01-27-2018, 01:30 AM
|
#11 | |
 مديــر عام
|
المستهل
...... زينب وبالدمع ... لمي كسروا ضلع ها چ اخذي من عمري عمر ... يمه ...... تموت البت لونها الوالده ابعيده واليفگد عزيز الدمعه شتفيده اخذي هالعمر يايمه ماريده شيعيده زماني الفات شيعيده الچ يمه احن ... وبصبري امتحن أنطيني من صبرچ صبر.... يمه ..... مكسورة گلب فگد امها يهظمها بت بهل العمر والوكت يتمها يتيمة ام صفت محرومه من أمها شيگضيها اليالي وأمها مو يمها يمه فگدچ صعب .... شيّبه للگلب شعنده الكسر ضلعچ عذر.... يمه ...... أنتي هالهوه الاتنفسه والروح ونتي بلسم الگبلي الذي مجروح يمه أخلافچ بحزني اظل والنوح ميروح الحزن من عندي لاميروح ألچ كلساه احن ... شلون يغمض جفن اليوم بسنه اعليه اليمر .... يمه ..... عمت عين اليالي الاخذتچ مني ماشوفچ بعد من غيّبتچ عني بثوب اسود ليالي الظيم يردني واحير بدمعة أعيوني وجمر وّني يمه هذا الوعد ... خذتي روحي بعد كل دمعه من عيني جمر – يمه ....... ابويه دمعته هلت على حالي يصبرني شيطفي نار دلالي أخذت كل حياتي أوياها وآمالي للزهره بعد ماشوفها اگبالي بويه ياحيدره ... گلبي شيصبره وكسر الگلب ماينجبر ... يمه ..... بچه أعليها أبويه المابچه بعمره يجر حسره الضلعها لمن ينظره شلون الدم يشوفه وللضلع كسره وتالي ابليل أظلم يدفن الزهره للگبر ضيعه ... وعالگبر مدمعه وصيتي ضيعه للگبر ... يمه ... سيد عدنان الحمامي |
|
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|