.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 29 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 29 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 21 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 26 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 27 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »    



 
 عدد الضغطات  : 14557
 
 عدد الضغطات  : 5125


الإهداءات



إضافة رد
#1  
قديم 01-16-2017, 09:32 PM
مديــر عام
سيد عدنان الحمامي غير متواجد حالياً
Iraq     Male
لوني المفضل Darkgreen
 رقم العضوية : 1
 تاريخ التسجيل : Apr 2011
 فترة الأقامة : 4745 يوم
 أخر زيارة : اليوم (02:53 AM)
 الإقامة : الكاظمية المقدسة
 المشاركات : 7,694 [ + ]
 التقييم : 10
بيانات اضافيه [ + ]
افتراضي متفرقه --- 4 ---



للزهراء ع
.....

المستهل

....
يتيمة أم صفيت وهذا الاحساس -- غيابچ يمه راح ايشيب الراس

تعوفيني -- تخليني -- يتيمه -- ييمه -- ييمه

....................

تعيش أمي بعد اگطع الظنه

أمي بنورها اتوضه منه

اتنفس ضواها أمي جنه

قرآني وسّور بيه للمحنه

اظل بليل همي ويه اللنجوم -- سنه يمه بغيابچ يصبح اليوم

تروعيني -- تخليني -- يتيمه -- ييمه -- ييمه

....................

ييمه البت صعب لو راحت أمها

خيمه أمن الحنان الأم تلمها

مظلومه ورحيلچ هم ظلمها

تموت البت أذا مو أمها يمها

يطيبة گلب يا أمي الحنينه -- اظل بعدچ بثوب اسود حزينه

دحاچيني -- تخليني -- يتيمه -- ييمه -- ييمه

................

ياللحنيّنه عليه ويالعطوفه

سمح گلبچ بطيباته ورؤفه

جرح فرگاچ دمعي مايروفه

أموت بيوم وجهچ ما أشوفه

حسن وحسين مو صاروا يتامه -- حلم عدنه تعيشين بسلامه

تبچيني -- تخليني -- يتيمه -- ييمه -- ييمه

..........

عله سنين العشتها أوياچ انحب

يمن نار بدليلي اعليچ تلهب

ييمه الام عزيزه تروح يصعب

يتيمه وبالمصايب تظل زينب

حنانچ نسمه تحييني امن اشمها -- والبت ماتلمها غير امها

دشوفيني -- تخليني -- يتيمه -- ييمه -- ييمه

...........

بالله توسلت ألنه يخليچ

دفكي أعيونچ وسمعي شحاچيچ

صدگ كسر الظلع يمه يأذيچ

اخذي ضلوع صدري ولا ألم بيچ

عمرچ لويصح يايمه أشريه -- ولا بگلوبنه جرحچ تخليه

دصبريني -- تخليني -- يتيمه -- ييمه ييمه

........

ييمه أمن المظالم گلبچ أيلوب

وصبر اللي صبرتي أيذوب أگلوب

لايعگوب مثله صبر وأيوب

هم هذا علينه الصار مكتوب

شيعوظ حنانچ بعد هيهات-- اريد بحظنچ اتخليني لحظات

تشميني -- تخليني -- يتيمه -- ييمه -- ييمه

.........

اودعچ يالمشن وياچ الهموم

ولانشفت دمعتچ شفت فد يوم

وخليني بجرح كل ساعه ملچوم

وكل عمري اظل بسوده الهدوم

بسواد الحزن راح ابقه بغيابچ -- واعاتب بالدمع يايمه بابچ

تودعيني -- تخليني -- يتيمه -- ييمه -- ييمه

--
سيد عدنان الحمامي



 توقيع : سيد عدنان الحمامي


رد مع اقتباس
قديم 01-25-2017, 01:31 PM   #2
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



--
للزهراء ع
--
--=س - ح-
-
-
-
المستهل
--
-
يامريم واسي الزهره -- بدمعات العين-- بدمعات العين

مري بيها -- شوفي شبيها -- شمبچيها -- وتواسيها

بدمعات العين

..........

گومي يامريم تريدچ فاطمه ايواسيها دمعچ

ولله لو بس رحتي يمها ونّة الزهره تفجعچ

ونتي لو شفتي ضلعها حتماَ ايحس بيها ضلعچ

وخلي من شوغة آلمها فاطمه الزهره تسمعچ

لوعات البيها أهوايه -- ومخزنه اجروح -- ومخزنه اجروح

بس صبريها -- شوفي شبيها -- شمبچيها --وتواسيها

بدعات العين

...........

يمها يامريم ونشدي خل تسولف شنهو بيها

هيه ريحانة محمد فاطمه ومروعيها

جارت الايام بيها أتكالبت كلها عليها

ينغصب حقها يمريم حقها اخذو من اديها

للأمه اموصي الهادي -- ليش أينكرون -- ليش اينكرون

ومأذيها -- شوفي شبيها -- شمبيها -- وتواسيها

بدمعات العين

............

شافت آلام ومصايب من بعد رحلة نبينه

دمعة العين بجفنها كل وكت هيه حزينه

والذي مظلوم صابر ماكو غير الله يعينه

جازوا اتعابه المحمد ذوله بفعال المشينه

مظلومه أمن اتشوفيها -- يامريم ليش -- يامريم ليش

امن اتحاچيها -- شوفي أشبيها -- شمبچيها -- وتواسيها

بدمعات العين

........

بلچي دمعاتچ يمريم خاطر الزهره تجبره

وعينچ الحال البتول اليكسر الخاطر تنظره

وخلي ايدچ يم گلبها شوفي شوفي شكبره صبره

والذي يگضي حياته بالحزن مايسوه عمره

ياعمر الزهره شگصره -- وشبي آلام -- وشبي آلام

شصار أعليها -- شوفي أشبيها -- شمبيها وتواسيها

بدمعات العين

............

للحسن وحسين صّبري شوفي يامريم وضعهم

يمها گعدوا بالبواچي وفاطمه اتشاهد دمعهم

جدهم الهادي ميرضه لو بچوا يمها وسمعهم

ونتي مفجوعه يمريم شفتي حال أمهم فجعهم

والزينب احچي أوياها -- ظلت بالنوح -- ظلت بالنوح

أمن اتسكتيها -- شوفي اشبيها -- شمبچيها -- وتواسيها

يدمعات العين

...........

سكّتي زينب يمريم زغيره من صبحت يتيمه

والحسن وحسين يمها وسمعي صرخات الظليمه

والذي يفگدها لّمه بالزغر هاذي هظيمه

الزهره حين الودعتهم صبحوا ايتامه حريمه

زينب من ماتت امها -- اليا أم اتروح -- الياأم اتروح

لتعوفيها -- شوفي شبيها -- شمبچيها -- وتواسيها

بدمعات العين

..........

سيد عدنان الحمامي
--
-
-



..
نزله
....
المستهل
......
عالعهد .. يم الحسن
للأبد – يم الحسن
يازهراء .ز يازهراء
......
أنتي قرآن وسور – نون قاف أويه الدهر
نعم يالزهره فريضه حبچ أكتابه ذكر
يازهراء – يازهراء
......
بينه احساس الوفه – حبنه ياهو ايوصفه
فاطمه نحبها بجنون وبيها وصه المصطفى
يازهراء – يازهراء
......
عشگ بينه الفاطمه – خل تلوم الايمه
ماملكنه من بنين ومال فدوه انقدمه
يازهراء – يازهراء
.....
الها تسبيحة أمل – ينقبل بيها العمل
كل فرض كلمن يسبح هذا بالرحمه انشمل
يازهراء – يازهراء
......
صوت للحق يعتلي – الفاطمه انوالي وعلي
غير ابو الحسنين ولله أبد مانقبل ولي
يازهراء – يازهراء
........
يم الحسين وحسن – بسرعه ايامچ مظن
الف لعنه اعله السقيفه الخَلفت أهل الفتن
يازهراء – يازهراء
......
ليش كسرولچ ضلع – وعينچ أتقيض الدمع
وصوت جبرائيل كبَر ينعه صوته ينسمع
يازهراء -- يازهراء
.....
حرفوًا نهج السمه – يوم نكروا فاطمه
والذي مايلعن اللهم باچر الله ايخاصمه
يازهراء – يازهراء
......
وسفه ورثچ ينسلب – ياشفيعه الكل محب
بالحشر كلمن تمسك بيچ مغفور الذنب
يازهراء – يازهراء
.......
ماخلق شمس وگمر – ولا بحار او لاثمر
ولله لو ما أنتي چان الدنيه ما الها اثر
يازهراء – يازهراء
......
للفرج ندعي بعد – يمته يايوم الوعد
عجل بطلعة الغايب النه يارب الصمد
يازهراء – يازهراء

....
سيد عدنان الحمامي
---

--
-
للزهراء ع
-
-
-=
=
مناجات لله في حق فاطمه ع
-
-
-
يالبنيت ابلا وتد هذا السمه -- نريد من عندك شفاعة فاطمه

______

يالبنيت ابلا عمد سبع الشداد -- ياعماد الما أله بحُكمه عماد

ابخدمة الزهراء تنطينه السداد -- خدمه هاي انريد بيها الغانمه

---

تسمع النجوه يشاهد يارؤف --- أعطف أمن الوالدين النه عطوف

بعينك الخدمتنه للزهره تشوف -- هالعمل خالص نريد اتقيمه

__________

يالطيف ابلطفك الطف ياقيوم -- يامن بأمره الكواكب والنجوم

نريد خدمة فاطمه أويانه تدوم -- والها كل خادم يربي اتسلمه

__________

يامن اعله العرش رحمن اعتله -- يامن اسجدنه وركعنه بس اله

هالجهد لم الحسين اتسجله -- حتى باچر منها ناخذ مكرمه

--------

يامُجير ويا أنيس الكل نفس --عطف منك يا الاهي نلتمس

برضا الزهره يا الاهي من نحس -- بيد رضوان اليحبها أتسلمه

__________

ياجليل وياجميل ويامُغيث -- بوجهك أمن النار كلنه نستغيث

ابوابل الرحمه علينه امطرها غيث--- ابفاطمه اتنجينه من الحاطمه

--------

الموسى يامن فالق البحر ونجه -- نريد للغايب تسهل مخرجه

عجل الثاراته يارب فرجه -- يجي للكوفه ويقيم المحكمه

---------

أبأمرك أهلاله على الدنيه يهل -- وياخذ الثارت وبسيف العدل

والذي بحبل الولايه متصل -- اي يرب عالنار وجهه أتحرمه

____

سيد عدنان الحمامي



pp

==



يحسن ابحبك نتفانه

------------

نتفانه ياسور العالي

اشمنجود بحبك منبالي

كلشي ارخيص وانته الغالي

انضحيلك يحسين ادمانه
--------------------

انضحيلك مهما ضحينه

منوفيلك يابو سكينه

ياسور العالي او والينه

يمخرس للطاغي السانه
-------------------

يالهًديت اعروش الظالم

وبنحرك ظل دينك سالم

يامرجع للامه وعالم

يالصنت الدين واركانه
------------------

بالدلال اسمك ظل خالد

منًزل عنك نبقه انعاهد

انموت بحبك والله الشاهد

يالعايش ذكرك ويانه
----------------

نًورت الاحرار ابفكرك

والاجيال اتظل اتذكرك

تتعلم وتطالع درسك

يا ثائر للحق عنوانه
------------------

والينه او والي كل مسلم

وكلمن بيك اتمسك يسلم

واليجهل شاراتك يندم

جاهل مو كامل ايمانه
------------------
يخسر كلمن جاهل فظلك

والعادانه ابحبك يهلك

يحسين وماغيرك مسلك

للرحمه وندخل بجنانه

-------------------


اللهم ارزقنا شفاعة الحسين

سيد عدنان الحمامي

----
--
للزهراء ع
--
-
-
يسلطان الزمان الدنيه تنتظره
يايوم وتفرح فاطمه الزهره
--
يسلطان الزمان اليا وكت مذخور
وين بهل الوسيعه بيا مچان اتدور
مو خاطر الزهره الهل الوكت مكسور
لساعه بصدرها نايمه العبره
---
يذخر الله ذخر للزهره ماعدها
ياخد ثار سطره الحومرت خدها
ولله من تجي وعينك تشاهدها
تبچي بخدها لمن تنظر السطره
----
تعال الباب امك فاطمه انظرها
من لاذت وراها وباغي يسطرها
ودم صدر الزجيه بيوم يعصرها
ظل عالباب رايد عينك اتنظره
----
ومحسنها يغايب بي أظن تعلم
من حقد النواصب هوه مايسلم
حتى العتبه لساعه دمعها دم
عالزهره وضلعها المابعد يبره
----
لساعه ألم كسر الضلع بيها
وماغيرك بثاره اللي يداويها
يالمحجوب أمك شوفها أشبيها
لليوم وتون من شدة العصره
------
غصبوا فدك منها وهذا حق مسلوب
بدار احزان ظلت وبدمعها أتلوب
تعلم بالجره ندريك يالمحجوب
وتدري بالضلع ماينجبر كسره
----
تعال وحاسب الكل ناصبي ومرتاب
عالزهره الظلم ماظن يجمعه اكتاب
يغايب من تجي بس عاين اعله الباب
ماخمدت النار البيها متوجره
---
رد حقها يغايب والضلع والباب
غيرك مايصح يبن الحسن طلاب
يمته ايهل علينه اهلالك اللي غاب
يبقه لشوكت متحزم بصبره
-----
راية بدر بيدك خل ترف بالكون
وموت أحمر يغايب خلهم ايشوفون
مصايبكم أهوايه يامصيبه أتهون
چم نايبه النحسب سيدي كثره
----
مصايب كربله لا ما أظن تنعد
من أهلك اليسلم سيدي محد
يبقه لشوكت باب الفرج منسد
لابد ينفتح لو يوم من عمره
----
-- سيد عدنان الحمامي
----
--
طلب الحوائج من الله في حق العباس عليه السلام
--
--
--
المستهل
---
عيني اعله چف العباس -- منه اريد امرادي
رايه خذت خضره أوياي -- واليمه ينشدني الجاي
-- منه اريد امرادي
--
عيني اعله گبتك باوعت -- من البعد شفت انوار
وكل واحد وبيده علگ -- يمك يجون الزوار
گلت آنه يمك أعتني -- وأحسبني يمك خطار
ادريها ولله من اجي -- مايظل گلبي محتار
كل واحد اليتعناك -- مايرد لهله فشلان
مهموم اجيت ابدنياي --- واليمه ينشدني الجاي
منه اريد امرادي
----
يالچفك ايفيض الخير -- والوادم التحلف بي
وشكثر چم واحد جاي-- بعطفك تكرمه وتنطيه
من والدك خصله البيك -- كل معوز اتحن اعليه
ومثل أمك ام الطيبات -- حاير ابد متخليه
ام البنين أم الخير -- أمك بعد معروفه
والناس تنخاها اهواي -- واليمه ينشدني الجاي
منه اريد امرادي
----
يالكرّمت كل الناس-- من كل جنس من كل لون
متفرق الهذا وذاك-- تسمعهم اشما يردون
والعدهم اهموم وعوز -- منك امراد ايحصلون
عامر مضيفك عباس -- يستقبل اليتعنون
ونته بعطائك معروف -- ياللي أكرمت چف وعين
من انتخيت اعله الماي-- واليمه ينشدني الجاي
منه اريد امرادي
----
چفوفك مناير شاخصه -- وگبتّك كعبة محتاج
وهاي الملايين التجي-- كلها تطوفك أفواج
للباري بيك اتوسلت -- بالزحمه چنهم حجاج
حتى الملك من يعتني -- وبعتبتك يحني التاج
وبحظرتك يسعي ايطوف-- كل معوز وكل ملهوف
مطمئن من عنده الراي -- واليمه ينشدني الجاي
منه اريد أمرادي
-----
بالفضل فضلك معروف -- تشهد بفضلك دنياك
وهاي الكرامه المعبود -- يابا الفضل هوه انطاك
رادك وسيله الهل الناس -- قاضي الحوايج خلاك
متفشل اليمك جاي-- متخيب اللي ينخاك
اويه الناس اطلب مشاي -- واليمه ينشدني الجاي
منه اريد امرادي
---
يمك يخو زينب جيت -- من الوكت بيه اجروح
تسمعني يمك ناديت -- بشابچك أمعلگ الروح
بيك ادري تزعل عباس -- لوشفت دمعي المسفوح
بس آنه راح ابقه اهنا -- يمك اظل وماروح
وآخذ عطائك بالاييد -- فشلان اطلع ماريد
بمرادي كحل عيناي -- واليمه ينشدني الجاي
منه اريد امرادي
---
-- سيد عدنان الحمامي
---

-

-

وفاة ام البنين ع
-- ملا كرار الكاظمي
---
حانت وفاة ام البنين الحره
تتمنه رادت لو تجيها الزهره
-----
تتمنى لو يمها تجي أم حسين
والزهره بيديها تغمظلها العين
وين اليخبر فاطمه عنها وين
ومصابها الليله الزجيه اتحظره
-----
فاطمه تحظر يمها وتواسيها
لم البنين اتشوفها اشظل بيها
اربع بنين الفاطمه تهديها
ولساعه مخنوگه بصدرها العبره
---
أم البنين اليله بفراش الموت
بس الجسد ونتها مخفيه الصوت
رادت ولدها ايحضّرون التابوت
وتلهج بالحسين وتريد اتنظره
-----
لاواحد أمن اولادها لا والي
تشييعها أمن أولادها ظل خالي
شگد چان عدها ابو اليمه غالي
دمعتها لمصابه اعله خدها جمره
---
رادت علي شتريد يسمع منها
تريده بعباته لمن ايچفنها
الصوته تسمعه هوه اليلقنها
ياطارش ايروح العلي ويخبره
---
غمظت جفنها وبحزن كل الناس
لا أجه حيدر لا اجاها العباس
رادت نعشها ينحمل فو الراس
ماتت بخاطر منكسر مايبره
--
بحسرتها عالزهره تجيها ظلت
مغمظ جفنها ودمعته من هلت
للوحشه هيه للصلاه من صلت
الدفان بعده للگبر جي يحفره
--------
سيد عدنان الحمامي


 
 توقيع : سيد عدنان الحمامي



رد مع اقتباس
قديم 01-25-2017, 11:42 PM   #3
المراقبين


الصورة الرمزية شجون الزهراء
شجون الزهراء غير متواجد حالياً

بيانات اضافيه [ + ]
 رقم العضوية : 465
 تاريخ التسجيل :  Mar 2012
 أخر زيارة : يوم أمس (04:51 AM)
 المشاركات : 5,025 [ + ]
 التقييم :  10
لوني المفضل : Cadetblue
افتراضي



اللهم صل على محمد وال محمد وعجل فرجهم والعن عدوهم من الاولين والاخرين
السلام على سيدتي ومولاتي الزهراء وعلى ال بيتها الطيبين الطاهرين
جزاكم الله خيراً وثبته ان شاء الله مع حسناتكم يوم لاينفع مال ولا بنون ومن رقي الى رقي بحمده جل وعلا


 
 توقيع : شجون الزهراء

اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.


رد مع اقتباس
قديم 03-30-2017, 03:02 PM   #4
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



في حق اولاد زينب عليها السلام

......
المستهل


--المستهل
--
ولدي اثنين بالمصرع -0- انه زينب
ولاعنهم ذكر اسمع -- أنه زينب
بمنابر يالذي تقرون -- ليش الولدي متذكرون
آنه زينب

...........
أنه زينب يهل القراء عالمنبر أسمعوني
روس أولادي فوگ أرماح شفت بناظر اعيوني
صحيح انتم بكل مجلس يخدامي تذكروني
ليش أبولدي مافد يوم أسمعكم تواسوني
ثنين أمن الولد عندي -- أنه زينب
عليهم ينگطع چبدي -- أنه زينب
جثث بالمصرع ايظلون -- ليش الولدي متذكرون
..........
ويه عمهم العباس خال ونعم من عنده
مثل ماغاليه چانوا عنده اغله من ولده
منا واحد أو ومنا يحظنهم تحت زنده
ومن ايشمهم الولدي يشمهم شمة الورده
أخويه الگمر خال الهم -- انه زينب
من عنده العزم عدهم -- أنه زينب
مثله بحرب ميهابون -- ليش الولدي متذكرون
-------
واحد گال يازينب ييمه عهد من عندي
أفدي الخالي ابو السجاد روحي ومهجتي أفدي
الثاني گل يايمه اضحيله وحگ جدي
قرابين لأخويه حسين أثنين امقدمه ولدي
صحيح المثل كلمن گال -- أنه زينب
ثلثين الولد عالخال -- أنه زينب
مثلهم ماتجيب أبطون -- ليش الولدي متذكرون
-------
چان حسين من يشوف هذا العزم من عدهم
بحنانه وعطفه لولادي يحن ومثل والدهم
طلبوا للحرب يمشون أخويه حسين ماردهم
گال أختي لها أولاد نشمي وسبع واحدهم
روس اولادي فوگ ارماح -- أنه زينب
بس مني الصبر ماطاح -- أنه زينب
ولدي أمذبحه ويهون -- ليش الولدي متذكرون
------
يحاچيني الگلب أسمع يزينب لليسر روحي
ويم حسين والعباس والاكبر بقت روحي
وعله شبل الحسن جسام يبچي الصخر من نوحي
ولدي اثنين وياهم عليهم نزفت جروحي
عفتهم ولدي بالمصرع -- أنه زينب
ما ألگاهم أمن أرجع -- أنه زينب
وأدري بهظمي مايرضون --- ليش الولدي متذكرون
-------
بالمصرع عفت ولدي يم الاكبر وجسام
وروس اعله الرماح أوياي لمن وصلوها الشام
كل ساعه يجوني براس حرگوا گلبي هالظلام
بروس اولادي روعوني ورعوا بيهن الايتام
يا أم المثل حالي -- أنه زينب
روس اولادي الگبالي -- أنه زينب
على أمهم چانوا أيخافون -- ليش الولدي متذكرون
---------
خوال الاربعه أويه حسين اوياهم ضحوا بدمهم
ظلوا بالطفوف اجساد لا أم لا أخت يمهم
شفتهم عالترب نومه شحالي ايصير وآنه أمهم
مطشره اجساد وبلا روس لا واحد أجه ولمهم
تذبحوا ويه اخوي حسين -- أنه زينب
واسوني بدموع العين -- آنه زينب
لمن بخوتي اتواسون -- ليش الولدي متذكرون

