كَبور آل المصطفى مهدميها * للشاعر ناظم الفضلي الكربلائي
كبور آل المصطفى مهدميها - نعاهدك يالمنتظر نبنيها
ـــــــــــــــــــــــــ
نوضح لهالناس اسباب الهدم
وهذي معلومة تفيد اهل العلم
شلون ال سعود اصحاب اللؤم
صرحت هالمقبرة تمحيها
ـــــــــــــــــــ
لا لأنها كبور تشغل هالمكان
ولاهي مصدر خطر وتزيل الامان
لنها مصدر معرفة وللحق ضمان
وبيها رواد الفكر تلكيها
ـــــــــــــــــــــــــ
وبعد من اسباب تهديم القبور
تمنع الزوار لو جتهم تزور
ظنهم بهذا الهدم اهل الشرور
تطمس اثار الهدى وتطفيها
ـــــــــــــــــــــ
وشوف من اسباب هالهدم الشرس
رادوا لهالبيت نوره ينطمس
لجن باذن الله هالحادث درس
لو ظهر موعودنا يصفيها
ـــــــــــــــــــــــــ
ردت اكشف حقد اهل الارتياب
وعن قضيتهم ازيحه لهالحجاب
وان يشاء الله نرفعها القباب
وخلي لعنان السمه نعليها
ـــــــــــــــــــــــــ
خلي تعلى وبيها صوت الحق يصيح
وتظهر ال سعود بالوجه القبيح
وامر تهديم القبر لاموصحيح
وليش عين الحق ردت تعميها
ــــــــــــــــــــــــــــــــــــ
بقت لهفة بنفس كل شيعي مطيع
يشوفها معمورة اضرحة البقيع
نشكي للباري واجرنا مايضيع
لون ال المصطفى نواسيها
ــــــــــــــــــــــــــــــ
لخادم المنبر الحسيني
ناظم الفضلي الكربلائي
16\9\2010