|
#1
08-31-2017, 09:08 AM
|
||||||||||
|
||||||||||
عتاب زينب ع للخدام احبابها
.. عتاب زينب ع على احبابها .. .. المستهل ... ولدي اثنين بالمصرع – أنه زينب ولاعنهم ذكر اسمع – انه زينب مثلهم ماتجيب ابطون – ليش الولدي متذكرون آنه زينب ..... آنه زينب يالمواسين يحبابي اسمعوني روس أولادي فوگ أرماح شفت بناظر أعيوني صحيح أنتم حزن بيكم يخدامي وتذكروني ليش أبولدي مافد يوم اسمعمكم تواسوني اثنين أمن الولد عندي – أنه زينب تذبحوا وأنذبح چبدي -- أنه زينب لخويه حسين ويضحون – ليش الولدي متذكرون أنه زينب ...... ويه كافلي العباس خال ونعم من عنده مثل ماغاليه چانوا عنده اغله من ولده منا واحد ومنا يخليهم تحت زنده ومن يشمهم الولدي يشمهم شمة الورده أخويه الگمر دللهم – انه زينب أولاد العزيزه أمهم – انه زينب مثله بحرب ميهابون – ليش الولدي متذكرون أنه زينب ......... واحد گال يازينب يمّه عهد من عندي أفدي خالي ابو السجاد روحي ومهجتي افدي الثاني گال يايمه أضحيله وحگ جدي قرابين لأخويه حسين أثنين امقّدمه ولدي صحيح المثل كلمن گال -- أنه زينب ثلثين الولد عالخال – أنه زينب لخويه حسين كلشي يهون – ليش الولدي متذكرون آنه زينب .... چان حسين من يشوف هذا العزم من عدهم بحنانه اوعطفه لاولادي يحن ومثل والدهم طلبوا للحرب يمشون أخويه حسين ماردهم گال أختي لها أولاد نشمي وسبع واحدهم لچن گلبي عليهم طاح – أنه زينب روس أولادي فوگ أرماح – انه زينب فدوه الخالهم يرحون – ليش ألولدي متذكرون أنه زينب ...... بالمصرع عفت ولدي يم الاكبر وجسام وروس اعله الرماح أوياي لمن وصلوها الشام كل ساعه يجوني براس حرگوا گلبي هالظلام روعوني أمن أصد ليهن وآنه الحايره بأيتام ياأم المثل حالي – انه زينب ولدي اتذبحوا أكبالي – أنه زينب عله أمهم چانوا أيخافون – ليش الولدي متذكرون أنه زينب ....... خوال الاربعه أويه يحسين أوياهم ضحوا بدمهم ظلوا بالطفوف أجساد لا أم لا أخت يمهم ولدي عالترب نومه شحالي ايصير وأنه أمهم كلهم عالثره مطشرين لا واحد اجه ولمهم تذبحوا ويه أخويه حسين – أنه زينب لأمهم روح ورياحين -- آنه زينب لمن بخوتي أتواسون – ليش الولدي متذكرون أنه زينب ...... يحاچيني الگلب أسمع يزينب لليسر روحي ويم حسين والعباس والاكبر بقت روحي وعله شبل الحسن جسام يبچي الصخر من نوحي ولدي اثنين وياهم عليهم نزفت اجروحي ذبايح ولدي بالمصرع – أنه زينب ما ألگاهم أمن ارجع – أنه زينب أدري بهظمي مايرضون – ليش الولدي متذكرون أنه زينب ....... سيد عدنان الحمامي .. .. 
|
|
09-01-2017, 01:50 AM
|
#2 | |
|
المراقبين
|
بسم الله الرحمن الرحيم
اللهم صل على محمد و آل محمد الطيبين الطاهرين الأشراف و عجل فرجهم يا كريم سلام الله على قلب زينب الصبور وسلام الله على عقيلة بني هاشم ورحمة الله وبركاته احسنتم وطيب الله انفاسكم وبارك الله فيكم بجهودكم المباركه مسددين ببركة عقيلة بني هاشم عليها السلام ورزقكم شفاعة الحوراء وزيارتها عليها السلام |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|