يامصاب اليوم مثل مصابه؟ليلة الاستشهاد اقول؟

يامصاب اليوم مثل امصابه
حتى لام السيف تدري اكرابه


اليوم ابونه مطبر ودمه يسيل
والحسين اينوح وينوح الكفيل
اهتزت اركان السمه وصار العويل
وانكشف نور الشمس بصحابه

اليوم حزنانه السمه لفكد الولي
الشيعه كله بصوت تندب ياعلي
ريت النه الموت مولاي وهلي
ولانشوف الدم ترس محرابه

اليوم ابن ملجم عامل عملته
لحيدر الكرار طابر هامته
هذا يوم الكدر صار بشيعته
وانهدم سور المدينه وبابه

انهدم سور المدينه بغيبتك
ياعلي للموت احنه بصايتك

ننجمع وياك تحت اولايتك
واليضدكم نحسب احنه احسابه

اليضدك ياعلي ماله نجاة
من محمد انته يالبيك الصفاة
حاربيت الكفر واركان الطغاة
ورجس اميه وشعوذه وانصابه


أه منج كربله وارض النجف
غدرت اهل الكوفه بيكم يااسف
يوم لوعتو ولينه وانجتف
للكسر ظلع الزجيه اطلابه

انكسر ظلع الزجيه ياعلي
مانلوذ بغير كم نلكه ولي
الحياة اتهون كله والحلي
وريت انه انحسب من احبابه

اليوم جبرائيل لنعشك حمل
يبجي اسرافيل والمدمع همل
من سمع صوت انكتل خير العمل
يوم ابن ملجم علن بارهابه

اليوم ابن ملجم طبر فحل الفحول
انهدم باب المدينه من الرسول
شنهو رايك يالموالي وشتكول
بين شرع الله وشرع هالغابه

ندري شرع الله اليوم المرسلين
همه داحي الباب والسبط الحسين
وندري اشرار الارض يزيد اللعين
يلعن الله والده وانسابه

خادم اهل البيت
ابو علي السعيدي

عظم الله اجوركم باستشهاد الامام علي ع

اسئله ان يرزقنا واياكم شفاعته

لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

ابو علي السعيدي

موفق بحق علي

اللهم ثبتنا على ولاية امير المؤمنين علي ع

احسنت

وفقك الله وكتبنا واياكم في سجل خدام ام البنين




...

لك تحياتي ودعائي

اللهم ثبتنا على ولاية امير المؤمنين
علي بن ابي طالب ع
وفقك الله لما تحب وترضى
ابو علي السعيدي

اللهم صلي على محمد و ال محمد و عجل فرجهم
..بارك الله فيكم اخي الشاعر
ابو علي السعيدي
وطيب الله انفاسكم على الابيات الجميلة ..
في ميزان حسناتكم ان شاء الله تعالى
تقبل فائق احترامي وتقديري

الاخ الغالي
الشاعر الكبير السيد عدنان الحمامي المحترم
مروكم الكريم اسعدني كلمات الاطرارء الجميل وفقكم الله لكل خير
تحيات
اخوكم
ابو علي السعيدي