08-01-2011, 02:21 AM
|
|
|
عضو مميز
|
|
|
|
لوني المفضل
Cadetblue
|
رقم العضوية : 136 |
تاريخ التسجيل : Jun 2011 |
فترة الأقامة : 4746 يوم |
أخر زيارة : 08-22-2011 (08:27 AM) |
المشاركات :
158 [
+
]
|
التقييم :
10 |
بيانات اضافيه [
+
] |
|
|
|
جسام بجهاد الطف
جسّام ابجهاد الطف - ابهيئة يوسف الثاني
گال ابكربلاء احسين - اُبُوي الحسن وصاني
* * *
برض الدم برز جسام - ابيوسُف گالوا اتوصف
يدري دين اهل كوفان - بيها چالضماير جَف
وعرّيس الهواشم راد - زَفة حُومته بالطف
مثل فِلقة قَمر هوه - الظِلمات الحرب ضوه
ابدينه هلفتى اتقوه
وگال اليوم اذل الگوم - ابعزمي وسيفي وايماني
* * *
يا سيفي هتف جَسام - برگاب العِده صَلّي
آنه ابن الحَسن ناده - خلي اشجعها تگصدلي
جيش اهل الكُفر والجور - ما قِيسه ابشِسع نَعلي
لَبدّي امن الگلب صَبري - وخلي الحومه تَحت امري
خَلها المادرت تِدري
أنه الما أنثني ابحربي - وفنّه الگال هذا آني
* * *
آيه للفَتح سيفه - شبه بيه من علي جَدّه
اجيوش المعركه اگباله - قابلها ابعَزِم وَحده
قُرآن الحسن هذا - ابن اتلث طعش وَرده
لاچن بلحرُب غِدروه - ابنَفسه منشِغل شافوه
ابراسه بلحقد صابوه
وردوه للخيم جسّام - فِدائي آل عدناني
* * *
الله ايساعد الأُمّه - من رَدّوا للمخيم
امبارك نادته جابوك - يبني سابح امن الدم
چا وين العرس جَسام - شو صارت دِمه ومأتم
اُمك رَمله فِجعوها - ابدمك يبني حَنّوها
شَمعة عُمري طفوها
من شِفتك يبس دمي - وهاجت يبني أحزاني
* * *
يبني يالرحت عني - ظامي والچَبد يسعر
ابيا عين انظرك جسام - نايم يمْ علي الأكبر
ابيا عين انظر الجِسمك - الكِلّه امطعّن امطبّر
مِثل عودك ينور العين - وفيت ابهالكرم للدِين
قَدّمت النَفس لحسين
گلت يَمّي الخِلود اهنا - يم احسين يتناني
|
|