يشايل نعش ابو اليمه؟؟لمن توصي العقيله ع وصيتها؟اقول

يشايل جسم ابو اليمه.. امانه وياك اوديهه
گل لحسن ولعباس .. اختكم من يباريهه

يشايل جسم ابو اليمه .. خذت روحي ودليلي اوياه
ريّض خل اودعنــــــــه .. مانگدر على فرگـــــــــاه
غــربه ودوهنانـــه البين .. نتيتم تره بجفــــــــاه
وارحم حالة السجـــاد .. وارحم علته وشــكــــواه

اصيح وما يسمعوني.....عليهم راحت اعيوني..... يخوتي بهاي ارحموني
اصيح بصوت خويه حسين .. عيالك من يداريهه

اصيح بصوت خويه حسين .. عدمن ودعتني اليوم
وانه بس عليل ويـــــــاي .. علينه اتحاشمت هالگوم
اصد بهظم لسكينـــــــــه .. وارد ابــنوح لام كلثوم
واصــد لحاله السجــــــــــاد .. واطفالك عليه تحـــــوم

ارحم حالتي ويسري..... يخويه محيره بامري.....بين اهمومي وصبري
لوين مدوهنه اعيالك غيرك ياهو واليهه

ارحم حالتي وهظمـي .. ولوعات الشمر بينه
تمنيت الكفلني اليوم .. ينظر حالة سكينـــه
واشكيله الجره والصار .. الگوم الدارت اعلينــــه
شــــبت بالخيم نيران .. مــا تگعد يوالينــــــه

اگعد شوفني بيا حال.....مسبيه ودمع همال.....صرنه بولية الانذال
اختك يبن حامي الجار ترضه الشمر يسبيهه

اگعد شوفنه بيا حــال .. من بعد الخدر وحماك
صرت ام الحزن والنوح .. خويه من بعد فرگــــاك
عگب احماك يا عبــــــــاس .. اتيسر عگب عينـــــــاك
وانته الكافل ضعـــــــوني .. ماتگعد تشوف الــــــواك

ماتگعد يواليهه.....واگب كربله بيهه.....چفوفك من يلاويهه
وانت البطل ياعباس ترضه الگوم تحديهه

الخيل بصدري كون اتدوس .. خويه الداست ابصدرك
بيهه ارتجت الدنيــــــــه .. يوم الشمر حز نحــــرك
هتاف من السماء ايگــول.. سلم يالولـــــــي امرك
سلام الله الــــــك يحسين .. وسلام الباسك بثغــــرك

هذا جدك الهادي.....ابوكم بالظعن حادي.....وامك يمه اتنادي
اهنا يلي عدة يوسف زينب ليه تحميهه



لخادم اهل البيت
ابو علي السعيدي

احسنتم .. ابدعتم .. واجدتم ..

أسأل الله ان يتقبل خالص الاعمال .... تقبلوا مني المرور مع اطيب وارق تحية

اخوكم علي

بارك الله في عطائك وزادك قووه وايمان

ابو علي السعيدي

ربي ايعافيك


دعائي بالتوفيق حتى تواصلون معنا هذا المشوار النبيل







دعائي لكم

ابو علي السعيدي

عطر الله انفاسك
شاعرنا القدير
ابو علي السعيدي
قصيدة رائعة
جعلها الله في ميزان حسناتك