رمح القدر بينه انكسر واللي كسر ظهرها

رمح القدر بينه انكسر واللي كسر ظهرها
ماينحمل ظيم وقهر حتى البعد قهرها
عل الكيف.. استمع لو اونيني
عل الكيف ..من هو المبجيني
&&&
انه الخلاني الوكت بلا ناطور
عالرمح لن راس اخوتي ظل يدور
ظليت مكسورت كلب كلي كسور
أتهدم بسرعه وهوى ركن السور
ندريها احنه تمتلي بظلم بجور
ظلت جثثهم عالارض ماكو كبور
وانه بحزن..مهمومه اون..كلهم جثث جواري
عليه الجره..بت حيدره..اسكن تره البراري
رحت وين ياكفليلي وعيني
عل الكيف.. استمع لو اونيني
&&&
يوم العرفت انه الجره وتركوني
ومشت خويه بالاسر اسروني
بااسم السبيه خويه اينادوني
كل القصد رادو تره يذلوني
عنك يسبع الكنطره يبعدوني
مادور همه بالظعن وصوني
شفت الوضع..ماينجرع..بصوتي صحت عليكم
عندي وعد..منك عهد..كلت انه خويه احميكم
يعباس ..شوف الجره وحاجيني
عل الكيف.. استمع لو اونيني
&&&
بعد المصاب وهظمته امشي وياهم
انه الكفيله بهل الظعن والواهم
راوني انجوم الظهر من سماهم
ريت بجهنم وبصقر مااواهم
ماانسى كل اللي ظلم واسماهم
مطبوعه ظلت بالكلب للابد انساهم
نار الجمر.. خلت صبر..الهم صبر جرعته
ماكو عذر..لااهل الكفر..جف الاخو كطعنه
يكفال..جاني الهظم بحسيني
عل الكيف.. استمع لو اونيني
&&&
اختك وحيده والخطر اعليها
مسبيه تحدي والشمر يحديها
كوم انهض وكل كربله افنيها
عكبك تره اسكينه اطلبت واليها
مهمومه وتكول العطش يااذيها
بالسوط يضربها الشمر يبجيها
وينه الكفل..يطيب العلل..بو الغيره والشهامه
اسمه انكتب..بااعلى الرتب..لو كامت القيامه
ينبراس..ابهمي لا تخليني
عل الكيف.. استمع لو اونيني
&&&
شفت الظلم خويه جره بااكتاري
اذكرت ايام الزغر من جاري
بالكلب جمري يستعر من ناري
ظليت وحدي بالظعن ماداري
انخيت امي فاطمه وانصاري
ابعدو عني الاهل بلا داري
صاحت الي..وينه الولي..يحضر الي كفالي
خويه ردت..صحت وهمت..خويه ردت الوالي
يجيدوم..كوم انتهض ضي عيني
عل الكيف.. استمع لو اونيني
&&&
خادم اهل البيت
ابو علي السعيدي