.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 25 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 25 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 20 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 21 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 24 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 19 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 23 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 22 ]       »    



 
 عدد الضغطات  : 14556
 
 عدد الضغطات  : 5124


الإهداءات



إضافة رد
#1  
قديم 10-18-2011, 09:27 PM
نـــائب المدير
المعارف غير متواجد حالياً
    Male
اوسمتي
وسام الاداري المميز Default Medal المشرف المميز العضو المميز 
لوني المفضل Cadetblue
 رقم العضوية : 118
 تاريخ التسجيل : May 2011
 فترة الأقامة : 4688 يوم
 أخر زيارة : 10-30-2012 (10:36 PM)
 المشاركات : 1,850 [ + ]
 التقييم : 10
بيانات اضافيه [ + ]
افتراضي اليوم الثاني --- في حق العليله ----------



اليوم الثاني --- في حق العليله ------------
بسمه تعالى

سلام عليكم

--

--

--

اوياكم بويه حسين اخذوني

--

ابعله اشلون اتحمل وحدي

تظل تحفر دمعاتي ابخدي

ترحون وآنه اشظل عندي

من شوفتكم لتحرموني

--

يالماخذ گلبي ابهل الروحه

لونزفت شيداوي اجروحه

شيسكن ونّاته ونوحه

اشلون الكم يهلي اتعيفوني

--
لاعبد الله ايخلوه يمي

ولاواحد من اهلي وأمي

ولاعباس الهيبه عمي

بآلامي وعلتي ايخلوني

--

حرموني او عيني ايحرموها

بحسره الشوفتهم خلوها

اشلون اعزيزتهم ينسوها

احبابي ابغفله ايودوني

--

بآلامي وحسراتي ابگلبي

وبعيوني اللي ظلت تربي

لو اعتب وشينفع عتبي

مايبره اصواب الصوبوني

--

الله اوياكم الله اوياكم

يالرحتو هم بعد الگاكم

يهلي شلون اگدر انساكم

اخذوني اوياكم رحموني

--
سيد عدنان الحمامي


\\\\\\\\\\\\\\\\\\\\\\\\\\\\\\\\\\\

المستهل
0000
عليله بگلبي المحير -- يبويه وبيش اتصبر

من ابقه وحيده -- من ابقه وحيده

0000000000

يالرايد يبويه اتروح -- تخليني جسد لاروح -- اموتن لو مشيتوا

عيني من تظل عالباب -- مو چبدي بهظم ينصاب – عزيزتكم نسيتوا

لو رادت الك تجري -- لدموعي شنو عذري -- بويه وما اجيتوا

وجرحي الغيبتك يشتد -- وماعندي بعد أحّد -- الياديره حديتوا

اخذني ولا لتتعذر -- يبويه وبيش اتصبر

من ابقه وحيده -- من ابقه وحديه

0000

اتعذب اظل بالدار – وتلهب للفراگ النار -- من عنكم بعيده

عبد الله يروح شلون -- صعبه فرگته ومتهون – يظل يمي اريده

كل ساعه اجي المهده – اقبل غرّته وخده -- واشتمه ابوريده

لو روحي اله حنّت – لفراگه واله ونت -- الحظني من يعيده

وجهي لونه يتغير -- يبويه وبيش اتصبر

من ابقه وحديه -- من ابقه وحيده

0000000000

عليله وگلبي مايحمل -- ودمع افراگهم يهمل -- شلون احمل بعدهم

بغفله ولنهم امودعين -- عني بهل الضعن ماشين -- احبابي الاودهم

همه سلوتي ابدنياي -- همه هالضوه العيناي -- لدياري شيردهم

اهجس بالدليل اصواب – وعني بعدوا الغياب -- راحوا وين اجدهم

افارگ اهلي ما اگدر -- يبويه وبيش اتصبر

من ابقه وحيده -- من ابقه وحيده

00000000

اريد امن اخوتي يمي -- وخواتي ايظلن وامي -- صعبه ايودعوني

بويه حسين ظل اوياي -- تعمه لو رحت عيناي -- ماشوف بعيوني

الخاطر بويه لتكسره -- حالي ياهو اليصبره -- تواعدني تجوني

اعزاز انتم على گلبي – شلون اندل بعد دربي -- واحبابي نسوني

بصدري العبره تتكسر -- يبويه وبيش اتصبر

من ابقه وحيده -- من ابقه وحيده

000000000

عافوني ومشوا عني -- وبروحي كثر وني -- يدروني عليله

دمعي ماسكن ليله -- لبويه حسين ابچيله -- ظل ينزف مسيله

بعّله وجمرة امصابي -- عني راحوا احبابي -- وجفني بسهر ليله

ميته ولا اضل بالخوف -- ولا عيني الوداع اتشوف -- خل ودع خليله

الحالي الصخر يتفسر – يبويه وبيش اتصبر

من ابقه وحيده -- من ابقه وحيده

0000000000

امن اهلي انتظر جيه -- وعيني ظلت اربيه -- دمعاتي اعله خدي

رهبه وحشتي بالدار -- وگلبي ازغير ومحتار -- انوح وابچي وحدي

اخوتي ولايظل واحد -- وبجفني الدمع شاهد -- وسف اصفگ بيدي

ياهو الصبر ينطيني -- بظعن اهلي يدليني -- اله هالعمر افدي

ليش ابزغير اتمرمر -- يبويه وبيش اتصبر

من ابقه وحديه -- من ابقه وحيده
0000000
سيد عدنان الحمامي





 توقيع : المعارف



رد مع اقتباس
قديم 10-19-2011, 12:49 AM   #2
عضو مميز


الصورة الرمزية صداح آل محمد
صداح آل محمد غير متواجد حالياً

بيانات اضافيه [ + ]
 رقم العضوية : 123
 تاريخ التسجيل :  Jun 2011
 أخر زيارة : 04-21-2016 (11:12 AM)
 المشاركات : 1,336 [ + ]
 التقييم :  10
لوني المفضل : Cadetblue
افتراضي



أنالك الله شفاعتها في ذلك اليوم الرهيب لتكون في منجاة من هول المطلع وعذاب الجحيم ولتهنأ بمجاورتها في جنات النعيم

حياك الله وحيا سطروك الزاهرة عزيزي الغالي

المعارف


 

رد مع اقتباس
قديم 10-21-2011, 07:28 AM   #3
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

--

--

--

وين ابسفركم وين -- اتودعني بويه حسين

فراگ الاهل ميهون -- وآنه عليله شلون

--

يهلي صعبه اتودعوني وآنه محتاجه الرعايه

روحي ماتحمل ألمها ومالي حيل اعله الرزيا

أخوتي همه حياتي همه سلوايه او منايه

عمري ماريده بعدهم خلها تاخذني المنايه

ابقه بحزن وهموم -- ما أگدر اصبر يوم

احبابي من يمشون -- وآنه عليله شلون

--

شصبر ويامهجه عندي تحمل اغياب الاحبهم

روحي بالدار او عيوني تبقه شباحه الدربهم

أخذوا آمالي او حياتي الچانت أمأمنه بگربهم

ميته لو راحوا اصّبح روحي ماتسوه عگبهم

صعبه الاحبه ايغيب -- وجرح البعد ميطيب

ابحالي اظن يدرون -- وآنه عليله شلون

--

بويه ماشي بكل أخوتي من يظل يابويه يمي

لا أخت لأا أخ بقالي لاتظل ويايه امي

حتى عمي بهل الضعينه رايح العباس عمي

وآنه من هالساعه حزني بيّه يكثر ويه همي

خيمت عليّه اهموم -- أسهر واعد انجوم

ابها الحاله شيگولون -- وآنه عليله شلون

--

بوايه بفراگك ونيني والنحيب اعليك ازيده

ويه بت مسلم اخذني طفله هم مثلي حميده

هذي كلفه اعله العليله مثلي لو ظلت وحيده

ابداري من اصبر واناطر للضعن سالم يعيده

خلي رقيه اوياي -- بيها اسّر عيناي

والوضعي لاتنسون -- وآنه عليله اشلون

--

شحسبت لمن عفتني هم گلت بنتي عليله

ونته ما گتلي يبويه سفرتي هاذي طويله

اطفي جمر امصاب گلبي ابيا قهر اطفي غليله

ودمعي يالغالي يبويه بيش انشفله مسيله

عبد الله هم اوياك -- لا بويه اترجاك

من اهلي ميظلون -- وآنه عليله شلون

--

من مشه ظعن اهلي مارد كل خبر منهم اليه

لاجت الروح الفگدهم هاجت آلامي عليه

ابدار آنه وعيني ظلت للدرب عيني ربيه

من بعدهم ماردتها الروحي واتمنه المنيه

ميته أنه اتمنيت -- وبداري لاظليت

احبابي ميعودون -- وآنه عليله اشلون

--
سيد عدنان الحمامي




 

رد مع اقتباس
قديم 10-21-2011, 07:28 AM   #4
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

--
--

--

دار أهلي مست وحشه وخليّه -- عليله ولا صبر يلحگ عليّه

--

يبويه البت عزيزه اتصير بالعود

صحت لمن رحت للدار بلعود

صدگ ثغرك يضربه ايزيد بالعود

وعله راسك تموت أختي رقيه

دار أهلي مست وحشه وخليه -- عليله ولاصبر يلحگ عليه

--

شكثر قاسي الدهر ياناس لودار

ومثل دمعي اعله أبويه الراح لادار

عليله وشيلمني بعد لادار

وحدي بالصراع اويه المنيه

دار اهلي مست وحشه وخليه -- عليله ولاصبر يلحگ عليه

--

اخذ روحي الضعن من سار وحده

عليله ولا أخت وياي وحده

اخاف ايظل ابويه حسين وحده

ويتولاه عدوه شلون بيّه

دار اهلي مست وحشه وخليه -- عليله ولاصبر يلحگ عليه

--

الضعن يحدي اسمعت بالضعن ون صار

وابويه حسين واهل الشيم وانصار

بعد مارجع ليّه انشدت ون صار

گالو جثته أمگطعه ورميه

دار اهلي مست وحشه وخليه -- عليله او لاصبر يلحگ عليه

--

رحيلك للچبد يحسين مارد

عليله ومن اظل بالدار مارد

يبويه شلون ضعنك لوّن مارد

تخليني بحزن وآلام بيه

دار اهلي مست وحشه وخليه -- عليله او لاصبر يلحگ عليه

--

عليله افراگ أحمل بعد ماعاد

وگلبي اويه الحزن چن عنده ماعاد

بيّه اشلون ابويه حسين ماعاد

مناحه انصب ابداره وعزيّه

دار اهلي مست وحشه وخليه -- عليله او لاصبر يلحگ عليه

--

الدهر غير الحزن وياي ماراد

وضعنهم من حده للروح ماراد

عليله وخبر من الاهل ماراد

ولا طارش لاهلي يرد ليّه

دار اهلي مست وحشه وخليه -- عليله او لاصبر يلحگ عليّه

--

سيد عدنان الحمامي


 

رد مع اقتباس
قديم 10-21-2011, 07:29 AM   #5
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

--

--

--

تجليبه

--

--

علي خويه يالاكبر رايده وياك -- عليله ولاصبر وأصبر على فرگاك

--

علي خويه يالاكبر خل اسولفلك -- خويه اهلي نفسهم همه هم اهلك

ايعيفوني عليله شلون مو أهلك -- وأموت بدار موحش خويه هم يرضاك

--

يرضاكم يالاكبر من اظل وحدي -- أشكبرني وهاكثر احمل هظم چبدي

ما أگدر وحگ المرتضى جدي -- يومي لاعشت خويه عگب عيناك

--

فرگاكم صعب وآنه عزيزتكم -- وتطيب خاطري لوشفت لمتكم

مهيوبه يخويه ابهاي هيبتكم -- مكسورة گلب ما اظل اترجاك

--

ابلياكم أظلن بس جسد لاروح -- وعبد الله يخويه اوياك هم ايروح

دليلي على أغيابه مو يظل بالنوح -- و جفني اعليه بعد مايغمض ابممشاك

--

اتنطر يخويه لو بعد هيهات -- تعال أسمع ونيني وأسمع الآهات

ودمع عيني چواني بيه احس جمرات -- تجافيني وأختك ماتريد أجفاك

--

دنياكم يالاكبر لارحم بيها -- لأختك فاطمه ايتيمه تخليها

متهزك لمن تسمع بواچيها -- هم ترجع بعد للدار واتلگاك

--

سيد عدنان الحمامي


 

رد مع اقتباس
قديم 10-21-2011, 07:30 AM   #6
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

--

--

المستهل

--

بضعنك بويه -- اوياك اوياك

ماخذ عمري -- اوياك اوياك

طفله ازغيره -- بعله امحيره

---

يالماخذ اوياك الگلب -- ماعيش اخذ بعد العمر

شتسوه حياة ابلا أبو -- ومنين أجيبه للصبر

وحدي عليله من اظل -- اليوم بسنه اعليه اليمّر

ودمع المفارگ من يهل -- يغفه على خدي جمر

لتودعني -- اتروح اتروح

لتضيعني -- اتروح اتروح

بدمعه وحسره -- بعله امحيره

--

يابو علي أوداعك صعب -- وتحدي تريد ابهل الضعن

كلفه اعله روحي اتودعك -- ماترحم اقدار الزمن

يابويه لمن تعتمر -- يابويه لتعوف الوطن

مكه ومنى اعليك بحزن -- ويايه يابويه بچن

لاجت روحي -- اعليك اعليك

بوني او نوحي -- اعليك اعليك

وگلبي اتكسره - بعله امحيره

--

عادت الرايد يرتحل -- ويشيل عن موطن هله

بكل اهل بيته لو ضعن -- مايترك امن العايله

وآنه يبويه شالسبب -- برهبه اظل وموجلّه

مثل اليتيم أبلا ولي -- لا والد ايباري اله

بعينك حالي -- اتشوف اتشوف

الهم يبرالي -- اتشوف اتشوف

عمري أشكبره -- بعله امحيره

----

احچيلي بويه لو رحت -- وبالدار وحدي من اظل

لاأخت لا أم لا أخو -- وشلون لو جاني الاجل

خليني بويه بهل الضعن -- هم حالي من حال الاهل

من عودي لاتگطع غصن -- لاتگطع ابروحي الامل

بويه اهلالي -- ايغيب ايغيب

شلون الوالي -- ايغيب ايغيب

تمشي بسفره -- بعله امحيره

--

يافاطمه صبري بعد -- حسين ويصبر فاطمه

كافي البواچي والدمع -- دمعچ الگلبي أيألمه

بعيد الدرب بنتي وخطر -- وعالصعبه مامتعلمه

بدارچ أمان الحالتچ -- ونتي برغد متنعمه

چلچل همي -- آه أو آه

محد يمي -- آه أو آه

وشمنتظره -- ابعله امحيره

--

گالتله يابويه الصبر -- ماله مكان بهل الگلب

ونته بمسيرك لو رحت -- عيني تظل اعله الدرب

ملهوفه روحي اتظل الك -- لو خيمت برض الغرب

لا ليل يغمضلي جفن -- شيسكن الدمع اليصب

ويه احبابي -- اوداع اوداع

هذا امصابي -- اوداع اوداع

أجري العبره -- بعله امحيره

--

--

عليله شلون اسكن الدمع يادار

ومايرحم زماني عكس يادار

أصبّر الروح بيمن بعد يادار

ومشوا أهلي ويلوج الحزن بيّه

--
سيد عدنان الحمامي


 

رد مع اقتباس
قديم 10-21-2011, 07:30 AM   #7
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

--

--

--

المستهل

--

عيني تظل اعله الباب -- يمته يجون أحبابي

عالصبر گلبي ازغيرون -- وآنه عليله يدرون

يمته يجون احبابي

--

يبويه حسين هاي اختي رقيه اوياك -- وعبد الله رضيع وچن خطر ممشاك

خل يمي يظل يابويه أترجاك -- أحب ايدك أحب صدرك أحب عيناك

ماينكسر گلبك ليش -- بويه وتحن الحالي

ويه اخوتي امشي ايكون -- وآنه عليله يدرون

يمته يجون احبابي

--

صبري مايطاوعني ودليلي اينوح -- وأيام الحزن بيّه تخلي اجروح

وأصبح كل أمل يابو علي مذبوح -- دخيل الله او دخيلك بويه لا لتروح

يابويه بس عني اتغيب -- ميته بقهر تلگاني

خاف الصبر بيّه ايخون -- وآنه عليله يدرون

يمته يجون أحباب

--

ثغري مابعد يابويه يتبسم -- وبوجهي دشوفه مابقه كل دم

لا أنته تظل لا أخوتي لاعم -- وجودك بويه هوه العلتي بلسم

يابويه روح الله اوياك -- سالم ترد لوطانك

بس لا لختهم ينسون -- وآنه عليله يدرون

يمته يجون احبابي

--

مشه عني ابويه وعافني أشحسب -- بنت آنه وعليّه صعب يتغيب

أشلون اعله الصبر هالروح تتغلب -- اظل بس انتظر بالدار وأتعذب

ظعن الاهل لمن راح -- دم الدمع بچاني

أشلون الهم اتنام اعيون -- وآنه عليله يدرون

يمته يجون احبابي

--

ظعون اهلي حدت لا وين ممشاهم -- أخوتي أعزاز گلبي وأمي وياهم

چن صوت القدرلحبابي ناداهم -- وين أنشد وأدور حتى الگاهم

شما بعدوا عني الغياب -- تبقه الصور بعيوني

الحالي شعجب ميحنون -- وآنه عليله يدرون

يمته يجون احبابي

--

ماعوف البواچي أخلافهم ماعوف -- وأطفي بالمناحه امن العيون الشوف

شتشوف العيون أخلافهم شتشوف -- وحتى مايمر بيها لخوتي اطيوف

جرح الاودهم ماشوف -- واحد يجي ويروفه

ابظيمي اظلن يردون -- وآنه عليله يدرون

يمته يجون احبابي

--

سيد عدنان الحمامي





 

رد مع اقتباس
قديم 10-21-2011, 07:30 AM   #8
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



بسمه تعالى

سلام عليكم

----

--

المستهل

---

عافوني عافوني -- احبابي عافوني

وآنه عليله ابعلتي -- احبابي عافوني

-----

عافوني احبابي ومشوا عني ابعيد

همي كبر وبروحي آلامي اتزيد

وآنه عليله واصفگت ايد بايد

ياهو اليباريني البواچي شتفيد

بچوني بچوني -- من مشوا بچوني

تچويني عالخد دمعتي -- احبابي عافوني

-----

يابويه وياك ابضعنكم وياك

تدري عليله ومالي حيل الفرگاك

ونته التباريني يبويه ابعيناك

تحرمني من عطفك عليه دنياك

صبروني صبروني -- يالرحتو ا صبروني

بيمن اسلي مهجتي -- احبابي عافوني

-----

حيل الگلب مابيه يبقه امحير

كل اخوتي ماشين بيش اتصبر

يابويه خل يمي يظل الاكبر

تدري على فراگه أبد ما أگدر

بعيوني بعيوني -- صورته بعيوني

بالأكبر آنه هيبتي -- احبابي عافوني

----

دارك يبويه موحش اعليه صار

ماريد اظل بعد الاعزاز بهل الدار

روحي تلوج وچبدي يتلاهب نار

صعبه اظل انتظر منكم اخبار

تنسوني تنسوني -- لورحتوا تنسوني

المن اوجه شكوتي -- احبابي عافوني

----

يابويه وياك اخوتي حتى امي

والبدر عباس ابضعنكم عمي

خل يبقه عبد الله يبويه يمي

ولله امن اشوفه ينجلي كل همي

رحموني رحموني -- يالاهل رحموني

عبد الله هوه سلوتي -- احبابي عافوني

----

سيد عدنان الحمامي


 

رد مع اقتباس
قديم 10-21-2011, 07:31 AM   #9
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي




بسمه تعالى

سلام عليكم

--- اعگيلي

---

---

المستهل
---

لاتنسوني -- لاتنسوني -- يعمن من ترحون اعيوني

--

يالرايح بويه بهل السفره -- گلبي اعليك شراح ايصبره

يمته ايرد ضعنك انتظره -- يولا بالظيم اتعيفوني

-----

ماظلن وحدي ابلياك -- اشلون اگدر احمل فرگاكم

فدوه اخذوني اخذوني اوياكم -- صعبه بهل الحاله اتخلوني

----

يرضيكم طفله اتعيفوها -- وحشه ابهل الدار اتخلوها

ماتحمل روحي تدروها -- بيمن روحتوا اتصبروني

-----

اتوافوني بويه ابرجعتكم -- واعيوني اتشاهد لمتكم

ترضاها شلون امروتكم -- بين اللهم بويه اتضيعوني

---

اتضيعوني لا ما اتصّبر -- خل ايظل يم اخته الاكبر

لفراگه اشتتصور اگدر -- اويه الموت امنازع شوفوني

----

خالي اخلافك لوظل دارك -- وتعنوّا نشدوا خطارك

شاعرف يابويه أمن اخبارك -- منواكم وين اتخبروني

----

جاوبها حسين انوديلچ -- عمچ عباس ايسر عينچ

يبنيتي وبطليه لونينچ -- صاحت يابويه اتعذبوني

--

سيد عدنان الحمامي


 

رد مع اقتباس
قديم 10-21-2011, 07:31 AM   #10
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : 03-25-2024 (06:13 PM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



سمه تعالى

سلام عليكم

في حق فاطمه العليله ع

----

المستهل

----

عليله اوياكم اخذوني -- وراكم يعمن اعيوني

يهلي اعليه ميهون -- عن عيني تغيبون

----

بويه حسين تعال اهنا -- وسط الدار ظل يمي

اخوتي اوياك هم يمشون -- بويه اوياك حتى امي

بلچي ايظل علي الاكبر -- وابو فاضل يظل عمي

يولا عالسفر ناوين -- واحير ابدمعتي وهمي

نحيلة مرض تدروني

اشلون الكم تعيفوني

ابظعنكم وين تردون -- عن عيني تغيبون

-----

وحدي ما اظل بالدر -- طفله شلون اظل وحدي

عليله والالم بيه -- ودمعي يحفر ابخدي

وآنه ابغيركم يحباب -- بالدنيه اشيظل عندي

عگب اعيونكم ياريت -- يهلي نايمه ابلدي

اذا صرتوا تودعوني

تجّرح الدمعه بجفوني

بعد شتشوف العيون -- عن عيني تغيبون

-----

بويه حسين حاچيني -- عگبك بيش اتصبر

عليله والفراگ النوب -- شحمل بعد ما أگدر

بعدني ازغيره عالشوغات -- بعدني ازغيره واتمرر

يبويه ومن اظل بالدار -- وحدي الحالتي اتصور

احمل ظيم تردوني

ابسفركم لاتعذبوني

روحي تصبر اشلون -- عن عيني تغيبون

-----

سفرتكم طويله هاي -- يولا انتظر چم يوم

اتنطّر اباب الدار -- وهذا اغيابكم ميدوم

يهلي وماتظل العين -- جفنها امن الوسن محروم

ودار اللي خلت منكم -- يبويه الحزن بيها ايحوم

يهلي انگطعت اظنوني

بخوتي من يودعوني

اعله اختكم ماتحنون -- عن عيني تغيبون

-----

يدار الخلت من اهلي -- ماريدچ بعد يادار

شنهو امضيفين اليوم -- عنچ لوهلي خطار

ابغفله عنچ ايرحلون -- اشعدهم چانت امن اعذار

ساروا والمسير ابعيد -- ومنهم ماتردني اخبار

عليكم من ينشدوني

اگول احبابي ينسوني

الوطنكم هم تعودون -- عن عيني تغيبون

------

ظعن اهلي مشه وظليت -- وسط الدار محتاره

وعيني عالدرب والباب -- بلچي اتدگها خطاره

وبلچن طارش امن اهلي -- يجيني وحامل ابشاره

يگلي ابظعن ابويه حسين -- سالم عاد لدياره

ولوا مرّه تفرحوني

گبل ماميته تلگوني

ومينفع بعد تبچون -- عن عيني تغيبون

---

سيد عدنان الحمامي
--


 

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول