12-26-2011, 10:36 AM
|
|
|
|
|
|
لوني المفضل
Darkgreen
|
|
رقم العضوية : 1 |
|
تاريخ التسجيل : Apr 2011 |
|
فترة الأقامة : 4800 يوم |
|
أخر زيارة : يوم أمس (02:53 PM) |
|
الإقامة : الكاظمية المقدسة |
|
المشاركات :
7,694 [
+
]
|
|
التقييم :
10 |
|
بيانات اضافيه [
+
] |
|
|
|
قصائد للاربعين -- قسم -- 2 ----
<b>قصائدللاربعين
-------------------
---
الشاعر الحسيني سيد عدنان الحمامي
========
-----------
-----
...................... في حق بطلة كربلاء ع ........................
-----------بحر الطويل -----------------
-------------
عمت عين المتبچي --- اعليچ يم الحزن يالكُبره
حملتي كل دواهي السود --- وگلبج مانفذ صبره
-------------------------------
حملتي الماتحمله اجبال --- ياصبر المثل المثل صبرچ
ويا گلب الخزن لوعات ---- يازينب مثل كلبچ
شمصعبها الرزايا اعليچ ---- نهضتي ولا حنن ضهرچ
يتيمه من زغر سنچ
مامال الحزن عنچ
يحره ولا سكن ونچ
من يوم الضلع بالباب --- كسروا لمچ الزهره
------------------------------
من يوم امج الزهره ---عن عينچ بدرها غاب
بعدج بالثياب السود --- وگلبچ ينفجع بمصاب
يوم الصابوا الكرار --- ابوچ وطاح بالمحراب
امصاب امچ گبل شفتيه
وابوچ النوب ودعتيه
ثاني امصاب واحملتيه
جرحين ابدليلچ --- صار وبه تتواگد الجمره
------------------------
ضلت جمرت الاحزان --- تتواگد ابدلالچ
بنيتي عالحسن وحسين --- يزينب صرح امالچ
لن غيمة النكبه اتعود --- وچبد ابن امچ اگبالچ
اينازع للحسن شفتيه
من شدة اصواب البيه
طحتي اعليه واحضنتيه
يخويه صواب البچبدك --- اضنه بعد مايبره
-------------------------------
گبل ميودع الدنيه --- اخوچ الحسن وصالج
گمر هاشم ودگ صدره --- شحده الينضر اخيالچ
اخوچ اتوزم بامرچ ---- عزيزه وگام يبرالچ
لاچن من عزم عالراي
بطف كربله ايجيب الماي
صحتي من عمت عيناى
من طاح العلم والجود --- وحسين انكسر ضهره
-------------------------------
ضهري انكسر ياعباس -- - صاح ابن امچ اتسمعين
شلون بهل المصيبه اشلون من شفتي وحيد حسين
يزينب صعب هالموقف هم حيل البقه اتحملين
ونتي واگفه اگباله
وگام ايودع اعياله
وسلم بيدچ اطفاله
شگال الگلب ساعتها --- يزينب من طلب مهره
------------------------------------
ركب مهر المنيه حسين --- يزينب لازم ايودعچ
يبن امي ندهتي اعليه --- ومن عينچ يهل دمعچ
يخويه خل اشم نحرك --- تگليله ابوصية امچ
وحيلچ راح ويه حسين
والجيته شبحتي العين
ومن رد المهر بالحين
نشدتي وگال يازينب ---ابو اليمه انگطع نحره
------------------------------------
يزينب عگب ذبح حسين --- حريمه لاذن ابكترچ
وگمتي اتشاگفين السوط --- يحره عنهن ابمتنچ
چم طفله التصبريها --- وچم طفل الشبگ صدرچ
وبضلچ سكن روعه
بعزمچ نشفت ادموعه
يزينب ونتي مفجوعه
بيا عين النضرتي اهلچ --- كلها امذبحه عالغبره
-------------------------------------
كلها امذبحه ورحتي --- يزينب تنزف اجروحچ
وراس حسين والعباس --- جدامج خذن روحچ
ولا هاد الگلب ونه --- ولامنچ بطل نوحچ
لچنچ شامخه ابعزمچ
حويتي كل سجايا امچ
وحجي الشمات ماهمچ
يوم اوگفتي بالمجلس وللضالم صفت عبره
--------سيد عدنان الحمامي ----
------
-----
--- تجليبه
-----
اجيت امن اليسر يحسين بضعوني
گلت بلچن عدل وتشوفك اعيوني
-----------
اتمنيتك عدل وتشاهدك عيني
ونسولف يخويه بينك وبيني
آنه اختك يشمعة بيتي حاچيني
مو بيدي غصب ياخويه مشوني
---------
مشوني يسيره وچنت محميه
وعفت جثتك على التربان مرميه
وراسك عالرمح ويعاين اعليه
ايصدلي ابخيزرانه من يضربوني
---------
يضربوني أمن اگلهم خل اظل يمه
اخويه شلون اعيفه وآنه بنت امه
جسمه اموذر وياهو الذي ايلمه
ولادفان اشوف ايدفنه خلوني
----------
خلوني بحسرتي اعليك والاحزان
للشمات رحنه ابولية العدوان
يتشمتون بيه وهالامل ماچان
عالعباس ابچي من ينشدوني
--------------
ينشدوني ابو فاضل عضيدچ وين
شگلهم والجواب ادموعي من العين
وآنه اعله النهر عفته بلا چفين
لو موجود ما چانو يشتموني
------------
يشتموني وكل شامت يصد ليه
صدگ هذي اخت عباس مسبيه
چم حسره يخويه اللي مضت بيه
اشدهن بالطشت راسك يراووني
---------------
بعد ذاك الهظم والظيم اجي يمك
گلت يم گبرك الگه فاطمه امك
شفت بس الحجر يحسين بيه دمك
من صوَب جبهتك خويه صوبوني
----------------
-----------
سيد عدنان الحمامي
يحسين عشاگك نظل وبحبك انجنينه
لوالف ذبحه ننذبح يبقه الولاء البينه
------------------------
يحسين چم عابس الك ينبض وفه شريانه
للموت يتحده ابشرف بمحبتك يتفانه
مجنون كل واحد صبح ياسيدي عنوانه
نتعنه يم گبرك زحف لوگطعوا رجلينه
---------------------------------
شگد حاربونه اتصوروا عن حبك ايمنعونه
احياء لجل امحبتك يا سيدي دفنونه
خابوا وماگدروا بعد ضحينه من شافونه
منموت حبك سيدي هوه الذي ايغذينه
-------------------------------------
ابساحة ولائك سيدي يحسين كلنه اجنودك
ياباذل اهلك واخوتك كلهم لجل معبودك
من عزمك البينه عزم والزود بينه زودك
ابمال وبنين او باالدمه منوفي لو ضحينه
----------------------------------
يحسين يالحبك شرف سجلنه من انصارك
ايحصل الشفاعه سيدي كلمن دخلها الدارك
يالبحر جودك مانشف يالتكرم الزوارك
لوصار باجر بالحشر بس حبك اينجينه
----------------------------------
كل واحد البينه صبح عابس ويفدي روحه
يابلسم انته الكل محب نورك يداوي اجروحه
للدين دمك ثبته ودمك يعلي اصروحه
ياهو الذي مثلك بذل حتى الرضيع الدينه
--------------------------------
انجدد عهدنه سيدي بالدم الك عاهدنه
انته الحبيب او لاتضن غيرك حبيب العدنه
بركان والله ينفجر وكت الغضب واحدنه
بالشده يتراجع ابد ياسيدي مابينه
-------------------------------
نسالكم الدعاء
سيد عدنان الحمامي
«« توقيع عدنان الحمامي »»
«« توقيع عدنان الحمامي »»
</b>
|
العرض الشجري