.........
سيد عدنان الحمامي

---


 
 توقيع : سيد عدنان الحمامي



رد مع اقتباس
قديم 04-01-2017, 01:57 AM   #5
المراقبين


الصورة الرمزية شجون الزهراء
شجون الزهراء غير متواجد حالياً

بيانات اضافيه [ + ]
 رقم العضوية : 465
 تاريخ التسجيل :  Mar 2012
 أخر زيارة : يوم أمس (04:51 AM)
 المشاركات : 5,025 [ + ]
 التقييم :  10
لوني المفضل : Cadetblue
افتراضي



بسم الله الرحمن الرحيم
الَلهّمّ صَلّ عَلَىَ محمدوآل مُحَّمدْ الَطَيبيِن الطَاهرين الأشْرَافْ وَعجَّل فَرَجَهُم ياكريم.
وفقكم الله لخدمة اهل البيت عليهم السلام.ونسأل الله لكم قبول الاعمال.


 
 توقيع : شجون الزهراء

اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.


رد مع اقتباس
قديم 04-05-2017, 02:32 PM   #6
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



وفاوة زينب ع
-
-
-
المستهل
---
دمنه الك قربان -- ياربي ياربي
بس ترضه يارحمن -- ياربي ياربي
سبيي وعذابي ايهون --راضي علينه أيكون
ياربي ياربي
-------
يارب يالاه الناس ياقيوم
ياعادل بعدله وناصر المظلوم
كلشي هالك أو وجهك الاهي ايدوم
أنه زينب وأصليلك شكر كل يوم
والترضه عنه ايفوز -- ياقادر ياقادر
درب السراط ايجوز -- ياقادر ياقادر
كل اخوّتي أيگولون -- راضي علينه ايكون
ياربي ياربي
------
وحگ جدي الذي بالغار يتعبد
الساني بالحمد يارب الك ردد
يقين الي يضحي الك يتمجد
ولدي اثنين فدوه عون ومحمد
روس وشفت برماح -- اولادي اولادي
بالحمد گلبي صاح -- اولادي اولادي
الدينك يرب يفدون -- راضي علينه ايكون
----
بنت ام الحسن واسرارها عندي
ومن فيض النبوه وعلمي من جدي
أخوتي في سبيلك ضحوا أو أولدي
يربي بالعطه ماقصرت يدي
ثورة عدل واصلاح -- ردناها ردناها
لاطاغي لا سفاح -- ردناها ردناها
لا كرسي يحتكرون -- راضي علينه ايكون
ياربي ياربي
----
آنه اللي أبويه حطم الاوثان
ناصر للرسول أمفسر القرآن
بغزواته الغزاها ذلها للفرسان
وبسيفه الشرك واهل الشرك تنهان
سيفه جنح جبريل -- خفگاته خفگاته
كل الطغاة اتزيل -- خفگاته خفاته
بحربه منه أيشردون -- راضي علينه أيكون
يارب ياربي
------
يسموني العقيله زينب الكبره
خذت حلم وصبر من فاطمه الزهره
وشاركته لخويه من علن ثوره
مذياع النهظته وطاوعت أمره
بالطف عيون الناس -- شافتني شافتني
بزودي مثل عباس -- شافتني شافتني
بصبري العده ايحيرون -- راضي علينه أيكون
ياربي ياربي
-----
أنه بنت الذي من يطعن برمحين
وزلزل كونها بغزوة بدر وحنين
أمي فاطمه وأخوه الحسن وحسين
كلشي ارخيص عدنه ويا غلات الدين
جاهدنه بالارواح -- ميهمنه ميهمنه
خل يذبح الذباح -- ميهمنه ميهمنه
في سبيلك يرحون -- راضي علينه ايكون
ياربي ياربي
-----
آنه بمجلسه ليزيد ذليته
بعقر داره درس ماينسي أنطيته
ذليل ابين قومه وناسه خليته
احنه للنبي احنه اهل بيته
يتشمت بينه ايريد -- ذليته ذليته
بت علي اتهين ايزيد -- ذليته ذليته
من قولي يتعجبون -- راضي علينه ايكون
ياربي ياربي
----
سيد عدنان الحامي
----


 
 توقيع : سيد عدنان الحمامي



رد مع اقتباس
قديم 04-18-2017, 01:15 PM   #7
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



-
-
المستهل
---
فارش عباته -- بسجنه الصلاته -- الساعة وفاته --
لا مظلوم
فصم قيوده -- بصبره وجهوده -- -- اصبح خلوده
لا مظلوم
-------

ياهوا اليناضل يرتقي المجده--- مو كرسي لو تاج الذي ايعبده
وخله الفقير اعله الترب خده -- عالظالم الله ما خلف وعده
برهانه شفنه -- عدله عرفنه -- بالحق نصفنه
لا مظلوم
ضد الحقوده -- فصم قيوده -- اصبح خلود
لامظلوم

--------
وين الطغات شأخذوا أوياهم -- شيطانهم ذكر الله نساهم
باعوا الدين اشتروا دنياهم -- صار الجهنم صار مآواهم
السوه جريره -- ضيع ظميره -- هذا مصيره
لامظلوم
الكاظم صموده -- فصم قيوده -- اصبح خلوده
لامظلوم
----------
من سجنه چان ايوصل الفكره -- المنسلب حقه واجب اتنصره
بعين الرحيمه الجارك اتنظره -- لو صابه ظيم بصبرك اتصبره
جارك نصيرك -- حسبه بظميرك -- ماينخه غيرك
لامظلوم
الثبت وجوده --- فصم قيوده -- اصبح خلوده
لامظلوم
--------
يوصينه چان نعزز الخوه -- واحد للآخر عنده المروه
نتسامح ونتكاتف بقوه -- بقعر الفتن مارادنه نهوه
كل چلمه آيه -- النه الهدايه -- خوتنه غايه
لامظلوم
للحق حدوده -- فصم قصيوده -- اصبح خلوده
يامظلوم
-------
أويه الوالدين ايريد نتصبر --- لاتقل أفّن لهم لاتنهر
جازي تعبها الربتك تسهر ---- طيعه لابوك ابدنيه لاتنغر
قدر تعبهم -- ابقه بقربهم -- امشي بدربهم
لامظلوم
بنفسه الودوده -- فصم قيوده -- اصبح خلوده
لامظلوم
-----------
بت جارك اختك احسب احسابك -- تغتاب أحد غداٌ يغتابك
بهل الصفه جارك حتما ايهابك -- ويسئل عليك بلحظة اغيابك
هاذي حميته -- الطيبه سجيته -- ويباري بيته
لامظلوم
وفه بوعوده -- فصم قيوده -- اصبح خلوده
لا مظلوم
--------
من الكاظم ادروس وعبر منه -- نعيش الحياة بخير رادنه
شنريد اكثر بعد نتمنه -- درب الرشد دلانه بالجنه
عيش بحياتك -- احفظ صلاتك -- بيها نجاتك
لامظلوم
الجنه وروده -- فصم قيوده -- اصبح خلوده
لامظلوم
---
سيد عدنان الحمامي
--


 
 توقيع : سيد عدنان الحمامي



رد مع اقتباس
قديم 04-18-2017, 01:47 PM   #8
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



لللكاظم ع
--
--
-
-
المستهل
----
گظاها --- كفو ولله أمن أبو طلبه گظاها
دواها -- طبيب وعند ابن جعفر دواها
يشافي العله نوره بلسم اجروح--- للكاظم اذا محتاج اله روح
-----
ياللي زمانك دوهنك لو فكرك أحتار
وجمرة دليلك تلتهب من الظنك نار
الموسى بن جعفر تعتنيله وگله خطار
هالدار عامر بالكرم مامثله كل دار
تعنه -- لبن جعفر تعال أشكيله الهموم
تمنه -- دروح اطلب تحصل حاجتك گوم
ساعتها العسر من عندك ايروح -- للكاظم أذا محتاج اله روح
-----
بالكرم ما مثله انوجد عالمعّوز ايجود
ينطيك لو منه خذت هم أرجع اردود
شارات كثره واضحه من يكرم ايجود
أمجرب عطائه وما اله حد ولا محدود
سخائه -- ابد ماكو مثيله ابد ماصار
عطائه -- ابمضيفه ولله لا ماتنطفي النار
يشافي البي جرح من عوزه مجروح -- للكاظم أذا محتاج اله روح
----
بالعتبه لو يمه رحت أگعد وحاجيه
والطلب عنده لو ردت هالطلب تلگيه
خايب ميرجع للگصد ساعتها ينطيه
گوم انفظ اتراب القهر للكاظم انخيه
خذتها -- بيدك لو حت منه خذتها
شفتها -- اله شارات ابن جعفر شفتها
ابد لا مايخلي حمل مطروح -- للكاظم أذا محتاج اله روح
--
عينك بعين الله وتمد چفك يمتعوب
ساعتها تبرد مهجتك لو چانت أتلوب
اتحصل أشما منه ردت ول الك مكتوب
مو گلب واحد فرحه فرح للگلوب
بدينه -- اخذنه من ابن جعفر بدينه
مشينه -- مضيفه العامر شكبره لگينه
ودمع الفرح فوگ الوجن مسفوح -- للكاظم أذا محتاج اله روح
---------
مايرضه محتاج وتظل امهبط الراس
شوف ابضريحه من تجي شوف اشكثر ناس
بحسين روح وحلّفه وحلفه بعباس
عنده كرم ماينوصف لا لا مينقاس
چفوفه -- يمه لليجي أچفوفه سخيه
تشوفه -- ابد مايبخل ونفسه ابيه
يحيي للامل لو چان مذبوح -- للكاظم اذا محتاج اله روح
--------
ناس التزوره تبتشر يجليها الهموم
لوبيك ظيم امن الوكت ماتظل مظيوم
كوم اخذ رايه وأعتني للكاظم اليوم
لاتظل مكسور الگلب وبروحك تلوم
اخذله --- خضره رايته واعگدها يمه
تزوره -- بالعتبه حچي شعندك تكلمه
واشتم عطر جنه ابمرقده ايفوح -- للكاظم اذا محتاج اله روح

----------
سيد عدنان الحمامي
-


 
 توقيع : سيد عدنان الحمامي



رد مع اقتباس
قديم 04-18-2017, 02:22 PM   #9
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



--
للكاظم ع
-- نزله
----
المستهل
---
وين السجن والسجان -- وين الترف والغلمان
----
وينها سجون الرهيبه وين حاكمها الحكم
وين من نفس الشريفه ابلا سبب منها انتقم
وين من چانت الدنيه أوياه للدنيه أبتسم
وين ذاك الخطط الها ولوحة اطماع الرسم
حسباله هوه الربحان -- وين السجن والسجان
----
وين ذاك بدرب منعم مطمئن دربه سلك
دنيه چانت كلها بيده أشما حوت الها ملك
هوه يدري ابيوم لابد بيه يندار الفلك
راح وندثرت ارسومه بلحظة البيها هلك
گبره بعد ماله أمچان -- وين السجن والسجان
----
شهر أمشي المثل گال وابد لاتطفر نهر
ماعرف هارون الها شلون لو يوم وعثر
تربع بكرسي الأماره ناسي ضربات الدهر
حارب ابسلطانه للحق تاج لابس بي درر
للترف يعزف الحان -- وين السجن والسجان
-----
ملك للشرق وغربها طاغي عالامه ولي
تاج وقصور وغواني أويه الجواري مختلي
على ارگاب الناس ظالم عالرعيه يعتلي
چان للغيمه يگلها روحي اخراجج الي
لا أخذ زرع وبستان -- وين السجن والسجان
------
قابع بقصر الرذيله وكاظم الغيض بسجن
سنين من عمره گظاها بسجن الاظلم مرتهن
مقيد بقيد الحديد ومن قساوتها يون
ساجد وراكع تشوفه وقايم ابليل اليجن
ساجد يناجي الرحمن -- وين السجن والسجان
-----
خالد بطول الزمان الكاظم وخصمه اختفه
هوه سلطان الرعيه وتاج راس المعرفه
ومشعل اعلوم العباد اليضوي مايوم انطفه
قاضي للحاجات أسمه العافيه بي والشفه
عايش يظل بالوجدان -- وين السجن والسجان
---
سيد عدنان الحمامي
----


 
 توقيع : سيد عدنان الحمامي



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول