|
#1
09-04-2016, 01:11 PM
|
||||||||||
|
||||||||||
متفرقه ---- عدد 2--- متفرقه
بسمه تعالى
في حق مسلم بن عقيل ع -- - - المسلم ع .................. المستهل ................ يتيمه لبنيتك تعوف --- خذت عيني شلون أشوف خذت عيني شلون أشوف --- يتيمه لبنيتك تعوف كل أبو البنته حبيب --- ليش عن دارك تغيب بويه --- بويه .......................................1 مسلم اوياك --- ليش بويه ماخذتني ورايد اتروح الله وياك --- خلي بس الهم اليه ونزف الجروح دنية اهموم --- بويه ماعيش بغيابك شلي بالروح مثلي حگها --- لحّد أيلوم اليتيمه التبچي وتنوح منين لفراگك دوه --- وأحس مخنوگة هوه -- أحس مخنوگنة هوه -- منين لفراگك دوه بس أشم عطرك أطيب ____ ليش عن دارك تغيب -- بويه بويه ...................................... 2 بويه مسلم --- يالعفتني ابلا وداع شلون بيه روحي وياك --- يالخذتها ورحت يابويه امن اديه كبر همي --- طفله وشكبره صبح همي عليه ابچي الدموع -- سكنه واستني وتصبرني رقيه گلبي الزغير يذوب - گلبي مو مثل الگلوب - گلبي مو مثل الگلوب - گلبي الزغير يذوب أبو ايحن منين اجيب --- ليش عن دارك تغيب -- بويه بويه ..............................3 ذبل عودي --- وآنه غصن الورد غصني يذبل بساع بويه افديك --- بعمري چان شريت عمرك لون ينباع هالامل راح --- حلم وبحظنك أظلن هالحلم ضاع بهذا زغري --- تريدني أحمل يبويه شحمل أوجاع زغيره ما أگدر اجيك -ارد أشوف شصار بيك - ارد اشوف شصار بيك - زغيره ما اگدر اجيك آه من هذا النصيب --- شلون عن دارك تغيب --- -- بويه بويه .................................4 الأبو لو راح --- ألابن يحملها لچن عالبت مصيبه بعد عينه --- لاحنان ولاعطف وتحس غريبه هيبة الدار --- مو چنت مهيوبه بيك وألنه هيبه دنية أقدار --- كل حبيب يودع بغفله حبيبه ابچي ليل و بالنهار - دمعي شيطفيله نار - دمعي شيطفيله نار - ابچي ليل وبالنهار بگلبي مايطفه اللهيب --- ليش عن دارك تغيب -- بويه بويه .............................. 5 ياهوه الهاب --طير بيّه الوالدي حنيت أشوفه جرح فرگاه --- بلچي أشوفه عدل والجرحي يروفه ايحن عليه --- من يشوف ابنيته بعيونه العطوفه أيطمن الروح --- بس على راسي يخليهن چفوفه خايفه من هالزمان --بت واظل بلا أمان -- بت واظل ابلا أمان - خايفه من هالزمان بلسم الجرحي وطبيب --- ليش عن دارك تغيب-- بويه بويه ................................... 6 وين يابت --- كون هم مثلي يتيمه اتسولف أوياي عن ابوها --- مثلي انشدها تحبه چانت أهواي آنه أبويه --- هالهوه الاشتمه چان وخيمة افياي بي ألوذن --- هوه گلبي ومهجتي وسلوتي ابدنياي يالعفتني ابلا حنان - بسمك اندب كل أذان - بسمك أندب كل أذان -- يالعفتني ابلا حنان وينك اصرخ ماتجيب --- ليش عن دارك تغيب -- بويه بويه ...................... سيد عدنان الحمامي ..... ...................... ليلة العاشر الوداع ........... ,,,, بسمه تعالى ....... المستهل .............. ليلة وداع وسهر -- وأقره آيات وسور للوحشه اصلي بالفجر --- تتذبح الوكت الظهر-- ربي سترك ربي سترك .................. حسين آخر يوم عمره أويانه ظيف بكربله من اشوفن وجهه آيه وضاويه بالبسمله بخيمتي كلسا اصلي للحفظ فد نافله حفظه ياربي أندعيله حسين ماغيرك اله رهبه ليلي مو سهل -- نومها عيني تمل چم ساعه هاليل أو يمر --- تتذبح الوكت الظهر --- ربي سترك -- ربي سترك ........................... شلون لمة أهل وأخوه والشباب امنعمه وصار ليل وجن عليهم والمنايا امخيمه من أبويه اربع أخوه أويه الحسين أمحزمه حزام ظهره بهل المسيه وباچر بفيض الدمه بالسمه بحزنه الگمر -- ينگطع أشرف نحر ليله اخير أمن العمر --- تتذبح الوكت الظهر-- ربي سترك .......................... هاي ما أرضاها عيني اليوم اذا غمظت جفن وكون أگطع گلبي هذا لخوتي لو مايحن وخلي بين اضلوعي ونّه أو لايسمعوني أون عسن هذا الليل طول دهر ريته ولايجن بهاي لمتنه سوه -- ويانه حزنان الضوه الباچر يريد ألنه صبر --- تتذبح بوكت الظهر --- ربي سترك ربي سترك ...................... الليله ماضميت دمعي فاض من عيني الدمع وآه گلبي شلون أحسه ايطيح ويلزمه الضلع من شفت رمله الولدها حنه ومحظره الشمع وأم الاكبر تندعيله تگول لابي أنفجع قريت سورة هل اته -- بنحره بسته وغُرته بگلبي الكسر ماينجبر --- تتذبح الوكت الظهر -- ربي سترك ربي سترك .......................... لحظه لن يمي أجاني الگمر وآنه بخيمتي بوجهي يتبسم أخويه وباسني من غرّتي گالي يفديچ عمري زينب وكل أخوتي كتله خاف اخلاف عيني خويه تجري دمعتي لا يبت عقد الوله -- عندي انتي أمدلله وسكتت ماعندي عذر --- تتذبح الوكت الظهر -- خويه يحسين -- خويه يحسين ........................... رمله سهرانه اويه ابنها بروحها اتهز المهد ضامي گلبه وجف صدرها وأيست منه بعد تعاين بوجه وتگله شحالها التفگد ولد راح اظل بثوب الاسود يبني يبني للأبد ينگطع لمك غصن -- ايمّوت أفراگ الابن من باچر اخيامي جمر --- تتذبح بوكت الظهر -- ربي سترك ربي سترك ................. سيد عدنان الحمامي -- الحمد لله 
|
|
09-21-2016, 12:48 AM
|
#2 | |
 مديــر عام
|
يظامي بالمهد يبني --- عطش گلبك يعذبني
حزن خيم يعبد الله --- تعيش أحلم يعبد لله .............. دحاچيني --تبچيني ---هاك اشرب يعبد لله دمع عينيي --- يوليدي -- وشبيدي-- شح الماي يبني بينك وبيني مهظومه -- ومالومه -- يچويني احس اظماك يچويني- - من امك -- ليهمك -- أخذ شريان گلبي اللي يغذيني اخذ شتريد من عندي-- أخذ روحي اخذ چبدي واتألم يعبد الله --- تعيش احلم يعبد الله ----------2 هاليچويك --جمر البيك --- يچويني واعاين حالك برهبه جدامي -- بچبد ظامي --- وعينك بس على امك يالولد تربه آهاتي --- ودمعاتي -- راح اعصر اعيوني المايهن شربه وين نروح --- بينه جروح --وين احنه ييمه امن الوطن غربه اناغيلك عمر اگدر --- شكثر متريد اتصبر ولا بالهم يعبد الله --- تعيش أحلم يعبد --------------------- 3 اظل اللهم -- صبر والهم --يسليني القهر يبني اوانين الروح تناغيني -- عمتي عيني -- واهز مهدك ييمه بالالم والنوح جاوبني --- تخيبني -- مو هينه يعبد امن اديه اتروح مهمومه --- وملچومه --فراگك مو يكثر للجروح اجروح ابوك حسين مابيده --- منين الماي لوليده اظن تعلم يعبد الله--- تعيش أحلم يعبد الله ----------------------4 ما أگدر -- واتحير -- اظلن بالحزن وبحسرتي وروعي --انحب دوم --- يالمظلوم ---يظلن كل وكت دم تهمل ادموعي گلبي هموم -- يالمحروم --- خوفي اعليك يبني برهبه وبروعي مو باريت --- مو لوليت ---- تسع تشهر مهد صارتلك اظلوعي عطشان وذبل وردك --- يبني ياذنب عندك نهاري اظلم يعبد --- تعيش احلم يعبد الله -------------------5 ضوه دربي -- الزمت گلبي ---أخاف اليوم عني تبتعد عني - -- عني تروح -- يروح الروح ---وأخاف ام المنايا تاخذك مني بگلب لوحن -- أظل أحزن --- -بثوب اسود ليالي اجفاك يردني حسبت احساب -- ظني خاب ---- -يعبد الله ييمه ينگطع ظني الوج بحسرتي يمك --- جف صدري يبعد أمك دموعي دم يعبد الله --- تعيش أحلم يعبد الله ................................6 اناغيك ---- أحاچيك --- وبعيونك بعد متشوفها لأمك ونيني --- وحنيني --- ولاچني بحنيني گاعده يمك دمعتي --- بلهفتي --- الك ملهوف صدري ورايد ايظمك رحتله --- وگلتله --- بلچي الماي يجبه أمن النهر عمك يرد عباس ننتظره --- عمرك سالم وعمره أظن تعلم --- يعبد الله --- تعيش أحلم -- يعبد الله ---- سيد عدنان الحمامي ---- |
