.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 21 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 19 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »    



 
 عدد الضغطات  : 14554
 
 عدد الضغطات  : 5124


الإهداءات



إضافة رد
#1  
قديم 05-17-2017, 10:48 PM
مديــر عام
سيد عدنان الحمامي غير متواجد حالياً
Iraq     Male
لوني المفضل Darkgreen
 رقم العضوية : 1
 تاريخ التسجيل : Apr 2011
 فترة الأقامة : 4744 يوم
 أخر زيارة : 03-25-2024 (06:13 PM)
 الإقامة : الكاظمية المقدسة
 المشاركات : 7,694 [ + ]
 التقييم : 10
بيانات اضافيه [ + ]
افتراضي قصائد ---------- جديده عشره محرم ---- 2 -----------



في حق زينب ع
-
-
-

--المستهل
--
ولدي اثنين بالمصرع -0- انه زينب
ولاعنهم ذكر اسمع -- أنه زينب
بمنابر يالذي تقرون -- ليش الولدي متذكرون
آنه زينب

...........
أنه زينب يهل القراء عالمنبر أسمعوني
روس أولادي فوگ أرماح شفت بناظر اعيوني
صحيح انتم بكل مجلس يخدامي تذكروني
ليش أبولدي مافد يوم أسمعكم تواسوني
ثنين أمن الولد عندي -- أنه زينب
عليهم ينگطع چبدي -- أنه زينب
جثث بالمصرع ايظلون -- ليش الولدي متذكرون
..........
ويه عمهم العباس خال ونعم من عنده
مثل ماغاليه چانوا عنده اغله من ولده
منا واحد أو ومنا يحظنهم تحت زنده
ومن ايشمهم الولدي يشمهم شمة الورده
أخويه الگمر خال الهم -- انه زينب
من عنده العزم عدهم -- أنه زينب
مثله بحرب ميهابون -- ليش الولدي متذكرون
-------
واحد گال يازينب ييمه عهد من عندي
أفدي الخالي ابو السجاد روحي ومهجتي أفدي
الثاني گل يايمه اضحيله وحگ جدي
قرابين لأخويه حسين أثنين امقدمه ولدي
صحيح المثل كلمن گال -- أنه زينب
ثلثين الولد عالخال -- أنه زينب
مثلهم ماتجيب أبطون -- ليش الولدي متذكرون
-------
چان حسين من يشوف هذا العزم من عدهم
بحنانه وعطفه لولادي يحن ومثل والدهم
طلبوا للحرب يمشون أخويه حسين ماردهم
گال أختي لها أولاد نشمي وسبع واحدهم
روس اولادي فوگ ارماح -- أنه زينب
بس مني الصبر ماطاح -- أنه زينب
ولدي أمذبحه ويهون -- ليش الولدي متذكرون
------
يحاچيني الگلب أسمع يزينب لليسر روحي
ويم حسين والعباس والاكبر بقت روحي
وعله شبل الحسن جسام يبچي الصخر من نوحي
ولدي اثنين وياهم عليهم نزفت جروحي
عفتهم ولدي بالمصرع -- أنه زينب
ما ألگاهم أمن أرجع -- أنه زينب
وأدري بهظمي مايرضون --- ليش الولدي متذكرون
-------
بالمصرع عفت ولدي يم الاكبر وجسام
وروس اعله الرماح أوياي لمن وصلوها الشام
كل ساعه يجوني براس حرگوا گلبي هالظلام
بروس اولادي روعوني ورعوا بيهن الايتام
يا أم المثل حالي -- أنه زينب
روس اولادي الگبالي -- أنه زينب
على أمهم چانوا أيخافون -- ليش الولدي متذكرون
---------
خوال الاربعه أويه حسين اوياهم ضحوا بدمهم
ظلوا بالطفوف اجساد لا أم لا أخت يمهم
شفتهم عالترب نومه شحالي ايصير وآنه أمهم
مطشره اجساد وبلا روس لا واحد أجه ولمهم
تذبحوا ويه اخوي حسين -- أنه زينب
واسوني بدموع العين -- آنه زينب
لمن بخوتي اتواسون -- ليش الولدي متذكرون

.........
سيد عدنان الحمامي

---

--
مقطوعه -- حضور الزهراء مصرع الحسين ع

......

