لو قطعوا ارجلنا واليدين

اللهم صلّ على محمد وآل محمد وعجل فرجهم الشريف لو قطعوا أرجلنا و اليدين .. نأتيك زحفاً سيدي يا حسين .. يا حسين .. يا حسين .. يا حسين .. جابر يناشد يا علي .. يَبن الأحبة گـول إلي .. شلي صار بعرصة العاشر گـللبي من الهم امتلا .. ما خلت إلكم كربلا .. إلا هذا المدمع الحادر بالله فصل لي الخبر زين .. يا حبيبي و گـُرة العين صِدگ لمن فرگ البين .. بالحوافر رضوا حسين تسأل يا جابر شلخبر .. و عيوني شافت چـم گـمر .. لا تسايل عمي يا جابر شفت الأحبة مجدله .. من دمها وسفة مغسله .. چـم حبيب على الترب عافر عالترب شفت الرياحين .. مرتميه شمال و يمين لو شفت حال النساوين .. لما خـَر على الثرى حسين بعيني شفت سبط النبي .. وحده يا عمي حاير بلا معين الدمع .. من حاله يهمي فوگ الترب جسمه عسى .. نفداه مرمي ياليتني وياه چـان .. انسفك دمي عطشان أبو اليمة .. تعبان من همه .. لو شفته مرمي عالترب .. حزوا كريمه طايح على الغبرة .. حز الشمر نحره .. أضلاعه من خيل العدا .. صارت هشيمه مالت على خدور النسا .. يا جابر الخيل ليت المنية من گـبل .. هالمشهد تميل هامت يتامى بهالبرا .. ري و اگـبل الليل حتى الصخر للي دها .. ني دموعه تسيل ضاعت يتامانا .. من هجمت عدانا .. صعبة مصايب كربلا .. عمي يا جابر من راح أبو فاضل .. ظلت بلا كافل .. دنوا إلينا الهازلة .. لازم نسافر يا جابر .. مدامعنا .. تخبرك عن .. مصاب الي حملناه على هِزَل .. غصب نرحل .. و والينا .. تركناه يا جابر .. على الذابل .. أبو اليمة .. مشينا براسه يا حيف و إذا سيف الـ .. ـگـطع نحره .. أنا بدلالي .. چـم سيف و إذا دمعة ألم سالت .. يَعمي تشتعل نار مشينا بسفرة الـگـشرى .. جسد بس ذا الذي سار و بـگـت أرواحِنا عنده .. أبو اليمة و للأنصار يَعمي لا تناشدني .. أليمة كلها الأخبار *** *** *** لو قطعوا أرجلنا و اليدين .. نأتيك زحفاً سيدي يا حسين .. يا حسين .. يا حسين .. يا حسين .. جيتك يَراعي المرجلة .. من هالسفر متنحلة .. إنهض و نزل محاملنا فاح العطر من كربلا .. يا مرحبا و مية هلا .. هيَجـَت والله مشاعرنا مرت أفكار و خواطر .. فاضت أحزان و مشاعر آه يا جمرة يوم عاشر .. تشتعل بين الضماير جيتك و في گـللبي لهيب .. و الله سفرنا مو گـريب .. اسمع أخبار السفر خوية صعب الدرب بعد الكفيل .. كل ساعة و المحمل يميل .. و العدا ما تشفـگ عليَه شوف راسي شلون شايب .. مو سهل فـگـد الحبايب جيتك بهمي أعاتب .. گـوم يا شمس الكواكب عتبي على الي رضضـَ .. ـته الأعوجيه يا حسرة مات و ما شرب .. گـطرة مية فوگ الهِـزل أنصب على .. مصابه العزية يا ليت أنا الي گـبله وا .. فتني المنية إسمع بواچـينا .. بالحسرة ردينا .. من بينت لي كربلا .. سالت دموعي راسك يَبو سكينة .. متكسره سنونه .. تدريني من عنك رحت .. ما سكن روعي بعيوني راسك يا عزيز .. الزهرا شفته تلعب عصا يزيد الرجس .. ويلي على شفته مو بيدي عن كسر الثنا .. يا ما منعته يتمادى كل ما يا أبو .. اليمه نهرته چـم ضيم و چـم غربة .. يابو علي صعبه .. افتح إلي هذا الـگـبر .. ما بيَه گـوه إسمع شكاياتي .. و امسح جراحاتي .. أنظر يَخويه هالزمن .. وِشـبيه سوى يَخويه .. گـطع نحرك .. و كسر صدرك .. نسيته بسفرة الشام محن شفنا .. و كل محنة .. تريد أوصفها أيام يَخويه .. و أخبرنك .. خبر بنتك .. رقية الماتت هناك بـگـت تبـچـي .. إلك تحـچـي .. يَبويه خذني وياك تريد تشوفك تعبانه .. و تدري بغربة الشام بـچـيها أزعج الطاغي .. يزيد من الغضب گـام و جابوا يا وسف راسك .. و تنظر كل الأيتام عليه من الحزن ماتت .. يَخويه و لا ما تنلام *** *** *** لو قطعوا أرجلنا و اليدين .. نأتيك زحفاً سيدي يا حسين .. يا حسين .. يا حسين .. يا حسين .. هذا نحيب القافلة .. لو هي قيامة نازله .. تقرع إلي ما نصر دينه مَدري نعي لو زلزلة .. بأرض المدينة الثاكلة .. من رثى الناعي أبو سكينة يا بشر هذي المدينة .. ترفل بهدأة و سكينة يا بشر خفف عليها .. لهجة الندبة الحزينة لا تخلي نعيك تسمعه .. أم البنين الأربعة .. لأنها حـگ حسين ولهانه عن لا گـلبها تفزعه .. مهد إليها الفاجعة .. بمصرع العباس و أخوانه طفل أبو فاضل بـِديها .. يا بـِشر هون عليها إبدأ بعبدالله و أختم .. بجعفر و عثمان إليها ما بين ماهو يلهب الـ .. ـوجدان و العين وصلت يمه بالطفل .. فخر النساوين گـالت له خبرني بعجل .. عن حال الحسين گـللبي يا ناعي ما سكن .. من سفرة البين جاوبها بالعبرة .. عثمان و عبدالله .. جعفر ليوث تذبحوا .. بالغادرية گـالت أني بالي .. ينشد عن الوالي .. و أولادي فدوه لمهجة الـ .. ـزهراء الزچـية اتزفر و گـلها ترى .. ما شافت الناس إيثار يبعث حتى في .. الجلمود الإحساس من ابنـچ الي بالعمد .. فضخوا له الراس مأجوره يا فاطم على .. الضرغام عباس من ذكـَر بوفاضل .. صار الفكر ذاهل .. حتى الطفل منها وگـع .. فوگ الوطية إدركت سهم البين .. ساطي بـگـللب الحسين .. گـالت عجل سبط النبي .. مَيعود ليَه يَناعي .. إذا عباس .. شديد الباس .. وگـع راح الغالي حسين إذا جفنك .. رحل عنك .. ما تسلم للبصر عين يَناعي .. أريد أسأل .. عن الحورة .. و عن العيلة و الأيتام أكيد إنها .. بعد نوره .. سبوها گـوم الظلام و گـال للحورة يا فاطم .. من طاحوا الميامين ساروا بيها للظالم .. أرجاس و ملاعين و من بعد الحزة صارت .. تتدخل دواوين بشت مضارب يا فاطم .. من بعد الوالي حسين

ربي ايوفقك الشاعر ان شاء الله

وللناقل العافيه

تحياتي ودعائي

احسنتم كثيييييييييييييييييييييرا وربي يتقبل منكم خيييييييييييييييييييييير

شكرا عالقصيده الرائع والمميزه

وان شاء الله نكوون من زوار اباعبدلله الحسين ع

وحشرنا واياكم في زمرة محمد وآل محمد ص

وسئل الله العلي القدير ان يوقفكم بحق محمد وآل محمد

تحياتي ودعائي