.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 26 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 26 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 26 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 19 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »    



 
 عدد الضغطات  : 14556
 
 عدد الضغطات  : 5125


الإهداءات



إضافة رد
#1  
قديم 10-20-2011, 09:13 PM
نـــائب المدير
المعارف غير متواجد حالياً
    Male
اوسمتي
وسام الاداري المميز Default Medal المشرف المميز العضو المميز 
لوني المفضل Cadetblue
 رقم العضوية : 118
 تاريخ التسجيل : May 2011
 فترة الأقامة : 4688 يوم
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم : 10
بيانات اضافيه [ + ]
Arrow يوم السابع من محرم ---- في حق العباس ع



يوم السابع من محرم ---- في حق العباس ع عباس وبراية بدر -- حيّر العسكر -- للعباس ع
بسمه تعالى

سلام عليكم

--

--

--

عباس وبراية بدر -- حيّر العسكر

كرّات حيدر من يكرّ -- حيّر العسكر

للنهر طب ليه -- والجود يمليه -- حير العسكر

---

رادوا ماي منه وگال اجيب الماي

وأوصل للنهر واسحگ جيوش اعداي

آنه ابن الصميده اللي ذخرني الهاي

معروف امن اواعد للوعد وفاي

من الكتايب نظرته -- حارت بأمره

گالوا علي هز رايته -- حاروا بامره

ماگدرت اعليه -- والجود يمليه -- حيّر العسكر

--

شافوا هذا حيدر چن نزل بيهم

وموت احمر گمر هاشم يراويهم

عواصف من تهب او يرعد اعليهم

عطاشا مارضه اعياله يخليهم

وين المفر منه بعد -- من صارمه ايفر

ماخلص بس اللي شرد -- من صارمه ايفر

كل بطل يفنيه -- والجود يمليه -- حير العسكر

--

ايروعون الفواطم چانت الغايه

وآلاف النهر لزمت بعد مايه

ورايات شكثر طيحت هالرايه

بيها للنصر امطلسمه بآيه

رغما على روس العده -- للنهر يوصل

يسحگها روس اهل الرده -- للنهر يوصل

كل العزم بيه -- والجود يمليه -- حيرّ العسكر

--

نهار اسود عليهم ظلمه سّواها

وراس ابراس تنطح خوف خلاها

كسرها وطواها كل رواياها

جرّعهم مرار وخزي ابدنياها

سياف من حيدر علي -- ماخذ طبايع

وبسيفه كل هم ينجلي -- ماخذ طبايع

وزينب تحييه -- للجود يمليه -- حيّر العسكر

--

زينب عالبعد شافت گمر هاشم

يشتت عسكر اللي للنهر لازم

يجيب الماي شبل المرتضى عازم

تدعي اتريد يرجع للخيم سالم

صوبه رماي النبل -- طفاها عينه

وزينب المدمعها تهل -- طفاها عينه

وگامت تناديه -- للجود يمليه -- حيّر العسكر

--

يعد ميشوف من صاب السهم عينه

وزينب گامت اتواسيها لسكينه

عمچ يسرته گطعوها ويمينه

وطاحت رايته ابكتره اويه چفينه

وجهن صوت امن الخيم -- عباس ارجع

من يحمي بعدك للحرم -- عباس ارجع

والحدّنه يحميه -- والجود يمليه

--
سيد عدنان الحمامي



 توقيع : المعارف



رد مع اقتباس
قديم 10-20-2011, 09:13 PM   #2
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



زينب آنه أخت عباس -- عگب عباس مسبيه -- للعباس ع
بسمه تعالى

سلام عليكم

--

--

--

زينب آنه اخت عباس -- عگب عباس مسبيه

--

زينب آنه بت حيدر -- وأمي فاطمه الزهره

من امي اخوتي اثنين -- عندي وعيني منسره

ومن ام البنين اشبول -- خلفت اربعه الحّره

بيهم افتخر عالناس -- بيهم كل جرح يبره

همه هيبتي ابدنياي -- وهمه رايتي الخضره

كل واحد شهم بيهم -- أأمن أگعد ابفيه

--

ياهو ايصدگ امن الناس -- زينب بالهظم والهم

وعليها المصايب هاي -- ابغفله ابلا رحم تلتم

وتشوف النهار ابعين -- اخت حسين صار اظلم

شيصبر گلب زينب -- وعليها الحزن خيّم

چانوا اخوه الها اسباع -- عافتهم ابسوح الدم

بيها امن الطفوف اجروح -- عزيزه وتالي منسيه

--

نسوها اتكابد الآلام -- بالطف الحزن يكبر

مابين الزلم والخيل -- السوط اعليها يتكسر

شاطت ويه هالنسوان -- تخلص شاطت بهل البر

مايرحم عدو جلاد -- ومنه هالحرم تذعر

واطفال الخذتها النار -- احترگت والخيم تسعر

وظلت بين جور وخوف -- اتصيح اتلاحگو اعليه

--

صاحت حشمت عباس -- رادت بس يجي ليها

اشلون اخته العزيزه هاي -- ابهل الشده يخليها

ينشدها اعله حالتها -- يجيها ايشوفها اشبيها

وعيون الشماته اتشوف -- الأخته اتعاين اعليها

هذا اللي هظم زينب -- وهذا اللي امبچيها

وسفه صاحت وياحيف -- محد ينتخي ليّه

--

محد ينتخي الزينب -- لاعباس لاجسام

حتى لاعلي الكبر -- العمته يسمعلها وگام

بالمصرع صفوا نومه -- كلها اعله التراب انيام

وظلت حايره بامرين -- ابأرامل حارت وايتام

العسكر بالقساوه هاي -- ناس ابلاذمم ظلام

عرفوا هاليتامه ابخوف -- كلمن فگد واليه

--
سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:14 PM   #3
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



أگعد عباس وحاچيني -- للعباس ع
بسمه تعالى

سلام عليكم

--

--

--


أگعد عباس وحاچيني

--

لاتزعل اختك لو عتبت

لخيامك عدوانك طبت

زينب ياعباس انسبت

ايسبوني وهذا ايبچيني

--

بچّوني من سبوا حيدر

وآنه ابلا والي وما أگدر

والاطفال الشاطت بالبر

بيهم متحيره اتخليني

--

اطفالك هالظيم اعليها

تريدك وانهض ياواليها

چم طفله وهالخوف البيها

عمه ياعمه اتناديني

--

ايناديني چم طفل وطفله

وطفل اهنا ينشد عن اهله

صعبه اعله اختك لا موسهله

عدوانك ظيم اتراويني

--

بالمصرع كلهم ولياني

وبخيامي اتفرهد عدواني

انهض عباس أوشمتاني

بعيونك چنت اتباريني

--

ياعباس الرهبه البينه

ردناك اتگوم وتحمينه

بيد الظلام اتخلينه

گوم ونشف دمعة عيني

--

عباس انهض لاتتعذر

اعيوني الجيتك بس تتفكر

خلصني او رد هاذا العسكر

للكوفه ايريد ايمشيني

--
سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:14 PM   #4
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



هوسات -- في حق ابي الفضل العباس ع
بسمه تعالى

سلام عليكم

--


هوسات

--


--

--

يبو فاضل اليعطش كلبه شيصبره

وجمرات الظمه بچبودها اموجره

مو ظلت رقيه وسكنه منتظره

من جودك للماي ايريدن

--

--

لتگولن عطاشا وشنهو عمي الراي

اجيب الماي ياسكنه اجيب الماي

واطشر بالمصارع شوفي روس اعداي

زلزلها عباس الحومه

--

--

يعباس الاخو للاخت شيلة راس

يخويه اتهابني بهيبتك كل الناس

تعال وشوف حالي اشلون ياعباس

بچوني ياخويه اخلافك

--

--

يبو فاضل اشعدها الخيل ملتمه

وكتايبها اشكثرها وصفت مظلمه

اخافن على حسين وآنه بنت امه

ماغيرك ايحامي اعضيدك

--

علي من انولد عباس ينظرله اجه بمهده

خله رايته يمه او قبّل غرته او زنده

وزينب جابها حيدر وخلت ايدها ابيده

تحميها عباس الزينب

--

--

جاب الماي ولصوب الخيم حدّر

لن صابوه بعينه بسهم المگدر

شلون ايشوف يوصل للخيم يگدر

طفوها عباس العينه

--
سيد عدنان الحمامي



 
 توقيع : المعارف




رد مع اقتباس
قديم 10-20-2011, 09:15 PM   #5
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



سهم العين -- والچفين -- خويه گطعن اضنوني -- للعباس ع
بسمه تعالى

سلام عليكم

--

--

سهم العين -- والچفين -- خويه گطعن اضنوني

--

ناده حسين ياعباس -- فگدك يصعب اعليه

دربي اشلون اشوفه اشلون -- ونته الناظري ضيه

ظهري مو كسرته ليش -- وماظل كل أمل ليّه

من شفت العلم عالگاع -- بكتره أچفوف راعيه

گوم اوياي -- رد اعداي -- عگبك وحدي شافوني

--

وحدي من بعد عينك -- وهذا اليوم للخوّه

للكلفه الاخو ينراد -- اي ولله الاخو تچوه

لوشاف الاخو مظيوم -- ابشده طايح وبلوه

مثل مهوه النجم خويه -- لخيّه ابشدته يهوه

وأنه بحيره -- يبو الغيره -- ياهو اليحرس اضعوني

--

أدري أمن الاسد حيدر -- شبل والجابتك لبوه

ماينراد احشم بيك -- ماينراد الك نخوه

وحدي شلون ترضاها -- واعرفك صاحب امروه

عفتني ورحت ياعباس -- بيمن بعد اتگوّه

يليث الغاب -- چبدي ذاب -- من الماي حرموني

--

يعباس الاخو مريود -- صعبه اعله الاخو فگده

ومثلي يبن ابويه ايصير -- اتعيفه ابشدته وحده

وغيرك تدري ياعباس -- أخوك حسين ماعنده

العسكر يطلب بدمي -- وماغيرك كفو ايرده

شر هالناس -- ياعباس -- ماظنهم يرحموني

--

زينب يم اخهوها حسين -- وگفت حايره اتنظره

لا أخوه بعد وانصار -- لامن ناصر اينصره

راد حسين ابو فاضل -- ابهاي النايبه ايحظره

لايمه علي الاكبر -- ضحه الاكبر بعمره

بچت عينه -- عله اسكينه -- ابعمچ گلها فجعوني

--

گالتله يبويه وين - عمي مارجع لينه

واعدني اجيب الماي -- واروي چبدچ اسكينه

شنهو العطله ومارد -- سبع الگنطره وينه

عساني لاطلبنه الماي -- وتظل نار الظمه بينه

هم ايعود -- راعي الجود -- عمي اتشاهده اعيوني

--

سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:15 PM   #6
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



سهم عينه يصوبه وگطع بيّه --- -- -- قصيده من ابوذيات --
بسمه تعالى

سلام عليكم

--

--

--

سهم عينه يصوبه وگطع بيّه -- وهوه السور يحمي الفاطميه

--

لخويه حسين ابو فاضل يساره

يمنته شلون گطعوها ويساره

بخواته مادره راحن يساره

وعافن للجثث فوگ الوطيه

سهم عينه يصوبه وگطع بيّه -- وهوه السور يحمي الفطميه

--

يعباس انته واليها يسده

يسبع الگنطره خويه يسدها

الحزن بابه بعد ياهو يسدها

عگب عينك تظل ناري سريه

سهم عينه يصوبه وگطع بيّه -- وهوه السور يحمي الفاطميه

--

يخي عباس مهرك هذا غيره

تجيب الماي ماكو أمل غيره

ادري بغيرتك مامثل غيره

شهم انته او وفي ونفسك ابيه

سهم عينه يصوبه وگطع بيّه -- وهوه السور يحمي الفاطميه

--

أچبود امن الظمه اتوج نار عبره

الجمر ماينطفي من تهل عبره

جيش العلنهر عباس عبره

وهاك الجود اخذه من أديه

سهم عينه يصوبه وگطع بيّه وهوه السور يحمي الفاطميه

--

شعجب عن النهر هالعدو مالاذ

ومنهم للشهد هالريج مالاذ

ابغيرك كل طفل عباس ما لاذ

لاذوا بيك يبو چفوف السخيه

سهم عينه يصوبه وگطع بيه -- وهوه السور يحمي الفاطميه

--

الدنيه واسعه وعامر بحرها

أچبود اتلوج عطشانه بحرها

الشريعه من گمر هاشم بحرها

گامت ترتعش من عنده هيه

سهم عينه يصوبه وگطع بيه -- وهوه السور يحمي الفاطميه

--

عشت عمر بحزن مامّر ولا ايسار

وجدمي اتعثر ابظيمي ولا ايسار

يمنته شلون من طاحت ولا ايسار

وگع وبصدره يتلگه المنيه

سهم عينه يصوبه وگطع بيه -- وهوه السور يحمي الفاطميه

--

سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:15 PM   #7
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



بعطش ترضه أمروتك -- زينب اختك نادتك -- للعباس ع
بسمه تعالى

سلام عليكم



--

المستهل

--

ابعطش ترضه امروتك -- زينب اختك نادتك

گوم من العطش خويه تروي العيال

--

گوم ياتربات حيدر والنعم -- گوم يبن ام البنين اعله الزلم

گوم سيفك خل يطشرها ويلم -- وللنهر توصل يبو فاضل حتم

خلها تدوي رايتك -- زينب اختك نادتك

--

هاي رايه المثل بيها ينضرب -- وعالنهر فرسان گطعت هالدرب

ونته ياعباس سياف الحرب -- گوم خويه يبن چشاف الكرب

مثل حيدر صولتك -- زينب اختك نادتك

--

نزل شتت هالعساكر صارمه -- من نهار الدنيه صارت مظلمه

لن رچاب الخيل غاصت بالدمه -- گمر هاشم هذا سبع الغانمه

مامثلها غيرتك -- زينب أختك نادتك

--

نسر والغربان من يمه تفر -- وجنح جبرائيل راية هالبدر

والكتايب صابها ابخوف وذعر -- حارت الفرسان چن يوم الحشر

من ابويه هيبتك -- زينب اختك نادتك

--

عجزت الفرسان لا مامنعته -- وصل للماي وركزها الرايته

مله جوده وشال ماي ابيمنته -- لن سمع صوت العطاشه نادته

جيب ماي العيلتك -- زينب اختك نادتك

--

صعد بالماي وتوجه للخيم -- وتنتظر سالم يرد ليها الحرم

لنه وسط العين ينصاب ابسهم -- وراسه بالعامود عباس انهشم

ليها ترجع رادتك -- زينب اختك نادتك

--

سيد عدنان الحمامي



 
 توقيع : المعارف




رد مع اقتباس
قديم 10-20-2011, 09:16 PM   #8
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



يعباس الحمل لومال ----- للعباس ع
بسمه تعالى

سلام عليكم

--
--

--

المستهل

-- عباس أخوك حسين -- لدموعه يجري

من طحت صاح بصوت -- أنكسر ظهري

عالچفين -- ياخويه -- هل العين -- ياخويه

--

يعباس الحمل لومال -- غير اهله منو ايشيله

آنه عالعهد من جيت -- ظعني انته تباريله

مهيوبه چنت بحماك -- ماشفت الحزن ليله

ولاترضه الدمع عباس -- من عين أختك اتسيله

لاتضل نايم گوم -- وحده عضيدك

ابعازتك ظل حسين -- خويه ويريدك

گول اشبيك -- ياخويه -- ويناديك -- ياخويه

--

يعباس وأخوك اعزيز -- ونته اتعاضدت وياه

حسين ابحيرته هاليوم -- اشلون اعضيدك وتنساه

انكسر ظهره عليك وطاح -- خويه وشكبر بلواه

وحده ابساعة الشده -- حاير من تجي تلگاه

لحگ لخوك حسين -- لايظل حاير

تدري بيه ياعباس -- هالعدو جاير

هم يرضيك -- ياخويه -- ويناديك -- ياخويه

---

يعباس انته من امشيت -- چان الماي كل همك

خويه وعسكر ابن ازياد -- وذاك الجمع ماهمك

مثل صولة علي الكرار -- وجعفر مثّلت عمك

ادري بيك ابو الغيره -- وراضعتك وفه أمك

بسيفك تطشر الگوم -- خويه وتلمها

عنك تميل الخيل -- شردت زلمها

متجاريك -- ياخويه -- ويناديك -- ياخويه

--

يعباس الحرم وجله -- ومنك تنتظر جيّه

من باب الخيم نظرن -- اعيون وظلت اربيه

وسكنه اباب خيمتها -- وگفت هيه ورقيه

وآنه من اعاينهن -- تشب نار الحزن بيّه

كل ساعه يمي اطفال -- تنشدني عنك

ترويها رادت ماي -- ياخويه منك

وين الگيك -- ياخويه -- ويناديك -- ياخويه

--

يعباس الرباب اتلوج -- عبد الله يريد الماي

لأن جف الصدر منها -- ظلت لافكر لاراي

أسمعها تناغيله -- تگله اشرب دمع عيناي

يبني هاك اخذها الروح -- عساني ودعت دنياي

اعصر اعيوني وشوف -- لادمع بيها

يبني شجنيت اتموت -- ظامي بديها

وتناجيك -- ياخويه -- -- ويناديك -- ياخويه

--

يعباس ابحياة امك -- گوم ورجع اچفوفك

عين اختك يبو فاضل -- متعلمه على شوفك

عفتني ورحت ياعباس -- آنه شلون ماعوفك

اظل اتنطر بكل ليل -- عليّه اتعاود اطيوفك

يبن ابويه بياحال -- بالطف عفتني

من الوطن وياك -- انته الجبتني

مابچيك -- ياخويه -- ويناديك ياخويه

--

سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:16 PM   #9
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



عباس عباس -- ارجع خويه عباس -- -- گعده --
بسمه تعالى


سلام عليكم

--

--

--

گعده

--


--


المستهل

--

عباس عباس -- أرجع خويه عباس

ابجمر العطش خلينه -- سالم بس ترد لينه

--

عين من الخيم تربي بيها حرّ العطش أثر

وعين ماتصبر تشاهد صاحب الرايه تاخر

وعين مدمعها ابغزاره وگلب من خوفه تمرمر

ياعين تصبر ياگلب -- وكل العيون اعله الدرب

يالحظه لخيامه يطب -- وتفرح ابجيّته الخدر

بالنار بالنار -- چبود أموجره بالنار

خلها تشتعل بينه -- سالم بس ترد لينه

---

گبل مابالجود يمشي مرّت الحسبات بيّه

أشلون لومايرد تالي للخيم ما اله جيّه

أشلون ظلن بانتظاره سكنه وتحاچي رقيه

وحده أويه وحده اتباصرت -- لو عمي جيته اتاخرت

والخيل لينه لوسرت -- من يرد گوم آل اميه

ردناك ردناك -- عمي هيبه ردناك

لاتهظمها لسكينه -- سالم بس ترد لينه

--

تمر لحظات العصيبه اعيال مايحرسها والي

وآنه ما بالدنيه واحد جسر ويشاهد خيالي

أدري مايرضه أخويه يظل صيوان اخته خالي

لامن اخو لامن ولد -- الزينب يحاميها بعد

عافوها ابطال الشدد -- بالحزن تسهر ليالي

أقدار أقدار -- مارحمتنه الاقدار

أشگد حشمنه ونخينه -- سالم بس ترد لينه

--

رحت من عالتل أشاهد شفت الحسين اعله وضعه

نايم وذباحه يمه رايد الراسه يگطعه

وسلبه أمن اهدومه شفته وگطع من چفه اصبعه


من عيني چن راح النظر -- وجهت صوتي للنهر

متگوم ياخويه الگمر -- چفك الزندك ترجعه

لن صوت لن صوت -- من الشمر لن صوت

أخوچ أگطعنه چفينه -- سالم بس ترد لينه

--

بعد وين انروح والمن ياشباب ابساحة الدم

اهناك جاسم يم الاكبر اهدعش من العمر ماتم

اهناك عبد الله ابوريده نبله من عدها ميسلم

كل جثه مرميه ابكتر -- عالنهر غيبولي البدر

اتعثرت بذيال الصبر -- من عليّه الحزن خيم

ننخاك ننخاك -- يابا الفضل ننخاك

ماتسمع بواچينه -- سالم بس ترد لينه

--

فرّت اطفال او تريدك ياگمر هاشم ابحرگه

بيهم اليوگع ابظيمه وتجي الخياله تسحگه

وبيهم اعله النهر دورغير چفينك ميلگه

للجود رادوه ياگمر -- بيه ماي بلچي أمن النهر

عطاشه وتصد ليك النظر -- وكل طفل عبره تخنگه

اطفال اطفال -- عمي اتصيح الاطفال

غير اچفوف ملگينه -- سالم بس ترد لينه

--

طحنه بيد المارحمنه اعلينه فزعوا فرد فزعه

ابسوط من يضرب امتوني أشهگ او غصبا اجرعه

شافوا الوليان كلها أمذبحه وعالارض صرعه

ياهو اليردلي هيبتي

راحت اوياكم يخوتي

من بعد خدري وعزتي

حرمه وبولية عدوي وبطرف كل عين دمعه

--

سيد عدنان الحمامي


 
 توقيع : المعارف




رد مع اقتباس
قديم 10-20-2011, 09:16 PM   #10
نـــائب المدير


الصورة الرمزية المعارف
المعارف غير متواجد حالياً

بيانات اضافيه [ + ]
 رقم العضوية : 118
 تاريخ التسجيل :  May 2011
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم :  10
 الجنس ~
Male
لوني المفضل : Cadetblue
افتراضي



يبني يبني -- مني عباس الوصيه --- للعباس ع
بسمه تعالى

سلام عليكم

--

-

-

يبني يبني -- مني عباس الوصيه

يبني يبني -- كل اخو احزام لأخيه

ضحي دمك -- جازي امك

--

عباس أمك وصتك -- حفظ الوصيه واجب

ربتك يبني وجاهدت -- وأمك بحقها اتطالب

وانته يبن موت الزلم -- سيفين أبوك الضارب

عينين لحسين اخوتك -- اتصيرون ونته الحاجب

يبني يبني -- اعضيدك بروحك تظمه

يبني يبني -- عالعهد للزهره امه

شده عزمك -- جازي أمك

--

عد عينچ آنه واخوتي -- يم البنين اتشوفين

ابريحانة الهادي الي -- يايمه جاي اتوصين

فدوه العمر شنهو العمر -- سالم يظل بس حسين

مايدنه شر يمه أبد -- واحنه أخوته موجودين

يبني يبني -- ادري اولادي نشامه

يبني بني -- جاهدو دون الامامه

خلي همك -- جازي امك

--

والنعم منك والنعم -- عباس شبل الامجاد

من حيدره عندك عزم -- للشدد عزمك ينراد

الها اليوم امك ربتك -- من هالربه ردت امراد

احزام لأخيّك ياگمر -- عن عيني لو صرتو ابعاد

يبنتي يبني -- للشدد آنه ذخرتك

يبني يبني -- اتخلد الهل الخوّه ردتك

خلي اشمك -- جازي أمك

--

بشري ييمه بالعزم -- يوم الحرب عندي عيد

مثل النجم اهوي اله -- لحسين لو مني ايريد

بركان ازلزها الارض -- لعضيدي لو تنمد ايد

الكل عين اصيرن حيدره -- ايشوفون ابويه امن اجديد

يبني يبني -- والنعم تسلملي عينك

يبني يبني -- ياگمر يزهي جبينك

بعيني رسمك -- جازي امك

--

ودعها عباس ومشه -- بالرادته وفاها

تتعثر الخيل ابزلم -- ابطف كربله خلاها

هيه ولوا ماشافته -- لاچن يگر عيناها

ام البنين الطاهره -- رد الها حق ارباها

يبني بني -- تمتلك ماي الشريعه

يبني يبني -- تروي الحسين ورضيعه

روحي يمك -- جازي امك

--

أم البنين ام الوفه -- اليوم الشدد ظمتهم

ابطف كربله ابدور وزهت -- اشبول اربعه ابهيبتهم

وللزهره وياها عهد -- اولادها نذرتهم

والحيدر اتوافي الوعد -- بس بعد ماشافتهم

يبني يبني -- روحي لهفانه تريدك

يبني يبني -- يالتضحي بدم وريدك

فدوه لسمك -- جازي امك
--------
سيد عدنان الحمامي
س


 
 توقيع : المعارف




رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول