|
#1
09-30-2019, 11:41 PM
|
||||||||||
|
||||||||||
وفاة النبي ص ... يالشوفتك ليلة قدر
.
المستهل .... يالشوفتك ليلة قدر يالهادي مايسوه العمر يومي بسنه أعليه اليمر يالشوفتك ليلة قدر .......... آنه البضعه العزيزه من تناديها يبويه البت صعب فگد الأبو اعليها خيمه الها وجوده وتحتمي بيها ولو راح الأبو المن يخليها جرح الفراگ أشمصعبه والجفني دمعي ايذوبه ودموعي من تنزل جمر .. يالشوفتك ليلة قدر ........... الك أم آنه بويه من تناديني وياذيك الذي يابويه ياذيني مافد يوم بوجودك بچت عيني اشلون اليوم ترحل بويه حاچيني شتگول تحمل فاطمه وعيني عليك أمعلمه يابويه ماعندي عذر ... يالشوفتك ليلة قدر ........ يبويه اجفاك كلفه اعلى الحسن وحسين اولادك تحبهم عندك ارياحين باحضانك تربوا يالعزيز اسنين ماترضه لون َ واحد بچتله العين فراگك عليهم مو سهل ونته يبويه ترتحل من صبرك أنطيهم صبر ... يالشوفتك ليلة قدر ....... يبويه والدهر خطره مراميه اخاف ابروحتك يتجاسر اعليه هم وصيت بويه امتك بيه لوحگي ينكروه تدري تاليه من فدك بويه تنسلب انحرم من عيش العذب عالزهره لو غاب البدر ... يالشوفتك ليلة قدر ....... صدگ شافت هظم عگب النبي وآلام أمه ابلا شرع وتحرَف الاحكام عالطاغوت ردت تعبد الاصنام للزهره ضلعها كسرته الظلام بس تنحب بدار الحزن والضلع من كسره تون دمعاتها من دم حُمر ..... يالشوفتك ليلة قدر ............ يبويه والبواچي اتوالف اعيوني أون وانحب اريدن مايخلوني حتى امن البواچي اعليك منعوني وحگي ينغصب من حگي حرموني يالخذت روحي بروحتك لو تجي اتشاهد بضعتك بالبا صدري ينعصر ... يالشوفتك ليلة قدر ... سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|