فی حق امیرالمومنین (ع)

فی حق امیرالمومنین(ع)
یبوالحسنین یانجمه ابسمه الوجدان
یهلال الکمال النوریت اسماک
یانسمت صباح اوبسمت الافراح
یابدرالزهت من طلعته الافلاک
انته الشرفک ربک عله المخلوق
من بعدالرسول اوفضلک وهداک
مامن بشرمثلک بیه باری الکون
یمتازاوحصل معشاربلی انطاک
یاسیف النصریاحامی الاسلام
مخطوره الحیات ابهالزمن لولاک
یمنصب من الله اوبالعرش مکتوب
اسمک وعله حب الباری بایعناک
حبیناک من صرنه اعله وجه الگاع
عالفطره اوکبرنه ابشوگک اوبهواک
مثل النفس الریات مثل الغیث
للصیف اونظرالعین حبیناک
ویه الروح والشریان حبک صار
والدلال بیک انعجدماله افکاک
طالعنه ابسمه الافلاک ولاملاک
محورکل فلک متمرکزابیمناک
فوگ النجم بدرک صاطع ولماع
یالاسمک من اسم الباری وعشگناک
اوباوعنه ابفضاالدنیه اوبحورالگاع
بالاعماق دره اوضاویه شفناک
ورخصنه ابهواک الغالی والدلال
للموت اونردد ذچرک اوطرواک
اعمه الی یضدک ماعرف معناک
والودک سعیداوبالحشریالگاک
یامن لافتا غیرک یحامی الجار
اولاسیف الیشابه ذوالفارک ذاک
یاموت الخصم المابراله اصواب
یاحیل الکریم البالحرب فتاک
یابحرالمکارم بلدلیل اعتاب
من غصبن تعذرنه الصبرننخاک
حل یوم النریده اودعی الجبار
یستنهض الغایب خل یحل الواک
شیعتک یاعلی ابلهفه لخذ الثار
عجل بالنصربالزهرا نترجاک
*************