.::||[ آخر المشاركات ]||::.
المهدوية في آخر الزمان‏ [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 41 ]       »     وانفصمتْ والله العروةُ الوُثقى... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 46 ]       »     21 رمضان .. ذكرى أليمة استشها... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 37 ]       »     نتقال الامام الى روضة الخلد وا... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 36 ]       »     مجلس شهادة أمير المؤمنين الإما... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 37 ]       »     الامام علي ابو الأيتام [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 35 ]       »     عقيلة الطالبيين مدرسة لنسائنا ... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 39 ]       »     كيف نكون قريبين من الإمام المه... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 21 ]       »     الإمام علي قدر هذه الأمة وقدره... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 39 ]       »     ما سَرُ تَعلق اليَتامى بالإمام... [ الكاتب : شجون الزهراء - آخر الردود : شجون الزهراء - عدد الردود : 0 - عدد المشاهدات : 34 ]       »    



 
 عدد الضغطات  : 14560
 
 عدد الضغطات  : 5128


الإهداءات



إضافة رد
#1  
قديم 09-14-2018, 11:56 AM
مديــر عام
سيد عدنان الحمامي غير متواجد حالياً
Iraq     Male
لوني المفضل Darkgreen
 رقم العضوية : 1
 تاريخ التسجيل : Apr 2011
 فترة الأقامة : 4745 يوم
 أخر زيارة : اليوم (02:53 AM)
 الإقامة : الكاظمية المقدسة
 المشاركات : 7,694 [ + ]
 التقييم : 10
بيانات اضافيه [ + ]
افتراضي قصر الزهراء ع -----1 ----



للانصار
----
المستهل
---------
هتفنه اويه اليهتفون ---- نضحي أويه اليضحون -- وياك - وياك
صبح واحدنه مجنون -- مثل عابس مثل جون -- وياك وياك
---------
يبو اليمه امقصرين اوياك شنهو انقدمه
بالبنين ومال نقسم الك نبذل والدمه
انت ريحانة محمد انت روح الفاطمه
انت شافع النه منقذ انت بيك الغانمه
اخذ هذا عهدنه --- ولانخلف وعدنه
الك ارواحنه اتهون --- مثل عابس مثل جون -- وياك -- وياك
------------------
ثابت وباقي عهدنه امن الازل عدنه عهد
ياسفينه او للنجاة أيامن البيها صعد
الك ارواح وبنين والك مانملك بعد
واليخدمك بالقيامه اهناك جائزته وجد
بعد امك تجازيه --- شفاعه اهناك تنطيه
بجنا الله ويفرحون --- مثل عابس مثل جون -- وياك وياك --
----------------
النصرتك باچر يفوز بروحه كل واحد يهب
والله خصك بالشفاعه ونته تشفع للمحب
وبيك يغفرله الذنوب ايروح مغفور الذنب
ومن يزوغ البصر باچر علي يروينه العذب
الك دمنه والارواح --- العمر قربان لو راح
واحنه أمن اليفوزون --- مثل عابس مثل جون -- وياك - وياك
------------------
أمن الازل احبابك احنه لا اليوم ولا أمس
يظل شلال المحبه بينه يروي كل نفس
ياحسين انته الامان وكل موالي بيه يحس
تظل غالي يبو اليمه وخصمك ايظل البخس
وين الخاصمك وين --- ماله گبر يحسين
خلها اتشوف العيون --- مثل عابس مثل جون -- وياك وياك
----------------------------
گبرك انشاهد ضريحه صار كعبه لليطوف
ناس تتعنه بجدمها ناس تتعنه زحوف
هالملايين التزورك يبو اليمه مو ألوف
حتى جبرائيل يمك ويه زوارك يطوف
گبرك كعبة احرار --- فاز اللي اجه زار
يمك خل يشوفون --- مثل عابس مثل جون -- وياك -- وياك
-------------------------
مايخيب العنده حاجه وگصد يمك مايخيب
جدك لالله حبيبه ونته للهادي حبيب
لو دعه الداعي ابضريحك الله للداعي يجيب
منك الوصفه اليجيك ومايروح الكل طبيب
بگبتك كل دعه انجاب--- تربتك وصفه التراب
بزوارك يرحبون --- مثل عابس مثل جون -- وياك -- وياك
سيد عدنان الحمامي
.....................

.......................



 توقيع : سيد عدنان الحمامي


رد مع اقتباس
قديم 09-14-2018, 11:58 AM   #2
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



....للقاسم ع.......
...............

المستهل
...........
جبنالك الشمس --- يجاسم للعرس --- وگلبي بألم يحس
خاف من عندي تروح --- خاف ما أفرح انوح
.................
بيك فرحانه شمسنه ونته فرحان وفرحنه
والنجوم اليوم تضوي امساهره أويانه الصبحنه
يوم المبارك عليك وبالهلاهل كلنه صحنه
حلم هذا بعين امك خاف لايصبح جرحنه
غداره دنيتي -- تطفيلي شمعتي-- وتسلبني فرحتي
لمك اتخلي الجروح --- خاف ما افرح انوح
...........................
عطرت بدلة زفافك يبني والحنه اعجنتها
وهاذي صينية شموع الزفتك هم حظرتها
عيوني هاي اللي تشوفك الك قربان انذرتها
أمبارك الشمعه تگلي لمن بروحي اعلتها
روح أمه من ملك -- عماتك وهلك -- نثروا ورد الك
وعطرك وليدي يفوح -- خاف ما افرح انوح
................................
شگد مسعده نور جاسم لمه ومضوي سماها
هلال دنيه من اشوفه ابني لعيوني ضواها
تعمه عين الماتشوفه هالضوه لو ما اجاها
خايفه وگلبي لزمني خوفتي مدري شوراها
گمر ليلة قدر --- افرشله هالعمر -- بدربه لمن يمر
وجهه مامثله صبوح -- خاف ما افرح انوح
.......................
مثل ابوك بكل خصاله للحسن يوليدي چنك
من يصيبك يبني عارض أحمل آنه هذا عنك
ليله ما أجرع فرگتك من گبل من زغر سنك
اندعي يبني ابصلاتي الله لايحرمني منك
اتنفسك هوه --- بلسم جرح دوه -- لعين امك الضوه
تعوفني لا وين اروح -- خاف ما افرح انوح
......................
يالحنين وطيب انته يبني يامحله صفاتك
بالهنه عمتك دعتلك كلهن اوياهن خواتك
للسلامه گوم صلي افرشت سجادة صلاتك
اغله من الدنيا عندي لمك وليدي اشغلاتك
يانسمة الفجر --- انثر الك عطر --- ياجاسم البدر
يبني يالگلبك سموح --- خاف ما افرح انوح
.....................
خايفه ولنه يصير الچنت اخافن آنه منه
اهدعش عمره اوليدي راح سيوف عدوانه ولنه
شموعه مو بس هنه يطفن عمره وياهن طفنه
راح يالچان اعله أمه فارش أجناح المحنه
دمعي عليه يصب -- ليل الحزن صعب -- يشيبه للگلب
بعد ماريدچ يروح --- خاف ما افرح انوح
...........
..سيد عدنان الحمامي
.........................

..........


 
 توقيع : سيد عدنان الحمامي



رد مع اقتباس
قديم 09-14-2018, 11:59 AM   #3
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



ولائيه للحسين ع

..............

المستهل

...............

هذا عهد البينه --- من الك حبينه --- بحُبك انجنينه -- أي يالحسين

......................

أنته كل صومي وصلاتي وابتهالي

أبد متغير محبتي هاليالي

الك ناذر بيتي واولادي وحلالي

ادري تالي بيك افوزن ادري تالي

بالحشر دلالي --- مأمن ومابالي --- حيدر اليسقينه -- بحبك انجنينه --- أي يالحسين

............................ 2

هوه بس حُبك تره ماعدنه غيره

وارتبط محبوبك بحبك مصيره

عطر حبك سيدي نشتم عبيره

هالعشگ يحسين لا ميصح نظيره

للگلب نبظاته -- هالهوه ونسماته -- عطرك الشمينه --- بحبك انجينيه -- اي يالحسين

......................

لونه عذري هالعشگ يحسين لونه

ماعله العاشگ سوى يبقه بجنونه

صورتك مرسومه يحسين بعيونه

مسودنين الدمنه من فحصوه لگونه

شحدهم يمنعونه -- نضحي من شافونه -- سيوف الك تلگينه -- بحبك انجنينه -- أي يالحسين

.......................

لو برير وعابس أويانه يشاهد

كل فدائي ايشوف بينه والمجاهد

عهد يتجدد وكل ليله نعاهد

حسين لاحبابه صبح بس هوه قائد

يانعم هالقائد -- مثله ماصح واحد -- بثورتك يحيينه -- بحبك انجنينه -- اي يالحسين

...........................

يوم عاشر من محرم خل يشوفون

بينه كل واحد يصير بصبحه مجنون

وساحة الحب تنملي بدم اليطبرون

شنهو دمنه لو نضحي ارواحنه اتهون

لا أبد منبالي -- نرخص الكل غالي-- الموت مايثنينه -- بحبك انجنينه -- اي يالحسين

....................

ابجاه امك فاطمه ارضه علينه

بيك مجنونين هذا مو بدينه

وخلي ميهمنه اليلوم ايلوم بينه

وأحنه لو مادمك أحنه مانجينه

وحگ أمك امك فاطمه --- الك قربان الدمه ----بدمنه لوضحينه -- اي يالحسين

............................

سيد عدنان الحمامي


...........................................

.............

........


 
 توقيع : سيد عدنان الحمامي



رد مع اقتباس
قديم 09-14-2018, 12:00 PM   #4
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



للاكبر ع
.................

المستهل
...............

أبني الأكبر كل حياتي ---- وكل مُنايه

وليدي وأدعيله بصلاتي --- وأقره آيه

دعه الأم عندك مُجاب --- ربي أحفظ كل شباب

...............

أبني الأكبر ودعت -- غُصه بگليبي اجرعت -- لألله ادعي أتفرعت -

بخيمتي وعيني تهل

صعب يوداع الابن --- شلون أمك من تحن --- هم بعد يطبگ جفن

فراگ لا لتظن سهل

كل شباب وكل فته -- تشم أمه نسمته --- تموت لو ماشمته

ميته أمه تنجعل

يبني عود أرجع اليه --- أرد أشمك

خاف لتروح أمن أديه --- وآنه أمك

أدعي ليصير المصاب --- ربي أحفظ كل شباب

...................2

يبني يالگلبي ملك --- روحي منذوره ألك--- أرجع اوليدي الهلك

عيش ويه أمك تعال

ليله لو ماشافتك -- تعمي عيني الفرگتك -- هاي يمي عمّتك

تگول لايگطع وصال

يبني ياهيبة هلي --- وليدي يالاكبر علي -- أمك ومتحن ألي

حلم هذا لو خيال

تدري يبني من عفتني --- تاه دربي

تبچي يمه لو شفتني -- بهظم گلبي

العذر مني هالعتاب --- ربي احفظ كل شباب

....................... 3

انته لعيوني ضوه --- انته لجروحي دوه -- گام يخنگني الهوه --

ومايمر بيه نسم

مثلي المضيعه ولد -- شحالها تصبح بعد -- شكثر لوليت ابمهد

يالچنت أجمل حلم

ردتك الشيبي ذخر --- ترد اتعاب العمر --- راح تعبي والصبر

گمت بجروحي ألم

مرت مصيبه عليه -- شاب راسي

گاموا يصبرون بيه --- هلي وناسي

موجهه لالله الخطاب --- ربي احفظ كل شباب

......................4

كل مره التفگد ظنه -- يومها ايصير بسنه -- بعد متشوف الهنه

تظل بثياب الحزن

يانصيبي اللي يشح -- أعزيز عندي وينذبح -- سووه بگليبي جرح

ينزف ومنه أون

دمه شفته بهل النظر -- گلبي لوليدي انفطر-- آه من هذا القدر

خلّه دمعي أعله الوجن

ادعي للغياب عدهن --- وبدعائي

ربي سلم كل ولدهن --- يارجائي

أو لا يطولون ألغياب --- ربي أحفظ كل شباب

.....................5

كل شباب أدعي أله --- ايسلمّه ربي الهله -- أو بالسلامه ايوصله

والحظن أمه يرد

ألفاگده وليد اشصعب -- تنجرح من الگلب -- أتصير مشدوهة درب

للمنيه أتضل تعد

شكثر آنه اتصبرت -- بهل المصيبه وكابرت -- لچن ولله اتحيرت

لمه غالي وينفگد

هاي والكل أم وصيتي --- مثلي صبري

من وگع عامود بيتي --- أنكسر ظهري

حلمي چن أصبح سراب --- ربي أحفظ كل شباب

...................

آه گلبي أو بلوته -- عله وليدي محنته -- هالمنيه أخذته

وندفن تحت الثره

گلب الأم هوه حنين -- وتفگد أتعاب السنين -- الها بس الله المعين

بحالها هوه دره

بريتي يتواگد جمر -- هالهوه لمن يمر-- راح من عندي ذخر --

أرضيت الله مقدره

بكل گلب سكنة الونه -- ياعجيبه

هالصبر ماغيره ألنه -- عالمصيبه

نصطبر بس بعذاب --- ربي احفظ كل شباب

.......
سيد عدنان الحمامي

---


 
 توقيع : سيد عدنان الحمامي



رد مع اقتباس
قديم 09-14-2018, 12:01 PM   #5
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



عبد الله الرضيع ع
..
..
..
المستهل
....
من دمع تبچيله – بلليها الشيله
راح عبد الله أنذبح يمه
.....
من رقيه أمن البواچي بعد ما الها عذر
يارباب اتصيح أبويه لايطيح أمن المهر
جاب عبد الله ذبيح ويجري دمعات الصبر
بويه ماخليته يمنه طفل وزغير عمر
كل رحم مابيهم ... ليش أخذته ليهم
طفل وبدمه سبح يمه
.....
چان ظل ابمهده يمي ومن دمع عيني ارتوه
ولوا بويه هوه وآنه اثنينه أعطاشه سوه
وغصن گلبي من ظمايه وخوفي والرهبه التوه
وماتمر بريتي أحسّن حتى نسمات الهوه
عمي راح ومايرد --- أيجيب رادنه الوِرد
الماي من جوده نضح يمه
.......
بويه يحسين أنته ظامي العطش صاحوا بالخيم
ومن شفت عبد الله خذته وصابه رماي السهم
ورتوه بدم الوريد بدمه عبد الله أنفطم
شلون ونته بعطش روحك وحملت هذا الالم
هاي رميات القدر --- گلبك وگلبي أنكسر
وگلب شماتي فرح يمه
.......
شلون حالچ يارقيه وكلشي شفتي بعينچ
رجع بصوابه الرضيع ويبچي جابه أحسينچ
وينچ أو وين المصايب يارقيه وينچ
هذا عبد الله ذبيح بهاي الله يعينچ
ظامي مات بنبلته – من وريده ذبحته
وچبد الحسين انجرح يمه
....
گومي يمه يارقيه هذا مذبوح الطفل
خاف بعده بعطش گلبه وصوبه رامي النبل
شربيه دمعة اعيونچ يالحنينه من تهل
مايفك عينه عليچ وما أظن بعده عدل
گعدي يم مهده بعد – لو سمع حسچ گعد
عسى يومي لاصبح يمه
......
بويه بيك شلون ونته العطش ذوب مهجتك
شلون لو بالحجر صابوا يبو الاكبر جبهتك
شلون وخيول بحوافر تجي تسحگ جثتك
شلون لو سهم المثلث بعد گطع چبدتك
لو عدوا أتولاني -- طفله من يرعاني
باليتم آنه أتضح يمه
.......
سيد عدنان الحمامي


 
 توقيع : سيد عدنان الحمامي



رد مع اقتباس
قديم 09-14-2018, 12:03 PM   #6
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



..
المستهل
...
يحسين هاك أخذ العهد --- خدامك انظل للابد
...
عنواني يالرايد اخذ عنواني
آنه حسيني وهالعزه ميداني
البس سواد وألطم بوجداني
حتى أمن أموت أهنا يظل امچاني
كل مأتم اهنانه الوعد --- خدامك انظل للابد
.....
هذا شرف مامثله نتشرف بيه
سلطان كل خادم حسين امسويه
مرجعنه هوه بكل زمن نرجع ليه
عاشوره وبهذا عزانه نحييه
فاز الذي اخلص وجد – خدامك انظل للابد
....
يوم الطفوف بهل العزه نتصور
نخدم حسين ولا فلا نتعذر
كل لطمه يوم امصيبته نتذكر
دم الحسين ويوم گطع المنحر
...
وفوگ الرمح راسه صعد – خدامك أنظل للابد
......
كل خادم بهل الخدمه يرفع راسه
قدره چبير أتقدره اهله وناسه
ثابت حسيني ايصير ثابت ساسه
هاي شكبرها اللخدم بخلاصه
اوسام اللطم النه شهد -- خدامك انظل للابد
.......
سجل يقرطاس الخدامه سجل
كل عين من دمعتها كون اتوشل
مابينه خادم يتعب او لوله أيمل
تشوف الوفاء العدنه هذا يذهل
نندعي من رب الصمد -- خدامك انظل للابد
.......
نحيي المجالس كل سنه وبكل عام
نلبس سواد وبالسواد الاحرام
لبيك صاحت ياحُسين الخدام
مصابك جرح بينه أبد مايلتام
ردناك بالمحشر سند -- خدامك انظل للابد
....
يحسين الك هاي الخدامه تسووه
يرتفع شانه المخلص وما يهوه
يحله التعب حتى المشقه حلوه
والمبتلي بحبك يقدس البلوه
أنته يبو اليمه العمد – خدامك انظل للابد
......
يحسين هاك أخذ العهد من عدنه
نگطعها لو قصرت بحقك يدنه
يموت اعله حبك سيدي واحدنه
خدمتك هاذي هيه اللتخلدنه
ياناصر الكل مظطهد – خدامك انظل للابد
..
سيد عدنان الحمامي


 
 توقيع : سيد عدنان الحمامي



رد مع اقتباس
قديم 09-14-2018, 12:04 PM   #7
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



...
نزله
...
لحسين لحسين -- كلنه فدائيه
...
رغما أعله الناصبي والكل حقود
ثابته لحسين بالدم العهود
بالبنين ومال وشنملك نجود
شما طغه أعلينه الحقد حبنه يزود
كل حاقد اسود – ماضيه ماضيه
لحسين لحسن – كلنه فدائيه
....
احنه ميهمنه الوهابي وكل رجس
المعتقدنه شحده لو رايد يمس
احنه والينه علي الرد الشمس
وهمه واليهم ثمن ماله بخس
والعاده حيدر – بالنار تاليه
لحسين – كلنه فدائيه
......
صوت حبنه للولايه يعتلي
غير ابو الحسنين ماعدنه ولي
غصبا أعليهم ننادي ياعلي
يامامي البيك كل هم ينجلي
حب علي الشلال -- ياعذب جاريه
لحسين لحسين – كلنه فدائيه
.......
حبهم أهل البيت بينه متصل
عن محبتهم فلا ولله نزل
فرع طاهر وابو الزهراء الاصل
مانكر حگهم تره بس النذل
شيعة الكرار – وتفوز بس هيه
لحسين لحسين – كلنه فدائيه
....
فدوه لحسين العمر فدوه اله
وكعبة العشاگ تبقه كربله
والمسير بهل الطريق انواصله
والعن ابن ازياد والعن حرمله
والداعش العن – افكار سفليه
لحسين لحسين – كلنه فدائيه
....
العن الداعش وكلمن بايعه
والعن الولاه والعن مرضعه
وكلمن الصك المذله وقعه
كل شبر منهم اكيد انرجعه
سراق سراق – ذوله حراميه
لحسين لحسين – كلنه فدائيه
......
حقنه يرجع والمراجعنه الفخر
حشد شعبي اعله الدواعش ونتصر
عبره ونسويهم الطول الدهر
امن السقيفه هالفكر اظلم ظهر
شگد عفنه الافكار – مليون بالميه
لحسين لحسين -- كلنه فدائيه
..
..سيد عدنان الحمامي


 
 توقيع : سيد عدنان الحمامي



رد مع اقتباس
قديم 09-14-2018, 12:06 PM   #8
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



المستهل.
.
يحسين عشاگك نظل وبحبك انجنينه
لوالف ذبحه ننذبح يبقه الولاء البينه
------------------------
يحسين چم عابس الك ينبض وفه شريانه
للموت يتحده ابشرف بمحبتك يتفانه
مجنون كل واحد صبح ياسيدي عنوانه
نتعنه يم گبرك زحف لوگطعوا رجلينه
---------------------------------
شگد حاربونه اتصوروا عن حبك ايمنعونه
احياء لجل امحبتك يا سيدي دفنونه
خابوا وماگدروا بعد ضحينه من شافونه
منموت حبك سيدي هوه الذي ايغذينه
-------------------------------------
ابساحة ولائك سيدي يحسين كلنه اجنودك
ياباذل اهلك واخوتك كلهم لجل معبودك
من عزمك البينه عزم والزود بينه زودك
ابمال وبنين او باالدمه منوفي لو ضحينه
----------------------------------
يحسين يالحبك شرف سجلنه من انصارك
ايحصل الشفاعه سيدي كلمن دخلها الدارك
يالبحر جودك مانشف يالتكرم الزوارك
لوصار باجر بالحشر بس حبك اينجينه
----------------------------------
كل واحد البينه صبح عابس ويفدي روحه
يابلسم انته الكل محب نورك يداوي اجروحه
للدين دمك ثبته ودمك يعلي اصروحه
ياهو الذي مثلك بذل حتى الرضيع الدينه
--------------------------------
انجدد عهدنه سيدي بالدم الك عاهدنه
انته الحبيب او لاتضن غيرك حبيب العدنه
بركان والله ينفجر وكت الغضب واحدنه
بالشده يتراجع ابد ياسيدي مابينه
الحمامي-------------------------------


 
 توقيع : سيد عدنان الحمامي



رد مع اقتباس
قديم 09-16-2018, 12:35 PM   #9
مديــر عام


الصورة الرمزية سيد عدنان الحمامي
سيد عدنان الحمامي غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Apr 2011
 أخر زيارة : اليوم (02:53 AM)
 المشاركات : 7,694 [ + ]
 التقييم :  10
 الدولهـ
Iraq
 الجنس ~
Male
لوني المفضل : Darkgreen
افتراضي



------- ميمر -----
..
المستهل
......
ينجمه البلسمه ... أنه بت فاطمه
صباحچ ماأريده أيطر عليه .. أخاف أعله أخوتي
...
يانجمة ألله البلسمه شوفيني
عيني أعله أخوتي بس تعاين عيني
طّولّي دهر ومساهره خليني
يانحر ينزف باچر أيراويني
وگمرنه أعله النهر ... نظل أبلا گمر
ويتيمه سكينه وتواسي رقيه
عليهن حيرتي .. أخاف أعله أخوتي
.......
كل خيمه يانجمه أمن أطبن ليها
ينزف قهر گلبي أمن اشوف البيها
حاظنته أمه للطفل ألگيها
أتناغيله يبني أسم ألله ويناغيها
وتلولي عالمهد .. دللوه يالولد
يبعد أمك بعد لاحيل بيه
بدمعها ودمعتي ... أخاف اعله أخوتي
......
ليلة وداع ورهبه صار الاحساس
وآنه عزيزه الليله وعندي حراس
مهيوبه من هيبة أخويه العباس
ياراس أشوفه أبرمحه باچر ياراس
وعالشاطي ياعلم ... بعيوني ياسهم
بعد گطع الچفوف أصبح سبيه
تبّچي حالتي ... أخاف أعله أخوتي
......
رمله أعله أبنها القاسم ابيا حاله
أمه وتخاف أعليه من أخياله
للحفظ آيه أوليدها تقراله
تحصّنه أتخاف أيغيبون أهلاله
علگتله شمعته .. بساعتها ودعته
أويه عماتك عليك الخوف بيه
عليك بحسرتي ... أخاف أعله أخوتي
.....
گلبي أعله الأكبر بي أهيس چن طاح
بحسين أخويه شلون ألاكبر لو راح
وعليه يشوف أسيوف تلتم ورماح
شضملچ يزينب من مصيبه المصباح
شباني مذبوحه ... وحسين وجروحه
تظل بس الجثث برض المنيه
وأضل بغربتي ... أخاف أعله أخوتي
.....
العباس أخويه گلت اروح أحچيله
وأتباصر اوياه عن مصير العيله
ماريده يزعل لو ردت اشكيله
وعطر ايده كل ساعه أشم بالشيله
بچفوفه هيبتي ... يعدل شيلتي
أحزام الظهر لأخته وأخيه
يسمعها نخوتي ... أخاف أعله أخوتي
...
ليله رهيبه أمچلچله أعله أخيّمي
لحسين أخويه وسولفتله بهمي
گتله وصيه هاي الك من أمي
من نحره گالتلي يزينب شمي
من نحره شمته ... والصدره قبلته
مثل ماوصت الزهره الوصيه
تكسرت عبرتي ... أخاف أعله أخوتي
تفت الگلب چلمة أودعك يحسين
وين آنه مصباح الصبح ونته وين
تشوف بمصارعكم جثث هاي العين
لتگول يختي ما أريدچ تبچين
يخويه ياصبر .. شتحمل هاكُثر
تمنيت أمي وياي الزجيه
تسّكن روعتي ... أخاف أعله أخوتي
....
سيد عدنان الحمامي


 
 توقيع : سيد عدنان الحمامي



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




Loading...


Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010
سعودي كول