#1
|
|||||||
|
|||||||
مناجات النفس اقول (368) ******* يالمحمل جثير اذنوب
مناجات النفس اقول
(368) ******* يالمحمل جثير اذنوب..دور عل الشفاعه واتوب ****** هم ترجه تبدل ثوب ظيم الفات وتلبس ثوب عزك انته بدمعات وتلطم عل الصدر واطلع الاهات وتنزع هل اللبس اللابسه مكلوب ********* انزع هل اللبس اللابسه مرتين والبس ثوب عزك انته من حسين واخذ من الوفه الضحه بالجفين ابسوك الاخلاق اليوم هل المطلوب ********** الحك هل النفس كبل القطار يفوت لاينفع ندم من يجزي بيه الصوت ماترجع بعد لو كرب بيه الموت وكلشي ينقفل بكتابك المكتوب ********** كلشي ينقفل ولا تكدر انت تزيد حتى اللي تحبه بعد الك ميريد يوم اتظل اتعاين انت بيه وحيد مسلوب الاراده والعقل مسلوب *********** مسلوب الاراده ولا تجد اي عون وحتى اللي تسمعه الك ميسمعون بس يوم وقليل عليك من يبجون وتاليه اليذكرك مايذكرك نوب ********** تاليه اليذكرك ينسى كل الصار وكل اللي حجيته وياه من اسرار وبغيابك ابدا ماتحزن عليكم دار وتلبس من جديد الخام الهه ثوب ********* تلبس من جديدالخام هم تنساك بس جلمه وحيده تكلك الله وياك بس شي الوحيد اليبقه بيمناك جفه من العمل وجفه بيه اذنوب ********* جفه من العمل والخير والحسنات بس هيه التروح وياهه كلمن مات وبجف العداله هناك الك وكفات بيه تنعرف غالب لون مغلوب ********* اذا غالب وكثرت بيه اعمالك بيده الفحل من يحضر وشالك يسئلك عل الولايه وهوه كالالك يعبرك عل الصراط الفحل ذاك الصوب ******* ولون كثرت اذنوبك دكت الميزان وبيه تظل حاير هايم بوديان ماجنك عشت بالدنيه انته انسان هايم بالفله واشربت ذل مشروب ******** خادم اهل البيت ابو علي السعيدي |
|
|
|