وليد الكعبه

((بحق أمير المؤنين علي ابن ابي طالب))

((وليد الكعبه ))

*************

بستر الليـــل حرمه أتوسلت بالله

لعد بيتــه أجت خايفــه ما تكَــــدر

حملهه شالته مرعوبه وين تروح

تطلك والصبر ويّاهـــــــــه يتستر

عله باب الكعبه كَعدت والرجه وياهه

وجدار البيت شاف الحايره أتحضر

فتح روحه جفوف ودخلت أمأمنه

وجه النــور نـور بنـور يتفجَّــــر

رجعت وحضنه طــه بحنـان الود

نولد هارون أله وحقه اذا أستبشر

كبر بحضانه سيف وكلمه والموقف

بوجه كل الصعاب الكلفه يتصدَّر

اليكول آنه بطل بالخوف يحجيهه

يظم بكَرابــــــه سيفه خايف أمحيَّر

الوصي كـــل المعارك تشهد بحقه

أيــد الله اعله أيــــده من قلع خيبر

يرد منصور راســـه عالي مادنَّك

حقَّه بحب نبينــــــــــه والله يتبختر

علي يوم الولاده طـــاهر المسجد

من نوره الشمس تستحي من تظهر

وسحاب السمه والنجمات مقياسه

من أوصافه شنعد نحتاج بعد أكثر

لحمه ودمَّـه من لحم النبي ودمَّــه

تموج الكاع من صولاته لو كبَّر

زوج أشرف بتول وبضعه ميمونه

كفو الزهراء اسمه من السمه حيدر

ابو الحسينين كَلبــه واسع الرحمه

عطوف بطيبه من جاوره مايخسر

راعـــــــي لليتامه عيونه ماتغفه

ومساكين الرعيَّــــه الحالهم دبَّر

يشح عالروح دنيه الغنه ناسيهه

جريش شعير زاده بسفرته أمحضَّر

مأمون وفدائــــــــي وقبله للأيمان

معجم للأخــــــــلآق أيحيَّر الفسَّر

علي در وذهب والباقي كلهه تراب

نلوذ بسدَّه كلنــــــــه ساعة المحشر

******************
بقلمي خالد محمد مهدي الحجار

الحمد لله الذي جعلنا واياكم من الموالين لامير المرمنين علي بن ابي طالب ع
كثيرا احسنت وربي يوفقك ان شاء الله
اسئل الله لك الامن والامان والعافيه
تحياتي