قصيدة (زوّارك احنه وشيعتك **** وريحة الجنّه ابدمعتك)

حنه وشيعتك **** وريحة الجنّه ابدمعتك)

(الحدي)

((مستفعلن مستفعلن *** مستفعلن مستفعلن))

--------------------

لا عن طمع لا عن مال **** من نهتف ابصوت الحال

زوّارك احنه وشيعتك **** وريحة الجنّه ابدمعتك

--------------------

يحسين ما بين الاهل **** والناس هلّينه الدمع

جتّال ما ظن ينحمل **** من نذكر اصواب الضلع

لمّن يهل خدّ الدمع **** جم الم هاج وجم صدع

ما لومه لو هل الدمع **** والكلب نار امن الوضع

لاعن طمع لا عن مال **** من نهتف ابصوت الحال

زوّارك احنه وشيعتك **** وريحة الجنّه ابدمعتك

--------------------

خدّامك احنه ونفتخر **** ودمعتنه مو دمعة ترف

ما اثر اعلينه الخوف **** لاطيّب الدمعه انحرف

لا عن طمع لا عن خوف **** من نهمل ادموع الشرف

محّد يلومه اللي يون **** من يهمل ادموع الطرف

ويم الوصي حامي الجار **** من نهتف لغالي الدار

انصارك احنه وشيعتك **** وريحة الجنّه ابدمعتك

--------------------

يحسين كل يوم اليمر **** وعليك ما يخفي الامر

نلطم السيف اعله الصدر **** عشناها ايام العمر

من يهل عاشور وصفر **** جم حسره بالغايب تُمر

بالكلب نيران الحزن **** تحرك مثل حرك الجمر

ويم الكبر ليل انهار **** من نهتف لحامي الجار

اجنودك احنه وشيعتك **** وريحة الجنة ابدمعتك

--------------------

يحسين مابين الشعر**** والناس مفهوم الحزن

من اذكر اصواب النحر **** حيل اطحن بروحي طحن

عالفطره حبّك سيّدي **** من نهتف ابصوت المرن

من اذكر اليوم الطفل **** حيل اسحن بروحي سحن

ويم النهر ليل انهار **** من نهتف ابصوت الصار

خدّامك احنه وشيعتك **** وريحة الجنّه ابدمعتك

--------------------

بقلمي
خادم اهل البيت (ع)
عبدالله خلف العتابي