سواده امچلچله أمن أبعيد -- الييصد للمشرعه بعينه
أهناكه طاح ابو فاضل -- راد الماي لسكينه
يعمي الماي ماريده -- صاحت بس ترد لينه
يعمي الماي ماريده -- خل نار الظمه بينه
وأبوها حسين ظهري ايصيح -- عضيدك ياهو اليعينه
يعباس وأخوك حسين -- من يحمي صواوينه
وظل اعله النهر عباس -- وحده الحادي بنساوينه
وحضرة فاطمه يمه -- بسواد موشحه وحزينه
بحظنها خلته النحره -- ودم تنزف شرايينه
وبدمع اليصب منها -- غسلت بيها چفينه
ساعه اتقبل ايساره -- ساعه اتقبل ايمينه
بچت من نشدته الزهره -- تگله الراس ها وينه
وحگ چفك يبو فاضل -- قسمت فاطمه وعينه
باچر بالحشر أحتج -- بچفينه البارينه
-
سيد عدنان الحمامي

..............

مقطوعه -- لسان حال حميده بنت مسلم ع
......
دمعتي للأبد مايوم أنساك
وعمت عيني اذا بويه نسيتك
آنه أمدلله وتحبني ادريك
وتحظني اذا بويه اجيتك
انته الهوه هذا ايغذي للروح
رحت للكوفه وآنه ما أجيتك
يمسلم أخذ روحي شلي بالروح
أخلافك مايلمني بعد بيتك
عفتها ورحت شتظن تحمل أفراگ
حميده الچانت السلوه ومُنيتك
يبويه البت يتيمه أعليها ميهون
خذتني للحد وياك ريتك
ولا ويه اليتامه بگلب مكسور
وعساني لاعشت لحظة منيتك
----
-- سيد عدنان الحمامي-
-
-
-
تريد ابچي عليكم دوم أم لا

ويمي چم طفل ويريد ام لا

فگدك للگلب عباس ام لا

جروح وچم جرح چتال بيه

--
--
ليالي الحزن مافد يوم كفن

ولا من الدمع عيناي كفن

علي الكرار من ابيوم كفن

أثر شاف الضلع مكسور بيه

---
\\
\\
==
لام البننين ع
-
-
-

بسمه تعالى
--
--
المستهل
--
يم البنين الطيبين -- منصدگ اتفشلينه

----

يم البنين ابجاه رب السواچ ---- والشاره هاي واهالكرامه الانطاچ

عدنه طلب عدنه حوايج ننخاچ --- جودي علينه انريدها من يمناچ

ندري بعد يم عباس ---- ابحيرتنه متخلينه

-----

عدنه طلب عدنه حوايج كثره --- وكلمن نخاج الله يسهل امره

انمشي عليچ حسين وامه الزهره --- صدي علينه يالكريمه بنظره

من عندج انريد امراد --- ندري الوعد توفينه

-------

بينه الذي امدوهن فكر ماعنده --- مظنوك بسمچ رادا لله يسنده

هالعوز يم عباس واصل حده --- منچ يريد اتبرديله چبده

بسم الله لمن ينخاچ --- رايدها تفرح عينه

--------

عندچ كرامه الباري خصچ بيها --- بأذن الله حاجات الخلگ تگضيها

واليمد ايده ليچ مترديها --- وكل مشكله العنده اله اتحليها

چم مشكل الحليتيه ---- وچم شاره التراوينه

-----

بچاني واحد گال عندي طلبه --- بسمچ يحره گام يندب ربه

ظلت عله چفوفچ عيونه تربه --- ماريد أموت ايگول وآنه بغربه

لرض الوطن يم عباس ---- ابحيل الله وتردينه

---

وهاي المآسي اللي تمر شفناها ---- أيام مرّه وصعبه هالعشناها

يفرجها الله بسمچ اطلبناها --- وللفرج هاي الادعيه ادعيناها

ياربي فرج عالناس --- عجل فرج والينه

--

وللحشد يم عباس انتي ادعيله --- بجاهج العند الله الحشد باريله

وخل گلبچ بنصر الحشد ترتيله --- بذكرج شباب البلحشد كل ليله

يم البنين بكل حال -- - احنه الدعاء اعلينه

---
سيد عدنان الحمامي
-
-
-
يوم الاجل
-
-
-
آه يايوم المنيه اشگد رهيب
كل اهل ودك امن أعيونك تغيب
--
آه لو جاني غفل يوم الأجل
وروحي عزرائيل عن جسمي فصل
شلون عندي أذنوب وآثام وجهل
وحتى اعمل خير ماعندي نصيب
---
آنه عفت الآخره وعفت الحساب
نسيت حتى الذي ينشرلي الكتاب
راحن أسنين العمر مثل السراب
وباللحد عافوني احباي غريب
--
وحدي وبظلمة گبر عيني أشتشوف
الساني معگود وذهيل وبيّه خوف
ذنوبي بس يمي اعاينهن تطوف
واليخلصني ابوحشتي أمنين أجيب
---
اجه منكر يمي ويگلي دگوم
وبيده حربه اتشوفها بعلوا النجوم
انته هم تتصدق اتصلي وتصوم
گام يسئل وآنه عاجز ما أجيب
----
گال ماعتفت الصلاه مني نشد
وگال ويه الناس هم صادق وعد
خفت واحتاريت والساني انعگد
عدد زغيره وچبيره شگد عجيب
--
گاللي أموالي علي يو لا دگول
وآنه شابح عيني صايبني الذهول
گتله حبه ابدمي أبدن مايزول
وعن حبيبه شلون يتخله الحبيب
---
آنه واليته لأمير المؤمنين
بالگبر معتقد يحظرلي معين
وفاطمه والحسن وياه الحسين
ابشدتي ايحظرون وأدري ما أخيب
---
للشفاعه اليوم ذاخرهم الي
لن تجي الزهره والحسين وعلي
صاح حيدر تركه يامنكر الي
للمحب شافع مخولني الرقيب
-
-سيد عدنان الحمامي
--
-

-

-


-
شهاداء زينب ع بالشام
-
-
-
هلا بيكم يزواري هلا بيكم
حصلتوا الشهاده ولايگه اعليكم
----
يزواري هلا من جيتوا لرحابي
تزوروني وتواسوني على مصابي
وحصلتوا الشهاده وفزتوا يحبابي
وجدي المصطفى ياهلا يناديكم
----
طريق ابعيد اجيتوني يزواري
وگلبي يبتهج بيكم گبل داري
چي لني غريبه وانتم انصاري
وعيني من تجون اتظل تباريكم
----
تباريكم اعيوني والگلب يمكم
وأدعي بالسلامه كل وكت الكم
لجل زيارتي تالي انهدر دمكم
الله لارحم كلمن يعاديكم
---
بالشام الدمه منكم نزف ادري
وعليكم بالمناحه والبچي بگبري
صحت يمه الزجيه الشيعتچ حضري
وأبويه المرتضى يمها يلاگيكم
---
افرحوا بالشهاده وهذا فوز چبير
وحگ اللي توسل بينه وسط البير
باچر بالحشر يوم القيامه ايصير
للجنه تجي الزهره توديكم
---
روحوا مودعين الله يهل ودي
تراهوا غيركم يحبابي ماعندي
شفيع الكم ابويه اوفاطمه وجدي
وللجنه بقصور الله يخليكم
--
سيد عدنان الحمامي
---
-
-
-
ملا عمار دبس
-
-
يعباس شعجب مالك بعد جيه
وعين اختك تشوفك ظلت اربيه
---
بعد وكتك يخويه ورحت من يمنه
يبو گلب الحنين الدافي اليلمنه
فگدك ياعزيز الروح يتمنه
شحال البيت من أيغيب راعيه
----
آنه أختك يخويه وفگدت والي
مايصبر عليك أيلوج دلالي
چنت كلساه أشوفك شاخص اگبالي
يبو گلب السمح يالبيك حنيه
---
حزن عالدار خويه فراگك ايفرضه
وجفني للبچي صله الك فرضه
الوجهك هالگلب ميشوفه مايرضه
غير الحسره خويه اعليك مابيه
---
عمت عين الزمان اللي يفارگنه
لغيابك يخويه الدمع شيسكنه
صبر روحي أخبرك ينهدم ركنه
أخونه وكل خواته أيگعدن ابفيه
---
أبچي من أگولن بعد ماشوفه
جرح فرگاك دمع أعيوني ميروفه
الاخو غالي لخيته وهاي معروفه
عليك اصفگ وسف ياخويه بيديه
---
بسوده أهدوم خويه لاتخلينه
يردنك خواتك گوم رد لينه
اليمته الشوفتك حسره تظل بينه
لو نگضي العمر بالحزن تاليه
-- سيد عدنان الحمامي--
--
-
-

-
-
-



 توقيع : سيد عدنان الحمامي


رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول