|
#1
04-10-2016, 10:11 AM
|
||||||||||
|
||||||||||
وفاة زينب ع -- زينب تودع همها
وفاة زينب ع
===== - المستهل === زينب تودع همها -- مظلومه هم مثل امها ختمت حياة الآلام -- ماتت غريبه بالشام ---- اشعظم المصيبه -- اليوم الغريبه -- ابهمها ودمعها اتروح ياهي المثلها -- فكدت اهلها -- وبيها نزيف اجروح دمعة حزنخا -- جرحت جفنها -- من البجي والنوح من يسروها -- عافت اخوها -- من النحر مذبوح بالطف عزيز الزهره -- نظرة وداع اتنظره تشكيله من الظلام -- ماتت غريبه بالشام ------------------ يوم الرزايا -- ودم الضحايا -- صبرت صبر ايوب شافت مصاعب -- حملت متاعب -- لو صخر منها ايذوب واعظم فجيعه -- حسين ورضيعه -- ابحّر العطش ويلوب مكسوره خاطر -- اتشوف النواظر -- اشرف جسد مسلوب رادت امن ايساعدها -- وغير الجثث ماعدها ابحيرت كلبها المنظام -- ماتت غريبه بالشام -------------------- ابلوعة كلبها -- ابدمعه التصبها -- محتاره بين اشرار نار بخدرها -- اتلاهب جمرها -- شيطفي هاي النار عكب النشامه -- ونور الامامه - ايلمها بعد يادار وناس الولوها -- شتموا ابوها -- حيدر علي الكرار نادت ابن والدها -- للعده ايكوم ايردها وتصيح ظلينه ايتام -- ماتت غريبه بالشام ----------------------- راحت اسيره -- طويله المسيره -- بيها العدو حدّاي عافت اهلها -- وراس الكفلها -- ماخله عدها راي لبرمح الاعادي -- وهيه تنادي -- ابن الابو وفاي اتكله جبتني -- وتالي عفتني -- ياخويه بين اعدي امن القهر حركت دمها -- اشلون العدو ايكلمها وحيدر ابوها الضرغام --- ماتت غريبه بالشام -------------------- ابجمرة حزنها -- من طب ضعنها -- الشام بفرح وبعيد اوياها الارامل -- بدمع اليهامل -- قيد اليسر بالايد صعبه عليها -- الشامت يجيها -- يشمت باهلها ايريد وماتت رقيه -- ومهظومه هيه -- ابمجلس عدوها ايزيد عالطشت لمن طاحت -- -- هالروح للرب راحت اخذت جميع الاحلام -- ماتت غريبه بالشام -- خلصت عمرها -- اتجاهد صبرها -- دمعتها وسط العين وبها المسيه -- ابيا حاله هيه -- يوم المنيه ايحين رادت يجوها -- اولاد ابوها -- اوياهم اخوها حسين وتمنت امها -- هالساعه يمها -- وفارس بدر وحنين محد اجه امن اخوتها -- وعين الحزن غمظتها اشحامل كلبها امن اسهام -- ماتت غريبه بالشام ---- سيد عدنان الحمامي 
|
|
04-11-2016, 12:15 AM
|
#2 | |
|
المراقبين
|
بسم الله الرحمن الرحيم
الَلهّمّ صَلّ عَلَىَ محمدوآل مُحَّمدْ الَطَيبيِن الطَاهرين الأشْرَافْ وَعجَّل فَرَجَهُم ياكريم سلام على من شاطرت أمَّها الزهراء، في ضروب المِحَن والأرزاء، ودارت عليها رحى الكوارث والبلاء، يوم كربلاء. أحسنتم وأجدتم سلمت يمناكم وبارك الرحمن بشمالكم جزاكم الله خير خير الجزاء ولا حرمنا الإله من تلك الفيوضات التى تبكي العيون مسددين ببركة عقيلة بني هاشم عليها السلام ورزقكم شفاعة الحوراء وزيارتها عليها السلام |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|