|
#1
08-20-2011, 01:48 PM
|
||||||||||
|
||||||||||
يبوحسين اليتامه وكفت ابابك --- وفاة الامير ع
بسمه تعالى
سلام عليكم -- -- -- المستهل ---- يبو حسين اليتامه -- وكفت ابابك ترد يمها ابسلامه -- يصعب اغيابك بعد ياهو اليباريها بحزن تبقه الرعيه -------- ياعلي اشكد كلف -- صعب هذا الامر هاليتامه بألم -- والدمع من جمر تريد منك عطف -- تريد منك صبر عنها من ترتحل -- شلون تكضي العمر صعبه عليها لو غبت ماعدها غيرك والي هالطبره ما الها شفه راح الامل للتالي بعسر تبقه اليتامه لو غبت عنها -- تظل حسره بكلبها لو رحت منا عليها ايحن بعد ياهو عكب هاي الرزيه ------------- من يصدك بعد -- اليسمع الهل الخبر داحي خيبر علي -- بالصلاه وانطبر ساجد ابسجدته -- اليوم اجاه القدر حتى جبد السمه -- الهل المصيبه انفطر جبريل كبر بالسمه كل الخلايق سمعت والدمعه هلت من دمه اكلوب اليتامه انفجعت حزن حتى محمد لجله وتألم -- علي شيبه تخضب من سمع بالدم عليه ام الحسن نصبت على امصابه عزيه --- عالرعيه بعد -- ياهو مثله عطف وكل فضيله اله الدين منها غرف اكتاب الله انهظم -- امصيبته من عرف والزبر دمعته -- الهل الرزيه ذرف هذا الذي بيوم الحرب سياف كلها اتعرفه هذا الذي رد الشمس مرتين ردها جفه علي كل شده هوه بالحرب الها -- علي كل الفوارس سيفه جندلها صناديد العرب كلها يراويها المنيه ------------ علي فارس بدر -- ماطوت رايته لونزل للحرب -- كارثه صولته مايثني ابد -- لو ضرب ضربته رمحه لو بيه طعن -- اتهز جبل طعنته كلها حروبه اويه النبي يحميها جان بنصره الله الذي الحيدر بعد هوه ابحروبه اينصره علي اجيوش وكتايب جان يفنيها -- حمل راية محمد روحه تحميها علي وحده صبح للحق علي هوه الهويه ---- شلون سيف الغدر -- من طبر هامته صاب حيدر علي -- من سجد سدته فجع كلب النبي -- أتألمت مهجته راح اشجع بطل -- خسرته أمته دين الله سيفه ثبته يشهد محمد يشهد من مثله جاهد للنبي الدين الرساله وحّد اله بقرآن الله علي اشجم آيه -- علي راية محمد بسمه هالرايه علي لجل النبي الهادي نذر روحه السخيه ---- صاح صوت الوحي -- وانسمع بالسمه شيبة المرتضى -- اتخظبت بالدمه بالصلاه حيدره -- انطبر حامي الحمه وبجت ام الحسن -- بالكبر فاطمه والزهره نصبت مأتمه بحزنه الرسول اوياها بحيدر محمد بالدمع لأم الحسن واساها علي يختم حياته وراحت اتعابه -- علي اتغيب العداله وحلمه بغيابه يغيب وتنصب الزهره على امصابه عزيّه ---- سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|