|
#1
03-24-2019, 12:21 PM
|
||||||||||
|
||||||||||
وفاة الكاظم .. نعي -- نصاري --
وفاة الكاظم ع
... نعي .. نصاري ....... عله الكاظم حزن عدها البريه ... وعليه نصبت مآتمها الزجيه ..... سجين أسنين محد عرف عنه ومن قيد الحديد أنسمع ونه لاعنده جرم لاذنب منه وتحومي عليه بس المنيه .... ظلمه بالسجن يگضي نهاره ونگطعت بعد عن هله أخباره غريب بغربته بعدت أدياره ونار الغربه ظلت بي سريه ..... والفارگ أحبابه بسجنه مرهون صعبه أعله اليفارك ولله ميهون لا من أخوته عنه ينشدون تفرقوا من بعد چانوا سويه ..... يريد أبنه الرضا يمه تمناه عن هظمه يخبره يسولف اوياه الكاظم حرمته أمن أولاده دنياه هم أيشوفهم لو هاي هيه ..... القيد أيجرح أبساگه ويده وماغير الصبر ظل بعد عنده عنه أتاخروا ما اجوا ولده وعنه أتناشدوا شنهي القضيه ...... ظل القيد بيده ونزف دمه وسجانه بلا رحمه يسمه عنه وين أخوته او ولد عمه ليش اجنازه صاحوا أجنبيه ..... حماميل أربعه الكاظم يشيلوه وعلى جسر الرصافه بنعشه خلوه غربه الناس من رادوا يشيعوه غريبه هالجنازه الهاشميه ..... ابوذيه ... لعد ثغري الدهر مايوم بسام على الغالي وعدوه ارخيص بسام سجين الكاظم وينچتل بسام وهو باب الحوايج للبريه ..... يبن جعفر دليل هاك نعشه وكتنه صعب بالحسرات نعشه انته العلجسر مطروح نعشه ونته چبد للزهره الزجيه .... اريد اعلن حزن گلبي وشيعه غريب ولاهله يمه وشيعه يمسلم گوم للكاظم وشيعيه ليش اعله الجسر نعشه رميه ------ شفاعه ايريد من منكم ويجره على الكاظم يهل دمعه ويجره عليه اشصار ماندري ويجره بسجن اظلم او وناته خفيه ----- رمش عيني يرف اعليك وشراف يااسمى واجل الناس واشراف يبن جعفر دناك الموت وشراف عليك بغربتك هاي المسيه ..... سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|