--- للزهراء ع --- نضحي وبكل حال --- فاطمه نفديها

.
..
المستهل
...
نضحي وبكل حال ... فاطمه نفديها
بالبنين ومال .. فاطمه نفديها
.......
نسخي بالارواح نفدي الفاطمه انجود النفس
هيه هذا النور النه هيه عالعالم شمس
بالشفاعه بكل دعاء لا لله منها نلتمس
بالامان الحشر باچر من يصير أحنه نحس
حُبها بالدلال ... روحنه ننطيها
بالبنين ومال ... فاطمه نفديها
........
فاطمه روح المحمد بيها وصه امته
أم ابيها اينادي الها هيه سلوه ومهجته
كل حديث باهل بيته هالنواصب حرفته
بكسر ضلع ام الحسين اصحابه تالي جازته
هالحقد مازال ... حاقدين اعليها
بالبنين ومال ... فاطمه نفديها
.......
بالنواصب رحم ماضل ضلع من عدها انكسر
فاطمه اكتاب الاله اللي ذكرها بالسور
حتى بالتورات هيه وبالزبور الها أثر
وگال كلمن يحب الها ايامن بيوم الخطر
بساحة الاهوال ... اهناك من نلگيها
بالبنين ومال – فاطمه نفديها
......
عن رسول الله بضعتي گال سيده اعله النسه
غدا شيعة علي بيها بالحشر مستانسه
واليواليها بامان ورحمة الباري مسه
لوبحر من الذنوب بأمر الله اتيبسه
كل ذنب ينزال – ذنوبنه تمحيها
بالبنين ومال – فاطمه نفديها
.......
يبقه وبكل عين يبقه الفاطمه الزهره دمع
ونظل احنه للنهايه أنطالب بثار الضلع
وحزن بينه عالمصيبه هالحزن ماينجرع
اله من يظهر الغايب صوت ثاره ينسمع
ايحقق الامال – ابطلعته ايرضيها
بالبنين ومال – الفاطمه نفديها
.....
من يجي الغايب بثاره أيصيح وأحنه بصيحته
نصيح لبيك وجنودك كلنه نمشي برايته
وهاي مذكوره بكتابه بسور عمّه وهل أته
بطلعتك يهلال – أعدائك التفنيها
بالبنين ومال – الفاطمه نفديها
....
سيد عدنان الحمامي