عتاب كلي بويه اشلونكم.. عتاب شلون اعيش بدونكم

عتاب كلي بويه اشلونكم.. عتاب شلون اعيش بدونكم
عتاب من تسيل عيوني تجري..بويه تجري عيونكم
&&&

ندري باليفكد ابوه هواي صعبه..عليه تلتم العشيره وكله ربعه
تنشد عل الحال وتعاين بوضعه.. ترخص ادموع برحيله وتجري دمعه
اسباب من رحيل الوالد..اسباب ابرحيله اتشاهد
بالكلب يابويه جمره..لو اجو يردونكم
&&&

وحشه دارك ياعلي عليكم تنوح..بويه ممليه وحزين من الجروح
وين ياحيدر نويتي وين اروح..انهدم باب المدينه اعظم صروح
انصاب هاليوم الركن..انصاب مهموم ويون
بالكلب حسيت عصره..راحو اليحدونكم
&&&

اعرفت هاي النهايه من وصيتك..بيه اتوصي بيتامه واهل بيتك
كرب بهل الساعه مولانه منيتك..بويه للباري دعيت وهم دعيتك
احباب الكم بالكلب..احباب افراكم جدا صعب
عليك تنشدني الفقره..مااظن ينسونكم
&&&

بويه حزنانه عليكم من مشيت..اتركتني بدمعي انوحن شكد بجيت
ردت من شوفك يبويه وماارتويت..الحزن والاه عندي شكد حويت
احساب دمعي ينحسب..احساب نتركه صعبه النحبه
هاي اخر بويه نظره..شعيتك يرجونكم
&&&

اظلم الكون بغيابه وي النجوم..وكامت افلاك السمه بدارك تحوم
كله حزنانه وتنادي عل الغيوم..لازم بالشهر نحزن بل نصوم
المحراب يندب ياعلي..المحراب يبجي وي هلي
السمه حملت مطره..بمايه يغسلونكم
&&&

خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما