|
#1
04-19-2017, 12:39 PM
|
||||||||||
|
||||||||||
متفرقه --- كا 5
للكاظم ع
- - - المستهل --- فارش عباته -- بسجنه الصلاته -- الساعة وفاته -- فصم قيوده -- بصبره وجهوده -- -- اصبح خلوده موسى بن جعفر ------- ياهوا اليناضل يرتقي المجده--- مو كرسي لو تاج الذي ايعبده وخله الفقير اعله الترب خده -- عالظالم الله ما خلف وعده برهانه شفنه -- عدله عرفنه -- بالحق نصفنه ضد الحقوده -- فصم قيوده -- اصبح خلود موسى بن جعفر -------- وين الطغات شأخذوا أوياهم -- شيطانهم ذكر الله نساهم باعوا الدين اشتروا دنياهم -- صار الجهنم صار مآواهم السوه جريره -- ضيع ظميره -- هذا مصيره الكاظم صموده -- فصم قيوده -- اصبح خلوده موسى بن جعفر ---------- من سجنه چان ايوصل الفكره -- المنسلب حقه واجب اتنصره بعين الرحيمه الجارك اتنظره -- لو صابه ظيم بصبرك اتصبره جارك نصيرك -- حسبه بظميرك -- ماينخه غيرك الثبت وجوده --- فصم قيوده -- اصبح خلوده موسى بن جعفر -------- يوصينه چان نعزز الخوه -- واحد للآخر عنده المروه نتسامح ونتكاتف بقوه -- بقعر الفتن مارادنه نهوه كل چلمه آيه -- النه الهدايه -- خوتنه غايه للحق حدوده -- فصم قصيوده -- اصبح خلوده موسى بن جعفر ------- أويه الوالدين ايريد نتصبر --- لاتقل أفّن لهم لاتنهر جازي تعبها الربتك تسهر ---- طيعه لابوك ابدنيه لاتنغر قدر تعبهم -- ابقه بقربهم -- امشي بدربهم بنفسه الودوده -- فصم قيوده -- اصبح خلوده موسى بن جعفر ----------- بت جارك اختك احسب احسابك -- تغتاب أحد غداٌ يغتابك بهل الصفه جارك حتما ايهابك -- ويسئل عليك بلحظة اغيابك هاذي حميته -- الطيبه سجيته -- ويباري بيته وفه بوعوده -- فصم قيوده -- اصبح خلوده موسى بن جعفر -------- من الكاظم ادروس وعبر منه -- نعيش الحياة بخير رادنه شنريد اكثر بعد نتمنه -- درب الرشد دلانه بالجنه عيش بحياتك -- احفظ صلاتك -- بيها نجاتك الجنه وروده -- فصم قيوده -- اصبح خلوده موسى بن جعفر --- سيد عدنان الحمامي -- لللكاظم ع -- -- - - المستهل ---- گظاها --- كفو ولله أمن أبو طلبه گظاها دواها -- طبيب وعند ابن جعفر دواها يشافي العله نوره بلسم اجروح--- للكاظم اذا محتاج اله روح ----- ياللي زمانك دوهنك لو فكرك أحتار وجمرة دليلك تلتهب من الظنك نار الموسى بن جعفر تعتنيله وگله خطار هالدار عامر بالكرم مامثله كل دار تعنه -- لبن جعفر تعال أشكيله الهموم تمنه -- دروح اطلب تحصل حاجتك گوم ساعتها العسر من عندك ايروح -- للكاظم أذا محتاج اله روح ----- بالكرم ما مثله انوجد عالمعّوز ايجود ينطيك لو منه خذت هم أرجع اردود شارات كثره واضحه من يكرم ايجود أمجرب عطائه وما اله حد ولا محدود سخائه -- ابد ماكو مثيله ابد ماصار عطائه -- ابمضيفه ولله لا ماتنطفي النار يشافي البي جرح من عوزه مجروح -- للكاظم أذا محتاج اله روح ---- بالعتبه لو يمه رحت أگعد وحاجيه والطلب عنده لو ردت هالطلب تلگيه خايب ميرجع للگصد ساعتها ينطيه گوم انفظ اتراب القهر للكاظم انخيه خذتها -- بيدك لو حت منه خذتها شفتها -- اله شارات ابن جعفر شفتها ابد لا مايخلي حمل مطروح -- للكاظم أذا محتاج اله روح -- عينك بعين الله وتمد چفك يمتعوب ساعتها تبرد مهجتك لو چانت أتلوب اتحصل أشما منه ردت ول الك مكتوب مو گلب واحد فرحه فرح للگلوب بدينه -- اخذنه من ابن جعفر بدينه مشينه -- مضيفه العامر شكبره لگينه ودمع الفرح فوگ الوجن مسفوح -- للكاظم أذا محتاج اله روح --------- مايرضه محتاج وتظل امهبط الراس شوف ابضريحه من تجي شوف اشكثر ناس بحسين روح وحلّفه وحلفه بعباس عنده كرم ماينوصف لا لا مينقاس چفوفه -- يمه لليجي أچفوفه سخيه تشوفه -- ابد مايبخل ونفسه ابيه يحيي للامل لو چان مذبوح -- للكاظم اذا محتاج اله روح -------- ناس التزوره تبتشر يجليها الهموم لوبيك ظيم امن الوكت ماتظل مظيوم كوم اخذ رايه وأعتني للكاظم اليوم لاتظل مكسور الگلب وبروحك تلوم اخذله --- خضره رايته واعگدها يمه تزوره -- بالعتبه حچي شعندك تكلمه واشتمه العطر وبجنته ايفوح -- للكاظم اذا محتاج اله روح ---------- سيد عدنان الحمامي --- -- للكاظم ع -- نزله ---- المستهل --- وين السجن والسجان -- وين الترف والغلمان ---- وينها سجون الرهيبه وين حاكمها الحكم وين من نفس الشريفه ابلا سبب منها انتقم وين من چانت الدنيه أوياه للدنيه أبتسم وين ذاك الخطط الها ولوحة اطماع الرسم حسباله هوه الربحان -- وين السجن والسجان ---- وين ذاك بدرب منعم مطمئن دربه سلك دنيه چانت كلها بيده أشما حوت الها ملك هوه يدري ابيوم لابد بيه يندار الفلك راح وندثرت ارسومه بلحظة البيها هلك گبره بعد ماله أمچان -- وين السجن والسجان ---- شهر أمشي المثل گال وابد لاتطفر نهر ماعرف هارون الها شلون لو يوم وعثر تربع بكرسي الأماره ناسي ضربات الدهر حارب ابسلطانه للحق تاج لابس بي درر للترف يعزف الحان -- وين السجن والسجان ----- ملك للشرق وغربها طاغي عالامه ولي تاج وقصور وغواني أويه الجواري مختلي على ارگاب الناس ظالم عالرعيه يعتلي چان للغيمه يگلها روحي اخراجج الي لا أخذ زرع وبستان -- وين السجن والسجان ------ قابع بقصر الرذيله وكاظم الغيض بسجن سنين من عمره گظاها بسجن الاظلم مرتهن مقيد بقيد الحديد ومن قساوتها يون ساجد وراكع تشوفه وقايم ابليل اليجن ساجد يناجي الرحمن -- وين السجن والسجان ----- خالد بطول الزمان الكاظم وخصمه اختفه هوه سلطان الرعيه وتاج راس المعرفه ومشعل اعلوم العباد اليضوي مايوم انطفه قاضي للحاجات أسمه العافيه بي والشفه عايش يظل بالوجدان -- وين السجن والسجان --- سيد عدنان الحمامي ---- -- ملا كرار كاظمي -- - المستهل --- وين اهلك يمظلوم -- ين اهلك عيونّه تبچ الك -- ليش ماحضروا هلك --- هذا تشييع ابن جعفر -- واجب احنه انشيعه لأن ماسمعوا عمامه -- وحضروا بهل الفاجعه نغسله بدمع العيون -- وبالبواچي انودعه ونعلن الليله الحداد -- الهل المصيبه المروعه الله أوياك يالمسموم -- الله اوياك ريت يندار الفلك -- ليش ماحضروا هلك ---- ليش عن الكاظم اهله -- مادروا محد نشد سنين غاب اهلاله عنهم -- من ارض طيبه ابتعد مقيد بسجنه ويكابد -- بالسجن ماله احد وين كل اهله وعمامه -- ولا أمن اولاده ولد ما گالوا غايب وين -- ماگالوا بچه الحالك كل ملك-- ليش ماحضروا هلك --- خمسطعش عام الگظاها -- بظلمه طاموره وسجن ظل غريب بدارغربه -- الحاله ما واحد يحن بين سجان وقسوته -- بقيد ساگه ممتحن عينه ماتغمض بليله -- مساهر ابليل اليجن من الضوه هم محروم -- من الضوه سيدي من نسئلك -- ليش ماحظروا هلك ----- خبر من آلام سجنه -- لهله ياهو ايوصله راد ابنه الرضا يحضر -- وينه مايحضر اله أتذكر حسين اويه الاكبر -- من يودعه بكربله وظلت عيون ابو اليمه -- على وداعه هامله وتفارگوا بعد اوداع -- وتفارگوا لايشتمت بس عاذلك -- ليش ماحضروا هلك --- اليوم خيمه عله الامه -- للاحزان أمخيمه ليش فوگ الجسر عافه -- النعشه سجانه رمه اربع احماميل شالوا -- نعش ابن حامي الحمه هذا ابن سيد الخلايق -- هذا أمه فاطمه من عسى اللي سمك هلك --- ليش ماحضروا هلك --- عظم الباري يشيعه -- الكم اليوم الاجر راح امام الرافضيه -- سمته ا چفوف الغدر بالطوامير المظلمه -- خلص اسنين العمر كظم غيظه اعله البلاء--- ايجاهد بروح الصبر الدفنك اجينه انوصلك -- ليش ماحضروا هلك --- - سيد عدنان الحمامي ------- -- للكاظم ع نعي --- گوموا للكاظم نشيعه وليش غربه اتشيعه شيعته او واجب علينه بالدموع انودعه -- هذا ابن خير البريه الماتهنه بهل العمر سنين مسجون ويكابد جاهد بروح الصبر سجن وقيود وقساوه وسمته اچفوف الغدر غدرته أجفوف الخيانه چبده هالسم گطعه ------ يالله وين العنده نخوه أيگوم ويانه يهم ينتخي الموسى بن جعفر كون بالهّمه وعزم عالجسر نعشه رميه ايعوفه مطروح الخصم بعده بقيود الحديد وقيده محد نزعه ---- هالحديد بايده بعده ليش محد فصمّه وساگه من ثگل الحديد الساگ ظل ينزف دمه شيعتذر سجانه باچر من يواجه فاطمه ومن تنشده شنو ذنبه اوليدي ليش اتروعه --- أنغسله گوموا يخوتي انغسله بفيض الدمع وصوتنه من البواچي حيل خلي ينسمع بحزن من نلطم الفگده ونطوي لمصابه الضلع ومآتم احزان المصيبه ننصب بهل الفاجعه ---- انعزي بي جده محمد چبده لجله أيألمه نعزي للزهره بعزانه ونار فگده مضرمه وبالبقيع اليله خيمه للاحزان امخيمه مصيبه ماصارت مثلها على الامه مروعه ---- انغسّله انچّفنه انشيّعه للامام بهيبته حتى لو ما اجوا يمه بني هاشم أخوته احنه نتكفله واجب للامام ودفنته ويعتلي صوت النحيب وللسماء انسمعه --- سيد عدنان الحمامي -- 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|