#1
|
||||||||||
|
||||||||||
جرح واحد يمعصومه .... قصيدة لفاطمة المعصومة سلام الله عليها
بمناسبة وفاة السيدة فاطمة المعصومة بنت الامام موسى ابن جعفر عليهم السلام اقدم هذه القصيدة وهي مقارنة بينها وبين ام المصائب زينب -ع- .... قيل ان السيدة فاطمة المعصومة عندما حنت الى رؤية أخيها الامام الرضا واشتاقت له بعد طول الغياب قصدت المسير له وزيارته في دار غربته وصلت منطقة يقال لها(( قم )) سمعت بوفاة اخيها الامام الرضا صلوات الله عليه فماتت بغصة المصاب والم الحرقة فأأقول لها سيدتي \ (-المستهل-) جرح واحد يمعصومه.... گلبچ ماحمل همه شحال الغرَّبت للشام ...ترافك راس أبو اليمه ******* خاف الچم جرح گلبج ...يالبلحزن مهضومه أدري هالمصاب أعليچ ...كلف والله يمعصومه أبو محمد غريب أبطوس ...گضه و أحشاه مسمومه من راح الولي عنج بيَّن هالحزن منج ماهود أبد ونج وسهم النايبه صوب ....گلبج ما خطه سهمه ******* گلبچ بالحزن مجروح ...يامعصومه من أمصاب خبُر مالوم واسمعتيه ...من الوالي عنح غاب تدرين بصبر زينب ....عمتــچ حير الالباب چم الحيد منهه الراح وچم أيتيم يمهه الناح وعمود البيت الهه الـ طاح شافت طيحته وذبحه ....وعليه أتـنوح بت أمه ******* بدمع احمر على المقنع ...وحـــفــَّر فوك وجنتهه تون والونه مـخـفيه... ما بطــلت ونتهه متورج أبد شامت ....عزيزه وتخفي عبرتهه صبرهه الي بلغ حده لو حط عالجبل هده ما عاشت سنه وحده عگب الصار بيهه ودار ....بگلبهه مية الف ثلمة ******* كل أمصاب واحد صاب.... گلب زينب أبشوطاته عشر أكلوب أله يحتاج ...مو واحد حوه أبذاته مصيبة ذبح نحر أحسين ....ماتنحمل شوغاته و مصيبة چتلة الوليان ومصيبة حرگة الصيوان ومصيبة طبت الديوان والظالم شمت بيهه .....ولخوهه بالغ أبشتمه ******* گويه و بت علي متلين.... المصايبهه وتدنگ الهام عزيزه وماحوت ذله .... يشهد الهه گصر الشام كد كيدك تگل ليزيد ....رغد عينك أبد متـنام بس الاثر أعليهه وخله الهم يلاويهه دفنت طفله بأيديهه من ماتت أبجنب الراس ....و شغرت بالبچي يمه ******* يخت الرضا أمصيبتهه ....بفگد عباس كافلهه ذاك النفل والجيدوم...التعهد بالخدر الهه عزيز أبجاله هودجهه.... بعينه يباري محملهه بيده الجود والرايه ويلي أعله المسنايه طايح حاميَّ الثانيه وي طيحت گمر هاشم ....أولوهه العسكر أخيمَّــه ******* عدهه چم گلب يحمل..... شسولف من مصايبهه لرض طيبه العقيله أترد....من عگبت نوايبهه صدت تنظر اعله الدار ....وهضم السبي لاهبهه لخوهه ضل تون اخته وحشه أبدآره فاگدته وتضل تترآوه سالفته وماضل بالسلف وليان .....تكوم أتطالب أبدمه ******* اسئلكم الدعاء محمد ابورغيف |
02-22-2013, 07:18 PM | #2 |
المراقبين
|
عطر الله انفاسك الولائية
وجزاك الله خيرا قصيدة رائعة |
اللهم صلِّ على محمد وعلى آله الطيبين الطاهرين
|
02-23-2013, 09:01 PM | #3 |
مديــر عام |
احسنت كثيرا ابا زينب وربي يتقبل منكم وفقكم الله واعطاكم افسحها منزلا ان شاء الله ورزقنا واياكم العافيه |
|
|
|
|