--- ابوذيات ابوذيات ---- استشهاد الامام الكاظم ع

بسمه تعتالى
0000000000000
ابوذيات لاستشهاد الامام موسى بن جعفر ع
00000000000000000000
وحگ من اسره للباري وصّلاه
بمحمد موسى بن جعفر وصّلاه
مقيد بالسجن فرضه وصّلاه
ويدعي بالفرج صبح ومسيه
000000000002
الظلم مكسور لو بالحق ترادم
واهل المنچتل تطلب ترادم
ابن جعفر نزف ساگه ترادم
وظل القيد بيده للمنيه
00000000000000000003
الدواهي مشن يابو الرضا ويرّن
والك جمرات وسط الچبد ويرّن
تشوف اعيونك الظلموك ويرن
وسم يسگوك گوم اهل الرديه
0000000000000004
يمن جدك الدين الله مهدله
والك تشييع ماواحد مهدله
عليك صدورها الشيعه مهدله
يالكاظم او واست للزجيه
0000000000005
جدمنه عن محبتك ابد مازال
يمن غيظك كظمته وابد مازال
نعشك عالجسر مطروح مازال
يريد ايشيعوه اهل الحميه
000000000000000006
بحفرة نار كل ظالم ويهلك
وخصمك شنهي ياتهمه ويهلك
الك شيعه ابحزن امست ويهلك
عليك وبالمناحه اويه البريه
0000000000000007
محمد غيره للأمه ولاهاد
وبقه چبدك الم ينزف ولاهاد
سجين مقيد بقيده ولاهاد
لحد ماسمته چفوف المنيه
00000000000000000008
طبيبك نبض گلبك حذر ينجاس
وابن جعفر حسافه بقيد ينجاس
بسناسل من حديد الساگ ينجاس
وجده المصطفى وامه الزجيه
00000000000000009
عدوك ظالم امن الجور منهاي
سجن وقيود تحمل هاي من هاي
نشدت عالجنازه الناس من هاي
هاي اجنازة الكاظم رميه
000000000000010
صبرك صفت هالايام يروين
ودمعات السمه للگاع يروين
عليك الشيعه نوح وبعد يروين
يالكاظم ونصبتلك عزيه
000000000000000011
غريب وروحك لاهلك ظملها
سجين بسجن تتحمل ظملها
عدوك سم يبن جعفر ظملها
يسمها الچبدتك وتذوب هيه
0000000000000012
ليلة حزن عالامه يهلها
وجفن امصابك ادموعه يهلها
جنازه اعله الجسر گوموا يهلها
تشيعوها وتعزون الزجيه
0000000000014
يربي برحمتك نجيت يوسف
وعله حال ابن جعفر حال يوسف
گظوا ال النبي بسموم يوسف
والكاظم گظه بسم المنيه
0000000000عدنان الحمامي 000000

\\\\\\\\\\\\\\\\\\\\\\\\\\\\\\\\\\\\\
ابوذيات لقضاء الحوائج للامام موسى بن جعفر ع
0000000000000000000001
موالي للنبي مخلص ولي دين
مظنوك انطلب آنه ولي دين
نخيت الله يبن جعفر ولي دين
الك مديتيهن واعطف عليه
00000000000002
اسولفلك بهمي الك بسداي
عليل وعلتي كل وكت بسداي
مامحتاج خير امن الله بس داي
تطيبه يبن جعفر هاي هيه
00000000000003
الاه الناس عنها الضرر كفاي
وغيره ماشفت بالعوز كفاي
للكاظم امدن گلت كفاي
كفو ولله وگظه الحاجات اليه
0000000000004
حملت هموم كلها الك وجريت
ودمعتي شلون اظمها دموع وجريت
يبن جعفر ونار العوز وجريت
اريد ابفظلك اتطفيها اليه
0000000000005
أنه مديون ديني انتهت مديت
وسخي اعرف ابد مايوم مديت
الك چف الظنك والعوز مديت
يالكاظم امن ايدك حط بديه
00000000000006
كفو منه الي طلبه ويده
وشفه جرح الذي ينزف ويده
مضيفه عامر الكاظم ويده
تنطي مراد ومجربه سخيه
00000000000007
رحمني الله بولايتكم وناجيت
وعليه اديون ماتنعد وناجيت
بالكاظم دعيت الله وناجيت
وفرجها الالاه ابساع اليه
000000 سيد عدنان الحمامي 0000000000