بالنوح ودموع وشجن..لا ترحم الظالم؟كعده

بالنوح ودموع وشجن..لا ترحم الظالم
افنيها اهل الرده..كونك تذل العده
لاترحم الظالم
&&&

الطم الطم عل الصدر وباللطم اكتل الصفنه
لا تخلي ايد عل خدك وتنظر ال ابنك تدفنه
يحارب الظلام كلهم من لبس واحدنه جفنه
نخليه تنزف هالدمه..وتعرفنه زين الظالمه
احنه ولد حامي الحمه..النصر هوه هدفنه
الموت هو الفصل..نرفعه رايتنه
ونقدم احنه الفده..كونك تذل العده
لاترحم الظالم
&&&

احنه عن مبدء نقاتل وراية العزه بدينه
يوم نحيه الشعائر وبالسواد اتو شحينه
ربك الباري نطانه وبالهدايه احنه اهتدينه
هذا يااعظم شرف..بالسواد اللي انعرف
الشيعي وبهاي انوصف..الحزن باين علينه
للطم يوم اللي نطب..نعظم شعائرنه
واحدنه بس شاهده.. كونك تذل العده
لاترحم الظالم
&&&

من تعظم هل الشعائر انته تحيه النفوس
بكل مجال تعيش يومك تنطي للعالم دروس
تحي ذكر البيت كله والطوالع والشموس
تحيهه انته الملحمه..وتعيد ذكرى فاطمه
وتعزي حماي الحمه..لو وكفت ومن جلوس
تحارب انته الكفر..واهل الدعيه والجرم
وتشرح اللي سده.. كونك تذل العده
لاترحم الظالم
&&&


البشر لازم يحافظ وكل موالي عليه دينه
لا يخليه الاجانب تصير من تولي علينه
خلي كل امره بديه ودينه نصب عينه
عيونه تبقى مفتحه..من الجاي والرايحه
والايد كون مسلحه..بحكم شرعي من ولينه
حكم نافع الي..يحميها هاي الناس
الشر من نبعده.. كونك تذل العده
لاترحم الظالم
&&&


احنه من نحمل مبادي نحمل وياه القيم
لا نخلي الدمعه عبره ونترك بينه الاهم
لازم نجسد علمنه والالم نفس الالم
لازم نفهم العرب..شنو وشجان السبب
حسين مولانه انسلب..وشنهو معناه السهم
وليش بيهم هالقتل..ولد النبوه
شنهو كلي الليحده.. كونك تذل العده
لاترحم الظالم
&&&

حسين قانون السماء وللبشر صار النجاة
اسس اركان الولايه وصار للعالم حياة
اسمه مذكور ونحمله بعالمك كل الجهات
بالعرش اسمه انحمل..وللبشر صار الامل
خالي هوه من الزلل..وهوه شافع بالممات
هوه ساس المرحمه..والنه الولي
اليوم انته ناشده.. كونك تذل العده
لاترحم الظالم
&&&

خادم اهل البيت
ابو علي السعيدي