|
|
|
|
09-24-2016, 06:59 AM
|
#3 | |
|
مديــر عام
|
بسمه تعالى
اللهم صل على محمد وال محمد ----------------- للانصار ---- المستهل --------- هتفنه اويه اليهتفون ---- نضحي أويه اليضحون -- وياك - وياك صبح واحدنه مجنون -- مثل عابس مثل جون -- وياك وياك --------- يبو اليمه امقصرين اوياك شنهو انقدمه بالبنين ومال نقسم الك نبذل والدمه انت ريحانة محمد انت روح الفاطمه انت شافع النه منقذ انت بيك الغانمه اخذ هذا عهدنه --- ولانخلف وعدنه الك ارواحنه اتهون --- مثل عابس مثل جون -- وياك -- وياك ------------------ ثابت وباقي عهدنه امن الازل عدنه عهد ياسفينه او للنجاة أيامن البيها صعد الك ارواح وبنين والك مانملك بعد واليخدمك بالقيامه اهناك جائزته وجد بعد امك تجازيه --- شفاعه اهناك تنطيه بجنا الله ويفرحون --- مثل عابس مثل جون -- وياك وياك -- ---------------- النصرتك باچر يفوز بروحه كل واحد يهب والله خصك بالشفاعه ونته تشفع للمحب وبيك يغفرله الذنوب ايروح مغفور الذنب ومن يزوغ البصر باچر علي يروينه العذب الك دمنه والارواح --- العمر قربان لو راح واحنه أمن اليفوزون --- مثل عابس مثل جون -- وياك - وياك ------------------ أمن الازل احبابك احنه لا اليوم ولا أمس يظل شلال المحبه بينه يروي كل نفس ياحسين انته الامان وكل موالي بيه يحس تظل غالي يبو اليمه وخصمك ايظل البخس وين الخاصمك وين --- ماله گبر يحسين خلها اتشوف العيون --- مثل عابس مثل جون -- وياك وياك ---------------------------- گبرك انشاهد ضريحه صار كعبه لليطوف ناس تتعنه بجدمها ناس تتعنه زحوف هالملايين التزورك يبو اليمه مو ألوف حتى جبرائيل يمك ويه زوارك يطوف گبرك كعبة احرار --- فاز اللي اجه زار يمك خل يشوفون --- مثل عابس مثل جون -- وياك -- وياك ------------------------- مايخيب العنده حاجه وگصد يمك مايخيب جدك لالله حبيبه ونته للهادي حبيب لو دعه الداعي ابضريحك الله للداعي يجيب منك الوصفه اليجيك ومايروح الكل طبيب بگبتك كل دعه انجاب--- تربتك وصفه التراب بزوارك يرحبون --- مثل عابس مثل جون -- وياك -- وياك سيد عدنان الحمامي ..................... ....................... ....للقاسم ع....... ............... المستهل ........... جبنالك الشمس --- يجاسم للعرس --- وگلبي بألم يحس خاف من عندي تروح --- خاف ما أفرح انوح ................. بيك فرحانه شمسنه ونته فرحان وفرحنه والنجوم اليوم تضوي امساهره أويانه الصبحنه يوم المبارك عليك وبالهلاهل كلنه صحنه حلم هذا بعين امك خاف لايصبح جرحنه غداره دنيتي -- تطفيلي شمعتي-- وتسلبني فرحتي لمك اتخلي الجروح --- خاف ما افرح انوح ........................... عطرت بدلة زفافك يبني والحنه اعجنتها وهاذي صينية شموع الزفتك هم حظرتها عيوني هاي اللي تشوفك الك قربان انذرتها أمبارك الشمعه تگلي لمن بروحي اعلتها روح أمه من ملك -- عماتك وهلك -- نثروا ورد الك وعطرك وليدي يفوح -- خاف ما افرح انوح ................................ شگد مسعده نور جاسم لمه ومضوي سماها هلال دنيه من اشوفه ابني لعيوني ضواها تعمه عين الماتشوفه هالضوه لو ما اجاها خايفه وگلبي لزمني خوفتي مدري شوراها گمر ليلة قدر --- افرشله هالعمر -- بدربه لمن يمر وجهه مامثله صبوح -- خاف ما افرح انوح ....................... مثل ابوك بكل خصاله للحسن يوليدي چنك من يصيبك يبني عارض أحمل آنه هذا عنك ليله ما أجرع فرگتك من گبل من زغر سنك اندعي يبني ابصلاتي الله لايحرمني منك اتنفسك هوه --- بلسم جرح دوه -- لعين امك الضوه تعوفني لا وين اروح -- خاف ما افرح انوح ...................... يالحنين وطيب انته يبني يامحله صفاتك بالهنه عمتك دعتلك كلهن اوياهن خواتك للسلامه گوم صلي افرشت سجادة صلاتك اغله من الدنيا عندي لمك وليدي اشغلاتك يانسمة الفجر --- انثر الك عطر --- ياجاسم البدر يبني يالگلبك سموح --- خاف ما افرح انوح ..................... خايفه ولنه يصير الچنت اخافن آنه منه اهدعش عمره اوليدي راح سيوف عدوانه ولنه شموعه مو بس هنه يطفن عمره وياهن طفنه راح يالچان اعله أمه فارش أجناح المحنه دمعي عليه يصب -- ليل الحزن صعب -- يشيبه للگلب بعد ماريدچ يروح --- خاف ما افرح انوح ........... ..سيد عدنان الحمامي ......................... .......... ..... للاكبر ع .................... المستهل .............. يحسين ودعته وبچت عينك للاكبر دمعه وشلون لو وسط الحرب ادركني صاح اتسمعه لا - لا متحمل فرگته لا - مايرد بروحته ................ عالبعد ونته تشوفه ماشي والساحة نظاله من محمد نور وجهه يابهائه ياجماله ومن علي جده أخذها شمرته وماخذ خصاله ونته ربيته بحنانك وشكثر منك دلاله لو راح منك ضنوتك يحسين كلفه اغيابه شيگول گلبك لوشف سيف اليضدك صابه لا -- عدوانك من اتولته لا - مايرد ابروحته ...................... من مشه الميدانه الاكبر بالاراده الصلبه عنده چن علي حيدر تشوفه بكل گلب خلاله رهبه ونته تدري بي شجاع او وحده ميثنيله ضربه والابن لو راح يگطع من ابوه شريان گلبه ربيت وتعبت شكثر يحسين وشدللته الهل اليوم يفديلك عمر وبكربله من ردته لا -- حزنت عيون الشافته لا - مايرد بروحته ..................... ودعك يحسين الاكبر ظامي چبده بحّر نهاره رايد ايضحي گبلكم هوه رايد بالصداره يدري وبساحة نظاله هالشهاده با انتظاره بي شهم للموت تدري مايقدمله اعتذاره دمه گبل دمك نذر تبقه يريدك سالم ودعيتله امن المعركه وليدك يردلك غانم لا -- كل الكتايب طوگته لا -- مايرد بروحته .............................. بهذا مصباح النزال ايودع حسين الحبيبه وماكو بس الموت يمشي ويعثر بارض المصيبه ياشباب اليوم رايد يختم بدمه مغيبه صبرك شكبره الصبرته اي يبو الاكبر عجيبه الجسام الاكبر ودعه وكله اعله ابويه عينك الديني احامي ابساحتي ونته تحامي الدينك لا -- زينب اجتي وباسته لا -- مايرد بروحته ...................... ساعه لن ظامي يردله والعطش ماردله چبده من أبوه ماي اليريده وبلچي ماي ايشوف عنده حسين هوه چبده ظامي ورايد الچبده يبرده ايحظنه للاكبر يشمه وخده خلاه اعله خده راح الحسين الخيمته وگلها يليله ادعيله بالخيمه امه و تندعي شالتها لالله الشيله لا -- الها سالم رادته لا -- مايرد بروحته ................. سيد عدنان الحمامي |
|
|
|
|
09-24-2016, 10:52 PM
|
#4 | |
|
مديــر عام
|
ام البنين ع طلب الحوائج
............ ...... المستهل ---- انته اعتمادي --- يارب انادي .......... ياربي يالعندك علم --- بهل الوادم وحالتها بأم البنين اتوسلت --- الوجهك تمدلك يدها كل حاجه لو متعسره --- تگضي يرب حاجتها هالناس كلها الرحمتك --- غيرك الاهي شعدها ارفع ايادي -- يارب انادي ............... يوسف البيك امن انتخه --- بالبير امره اتسهله اليعگوب رديت النظر --- سالم أوليده اتوصله واليفگد اوليده بعد --- يارب عليه موسهله رجعهم الحظن الاهل --- كل شاب سالم لاهله أمرك أرادي -- يارب أنادي ................. ياربي كل واحد اخو --- عنده ويريد ايشوفه أمن الجبهه سالم رجعه --- بجاه الگمر وچفوفه چم شاب من عدنه أنفگد --- وعين أمه لامتشوفه وچم ابو يدفنله أبن --- تحت التراب ايعوف احرس بلادي -- يارب انادي ............. يمنجي موسى امن البحر --- وهلكت بي طاغوته ونجيت نوح أمن الغرگ --- وذنون من الحوته العيسى رفعته للسمه --- وصورت الهم موته صعبه الشباب انشاهده --- لأمه يجي بتابوته من الاعادي --- يارب انادي ............... ياسامع النجوه اسمعت--- بحال الموالي او وضعه چفوفه رفعهن للسمه --- ويندعي ابجاه البضعه عنده دعاء اورايدك --- منه الدعاء اتسمعه كل واحد اللي بالحشد --- سالم وغانم رجعه بصوت المنادي --- يارب انادي ..................... ياربي كل شاب وفته --- بعينك الاهي اتحرسه وخليها لهله ضاويه --- اعليهم يربي شمسه يالتسمع الفگدت نظر --- وتسمع يرب الخرسه كل أم گلبها اعله الابن --- تدعي الضرر ميمسه بردّ فؤادي --- يارب انادي ................. بسم البنين الاربعه --- وامهم يرب ادعينه أمن العاديات وكل امر ---ايجيب الالم تحمينه ومن الذي بينه الضرر --- رايد يرب نجينه أم البنين أمكرمه --- عندك والها انخينه رايد مرادي --- يارب انادي --- سيد عدنان الحمامي |
|
|
|
|
09-24-2016, 11:14 PM
|
#5 | |
|
مديــر عام
|
للعليله
--- المستهل ---- من گلبي يشتاگ --- يجرحني الفراگ يابويه يحسين --- هالسفر لاوين يجرحني الفراگ ....................................... عليله --- أظل بالدار محتاره بظنوني أحسّب --- أگولن خاف احبابي نسوني أناطر --- بسلامه الدارهم اهلي يجوني الصورهم --- تظل تشتاگ كل لجظه عيوني يالماخذ احباب --- ليطول الغياب گولوا يطيبين --- هالسفر لاوين --- يجرجني الفراگ .................................. أريدك --- يبويه بعازتك طفله بعدني رجائي --- اريد اطلب طلب بس لاتردني اخذني --- تره اوداعك يبو الاكبر مردني شگولن --- لوّن خطارك اعليكم نشدني وشرايك بهاي --- يا أمل دنياي تنشدكم العين --- هالسفر لاوين ---- يجرحني الفراگ .................... يروحي أصبرچ ياصبر ومنين اجيبه يگلبي --- يفت الصخر من يشتد نحيبه يعينه --- يعين الله الذي يفارگ حبيبه بعدكم --- أنه بداري وأحس روحي غريبه أخذوها للروح --- ماتحمل جروح لاجرح جرحين --- هالسفر لاوين --- يجرحني الفراگ ...................................... زماني --- أنه شسويت يحرمني زماني سفركم --- تبعدون بسهم فره رماني هجركم --- آنه ازغيرة گلب ومنين أجاني حنينه --- عليكم وألمن ابديله حناني حزني مينقاس --- عمي عباس وفراگك منين --- هالسفر لاوين --- يجرحني الفراگ ......................... يعمي --- يبو فاضل عليله شرايك بهاي مترحم --- تفارگني أويه أخوتي غصب دنياي دموعي --- جمر عالخد أحسّن دمع عيناي لهفتي --- تموتني أمن أحن عالچانوا أوياي عفتوني بالدار --- أتنطر أخبار يا العني ماشين --- هالسفر لاوين --- يجرحني الفراگ ............................ لتمشون --- أشوف الدنيه چن صارت مكدره اريده ---- يظل عبد الله لگليبي يصبره تكسره ---- يبويه الخاطري لا لا تكسره روحي التودهم --- بالهم بعدهم ياعيني تبچين --- هالسفر لاوين --- يجرحني الفراگ ............... سيد عدنان الحمامي ................................................ ؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أم البنين ع ............................ المستهل ..................... بنيني اربعتكم --- برضاتي ودعتكم يويلادي --- يويلادي أسمعو هالوصيه --- تجازون الزجيه يويلادي --- يويلادي ..................... آنه أمكم شگد جاهدت بربايه وكل يوم احصنكم يولدي بآيه ومن الفخر بيكم زهت دنيايه چانت الي نصرت حسين الغايه وصيه من ابوكم --- تطيعون أمر أخوكم يويلادي -- يويلادي كواكب هاشميه --- تجازون الزجيه يويلادي يويلادي ......................................2 ياللي بوفاكم ولدي رفعة راسي بخوتكم يعرفون اهلي وناسي تبيضون وجه أمكم وهذا احساسي صلبين لو جار الزمان القاسي ذخر ولدي ردتكم --- تحرسون لأختكم يويلادي ---- يويلادي العقيله الهاشميه --- تجازون الزجيه يويلادي --- يويلادي ...................................3 بيكم اتباها بكل وكت خلوني اولادي انتم هالضوه لعيوني تعبت برباكم هالعمر تدروني توفون للزهره الي تجازوني يهيبه ورفعة الراس-- اريد اتباها عالناس يويلادي --- يويلادي يفرسان المنيه --- تجازون الزجيه يويلادي --- يويلادي ........................................4 أعرف مخاطر والدرب مو مؤمون وأدري بعد لو رحتو لا متعودون بس للحسين أرواحكم فدوه أتهون وبدم مناحركم اريد اتضحون يالبدور بوفاكم --- تضحون بدماكم يويلادي -- يويلادي الوفي يوفي أخيه --- تجازون الزجيه يويلادي يويلادي --- يويلادي ...........................5 هالرايه الكم حيدره خلاها وفوگ الجماجم لو غزه علاها وبكل حرب يمشي النصر وياها لعباس من ازمان هوه انطاها يعباس وچفوفك --- تضحيهن أشوفك يويلادي -- يويلادي ولاتبخل عليه --- تجازون الزجيه يويلادي -- يويلايد ..................................6 شموس الثلاثه اويه الگمر ودعتهم واحد بعد واحد أجت باستهم لليوم هذا امهم الرادتهم آخر وداع ومابعد شافتهم وداع الودعتهم --- تضحي باربعتهم يويلادي --- يويلادي تطالب هالوفيه --- تجازون الزجيه يويلادي --- يويلادي ........................ سيد عدنان الحمامي .................... ........................ ....... ........ |
|
|
|
|
09-24-2016, 11:16 PM
|
#6 | |
|
مديــر عام
|
......... المستهل ........... كل الزلم --- عدهم علم هيبه الاخو الخواته وعباس ألي --- بهيبة علي نشمي وسبع صفاته يضي عيني ---- يضي عيني ................................. 1 عندي اخويه المامثل شخصه بصفاته أغله من روحي وعزيز وياغلاته مايردهن طلب لو طلبن خواته سمح ويانه وكريم وطيبه ذاته من الأبو ---- عزم الأخو من حيدره الفراسه صادق عهد --- يوفي الوعد يقدس الوفه قداسه يباريني ---- يضي عيني .............................. 2 حگي اتباها الخواته ايحن عليهن خاف محتاجات شي ينشد يجيهن ابد مايرضه لون مرّ ظيم بيهن عالهوه يغضب لون حرك عبيهن مثل الفحل --- لو له زعل حيدر علي تشوفه شنوصفه --- وعنده الوفه ناذر الي چفوفه يناديني ---- يضي عيني ............................................3 أخويه من أبويه رفعة الراس شجاعه العنده منها أتعجبت الناس عطوف ومن علي يتملك احساس يگلي الچ فدوه ايروح عباس وخصله بعد ---- مثل الأسد سوح الحرب تهابه وأخت البدر --- بي تفتخر بي شافت الصلابه يسميني --- يضي عيني -- ...................................4 أساعد أمه من چانت تربيه ومثلها هم چنت بعيوني أباريه عزيز أختك يبو فاضل أناديه يبوس ايدي أمن اجي يمه واحييه صار الگمر ---- حزام الظهر لحسين اخويه ايسنده طف كربله --- أمن ايزلزله عسكر بوحده ايرده شينسيني --- يضي عيني ..................................5 چنت وياه اسولف مره بالبيت يمهيوبه باخوچ ايگلي وبچيت واذا فد يو گتله بحيره ظليت شسوي لو ألك ياخويه حنيت اي يابدر --- شنهو العذر لو اختك ابلا والي يوم المحن --- تبچي اظن لمن تشاهد حالي وتواسيني ---- يضي عيني ............................. 6 صدگ يوم الطفوف اتفارگ اوياه وادور عالنهر وأهناك الگاه نظر عينه السهم للنظر طفاه واعاين رايته ويسرته ويمناه وجهي الطمت --- لمن شفت سهم الطفاها العينه راح السبع --- واجري الدمع بدمعي اغسلت چفينه يبچيني ---- يضي عيني ................... سيد عدنان الحمامي .......................... ........................... |
|
|
|
|
09-30-2016, 09:15 PM
|
#7 | |
|
مديــر عام
|
...................
ام البنين ع ---- - لام البنين ع ......... المستهل ....... بنيني أربعتهم --- لحشدكم ودعتهم -- يولايدي - يويلادي وبوفاضل معاكم --- يوفون الوفاكم --- يويلادي -- يويلادي ........................... 1 يحشد الله المقدس اندعي وشوف آنه أم البنين وفضلي معروف تنادوني وعليكم مايمر خوف وياكم اوليدي الضحه اللچفوف سواتركم أمينه -- بچفوفه ويه عينه -- يويلادي يولادي للجبهه اجاكم --- يوفون الوفاكم -- يويلادي يولادي ............................2 بسواتركم شفت اسود لبستو على حسين العزه ومنبر نصبتو وبحرگة گلب لمن لطمتو وبالقامات روس اعليه طبرتو بخدامتكم اليه --- تجازون الزجيه --- يويلادي -- يولادي يحسين بنداكم --- يوفون الوفاكم --- يويلادي - يويلادي .......................3 شعايركم اشوفن قايمه اليوم لبستو اسود وآنه سوده الهدوم لطمتو اصدوركم أحا يمظلوم وبيكم كل گلب لحسين ملچوم والزهره بدمعها --- وبكسرة ضلعها --- يويلادي يولايدي وتعاين عزاكم --- يوفون الوفاكم --- يويلادي يولايدي .....................4 حشد حسين انتم خيرة الناس أوياكم بالسواتر ولدي حراس سمعت منكم ندبتوا وليدي عباس لا يبطال حدكم لا مينداس اولادي او بختهم --- تحشمهم أختهم -- يويلادي يولايدي بسم زينب لواكم -- يوفون الوفاكم -- يولادي -- يويلادي ..........................5 على الساتر لاسمي من تذكرون ارفعوا چفوفكم للباري تدعون بذكر أم البنين اليصعب ايهون كرامه أمن الله عندي بهاي تدرون كراماتي تشوفون --- بسمي من تندبون -- يويلادي -- يويلادي يسددلي خطاكم --- يوفون الوفاكم --- يويلادي --- يولادي ............................ 6 دعاء اليوم يم عباس اسمعيه بالجبهه الندب بسمچ تحضريه گلب أمه وأبوه يطمئن خليه يا أم البنين وعينچ اعليه أگضيها الحوايج --- لمستوها النتايج --- يويلادي-- يولايدي -- للباري دعاكم --- يوفون الوفاكم -- يويلادي -- يويلادي ......................... سيد عدنان الحمامي ........................ |
|
|
|
|
09-30-2016, 09:28 PM
|
#8 | |
|
مديــر عام
|
------- لمة عزه -- يوم العباس ع ----
المستهل --- زينب تريد العباس --- هوه نظر عيناها -- واعد رقيه أمن النهر مايلها لونزل سيفه بغيرهم مايلها ابمهره العزوم اعله النهر مايلها وتتعثر الخيل ابجثث خلاها زينب تريد العباس --- راح وبعد ماجاها -- -- وبحور سووه امن الدمه ماجاها بس ليش ظلت تنتظر ماجاها ورياج من حرّ الظمه ماجاها وشبحت رقيه الرجعته عيناها زينب تريد العباس --- راح وبعد ماجاها -- -- لخيامه ياساعه الذي يوصلها وطمن رقيه من مشه يوصلها لو أسحگ أرگاب العده يوصلها ابنار وسقر يصبح بعد مثواها زينب تريد العباس --- راح وبعد ماجاها -- -- آنه الذي ابيوم الحرايب عباس يرهب فوارس سيفي لوله عباس حيدر ابويه وآنه شبله العباس وكل بني هاشم بيدي رف الواها زينب تريد العباس --- راح وبعد ماجاها -- --- بسيفه الگمر ويه العدو سايلها وزينب حزينه والدمع سايلها وحسين اجه عن الگمر سايلها گالتله اختك عالكفلها أبچاها زينب تريد العباس -- راح وبعد ماجاها ----- --- زينب شتحمل هالمصايب والهم صاحت غصص اجرع يخوتي والهم ناس اللذي فجعوني باچر والهم حرمه وغريبه من بعد يرعاها زينب تريد العباس -- راح وبعد ماجاها سيد عدنان الحمامي |
|
|
|
|
09-30-2016, 10:43 PM
|
#9 | |
|
مديــر عام
|
بداية عزه -- ولائيه
- - المستهل ---- الله لايحرمنه خدمة فاطمه --- نقسم بفاطمه الزهره اعليك يارب الصمد فاطمه هيه الشفيعه للخدم مخلص وأجد ربي لاتحرمنه ربي هالخدامه للابد ربي فدوه انروح كلنه والد وماولد أجر منك يالاهي اعلينه انته تقسّمه -------- خادم الزهره ابخدمتي أطلب أمن الله الرضه وهاي طاعه وأمر واجب الله هوه فارضه للنبي بهاي الخدامه المحب قرض ايقرضه للخطر كلمن جهلها جهله راح ايعرضه بخدمة الزهره نحصل الغانمه ---- الله لايحرمنه خدمة فاطمه ------------- شرف ولله هالخدامه ابد مامثله شرف والخدم للزهره باچر عذب كوثرها غرف بين هاي الناس كلها خادم الزهره انعرف والنبي بالطافه حتما عالخدم بنته لطف وبيد رضوان الخدمها ايسلمه --- الله لايحرمنه خدمة فاطمه .................. نشترك كل احنه بيها هالخدامه او مانمل لأن حبل الفوز هيه وبمحمد متصل وتگطع ادروب المخاطر هيه بس درب العدل ومن يجي ذكر الزجيه دموعنا الها تهل مو دمع نبچي عليها من دمه --- الله لايحرمنه خدمة فاطمه ........................ الف هنياله الخدمها وگظه بالخدمه العمر وجاهد أتحمل لجلها وبذل أتعاب وصبر والذي يبذل دمعته لجل فاطمة الطهر شموع باچر هالدموع اتصير وتضوي الگبر للمحب يحظرله حماي الحمه --- الله لايحرمنا خدمة فاطمه .................. علي باچر للموالي يحظر بيوم الفزع هناك والابصار تشخص خوف والرهبه وجزع بس موالي الزهره شأنه وبخدامتها ارتفع وبس هذاك اللي نكرها ابنار متوجره وگع وبالشفاعه بت محمد للموالي اتكرمه --- الله لايحرمنه خدمة فاطمه _........................ هاي خدمه المامثلها بيها جبريل افتخر يخدم الزهره تباها أبد مامنها أعتذر وأحنه نقسم نظل نخدم فاطمه الطول الدهر مانهاب الموت ولله نظل نتحده القدر الفاطمه اشما غالي عدنه انقدمه --- الله لايحرمنه خدمة فاطمه ................. سيد عدنان الحمامي |
|
|
|
|
10-01-2016, 01:03 AM
|
#10 | |
|
المراقبين
|
بسم الله الرحمن الرحيم
اللهم صل على محمد وآل محمد الطيبين الطاهرين الأشراف وعجل فرجهم يا كريم بارك الله بكم على لجهودكم العظيمة و الجبارة المبذولة في خدمة اهل البيت ( عليهم السلام )وجعله في ميزان اعمالكم يوم لاينفع مال ولابنون رزقكم الله شفاعة اهل البيت (عليهم السلام) في الدنيا وآلاخرة وحشركم الله معهم يوم القيامة ودمتم خدام لابي عبد الله الحسين ( ع ) |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|