حي على خير المله

حي على خير المله * بفقده المدامع هامله
لو اذن ابفقده الزمن * بعد النبي اتصلي المحن
يسجد على ذكره الحزن * من ينزل ابأمته البله
**
عل الامه بعد المصطفى * ليل الحزن بيهم صفه
امر الفجيعه لو لفه * تنعي الفريضه النافله
**
مصيبة وتولت حيدره * وابقبره ساع الحدره
لحده بدليله حفره * ورشه ابدموعه الهامله
**
يحظنه ويقبله ويلثمه * ومن جرح اقليبه ايكلمه
هالدنيه بعدك مظلمه * واسنيني ابهمي حافله
**
ليل الهظم بعده يطول * يتعاله عالحق الجهول
حتى انهشم ظلع البتول * بذله صفت لمدلله
**
منهى السقيفه كل ألم * ويخيم اعليها الظلم
ياجرح بعدك ينلجم * واشقد مصايب شايله
**
بعدك وصيك بالشدد * يلثم مأسي من الشرد
والزهره محسنها انفقد * من ذيج العصره القاتله
**
وابغدره يلطم فاطمه * شلت يمينه والعمه
ليش الحطب من يظرمه * اباب الوحي متكفله
**
بعد النبي ضاع العدل * وحبل الهدايه منفتل
وللصبر يتعاله جبل * وتبرز قضية كربله

بعد النبي من اغدروا * نهج الحقيقه كفروا
وضلع الزجيه كسروا * ومنها سبيه العايله
**
طال الزمن من هالصبر * يمته يجينه المنتظر
ويصلب عدوه بالشجر * ويحكم بلاده الفاضله
علي الحمود
19صفر 1433 ه
13/1/2012

طيب الله انفاسك ووفقك لخدمة محمد وال
محمد

بعد النبي ضاع العدل * وحبل الهدايه منفتل
وللصبر يتعاله جبل * وتبرز قضية كربله
بعد النبي من اغدروا * نهج الحقيقه كفروا
وضلع الزجيه كسروا * ومنها سبيه العايله
**
طال الزمن من هالصبر * يمته يجينه المنتظر
ويصلب عدوه بالشجر * ويحكم بلاده الفاضله

احسنت اخي الكريم بارك الله بك

احسنم بارك الله بكم مولاي
تقبل تحياتي

موفقين

وايبارك بجهودكم

حجي علي الغالي


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم