وصاني ابونه علي..لو شفتي طاح الولي

وصاني ابونه علي..لو شفتي طاح الولي
كبله يطيح الكفل..اتكفل انه بهلي
&&&
دكت اجراس الخطر..ولاحت اخطار المنيه
من شفت خويه عمر..بلغ ارجاله عليه
احنه شدينه حزمنه..من شفته تحيط بيه
اعرفت ياخويه روحي..تحضرت انه سبيه
اعرفت خويه السبي..وظلم ذاك الناصبي
لملمت روحي بعجل..اتكفل انه بهلي
&&&
ريبه بااطفالك يخويه..والنسه صابته حيره
من بقت وحيده خويه..وخلصت كل العشيره
صحت يابدر الهواشم..كوم لينه يبو الغيره
اتركت ديرت اهلنه..ورحلت من ديره ديره
خويه هذا مطلبي..انه واطفال النبي
خويه ماظل كل امل..اتكفل انه بهلي
&&&
عالهزل يابويه اروحن.. امشي بدياري غريبه
اخواني صرعى عالوطيه..الراح مني وشيجبه
احملت ظيم الليالي..وشلت ياوزر المصيبه
اصبحت مهمومه بيهم.. بالظعن احدي عجيبه
احدي بويه لوحدي..حان وكته موعدي
مثلي واحد ماحمل..اتكفل انه بهلي
&&&
من صرت وحدي غريبه..راح يابويه املنه
شفت بالكاع وجفوفه..مكطعه بويه الكفلنه
ارجعت مهمومه اسيره.. صرت حادي وبضعنه
بالسياط اتشفه بيه..ماسمع من عندي ونه
ضربو اطفالي وخواتي..وتسمع اصوات لبناتي
والدمع غطه المقل..اتكفل انه بهلي
&&&
اليوم يابويه رجعنه..وجينه نكصدهم نزور
ويانه تمشي من سبينه..رجعت ويانه الطيور
حضرت شيعتنه النه..خدم توكف للحضور
ويانه يبقى كل موالي..شهم وبراسه غيور
تحضر بويه المواكب..عالدرب بعيونه ناصب
وينتظر لهفه العمل..اتكفل انه بهلي
&&&


خادم اهل البيت
ابو علي السعيدي

بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
وعجل فرج يوسفها الغائب ونجمها الثاقب واجعلنا من خلص شيعته ومنتظريه وأحبابه يا الله
السلام على بقية الله في البلاد وحجته على سائر العباد ورحمة الله وبركاته

التوفيق الدائم في هذا

المشوار النبيل

وربي يسلمكم ويحفظكم ان شاء الله

دعائي لكم دائما