه حسين

مسلم موديه حسين

البيعة عليتبع رسول الله دين

وصار موفارس ..بل آلآف الفوارس

وراحت اخبار النصر لحسين بيعه

تشيلهه طيور النوارس

ومن بعد لحظة سكون

كلشي بالدنية سكون

الجمر كام تحركه ايد

وظلمة وداهه يزيد

وية البريد وعاصفة نار وحديد

وهاني من فوك القصريوكع وحيد...

ومسلم ايصلي وحيد...

ونزعة الكوفة غدر ثوب الجديد

وبايعة عليكدر ايحز راس مسلم

يذبح ..

وياخذ جزية ..

يذبح ..

وياخذ جزية من الخليفة ..

وطوعة مارادت جزية ..

طوعة بس من المدينة الفسرت معنة الوصية ..

او صله مسلم وحدة بس ...

او سمعته ايصلي المنية ..

وغذدرته اسماع الخيانه ..

وباعته الناس الردية ..

واندفن مسلم قضية ... ابكل مسية

اتشوف دمه ايطيح كدام الشمس غيرة وحمية

ويستمر شايل رسالة من الحسين

من الحسين...

من الحسين...
منقول

مسلم سفير الحسين واول شهيد بالثوره الحسينيه
ومن الثقاة
عند ابي عبد لله الحسين ع
اسئل الله ان يحشرنا واياكم معه
ربي ايبارك بجهودكم

المعارف


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

احسنت كثيييييييييييييييييييييير وربي يتقبل منك كل خييييييييير

جميله هذه القصيده في حق سفير مسلم اول شهيد من معسكر الأمام الحسين

سئل الله العلي القدير ان يرزقنا واياكم زيارته وشفاعته

وسئل الله ان يوفقكم ويسدد خطاكم بحق محمد وآل محمد

وان يحشرنا اوياكم مع من نحب

تحياتي ودعائي