وفاة ام البنين ع ---- بوصيتي خل اوصيكم

المستهل

---

بوصيتي خل اوصيكم -- بحليبي ومرضعي اعليكم

لحسين اربعه نذري -- واضحي الفاطمه ابعمري

----------------

آنه ام البنين الحره تدروني

امكم من نسب طيب تعرفوني

كل واحد ضوه ويضوي لعيوني

اذا درب الشهاده طرّز اجفوني

لبوكم وقعت عهدي -- ابد ما اخلف ابوعدي

عاهدته گبل يدري -- واضحي الفاطمه ابعمري

----------

قرَيت العهد من ادخلت داره

ابمضيف التضحيه مبنيه اسراره

لوّن عرس الشهاده اشّر انذاره

احط ابودري فدوه وبدرب ناره

اريد المجد من بعدي -- واعبّر عن صدق وعدي

ابتعب ايامي وبصبري -- واضحي الفاطمه ابعمري

-----

تدرّعت الصبر لمن كشفلي الحال

ابوكم رادكم اشعاع للاجيال

قبلة شمس راد ومضرب الامثال

تتحقق ابدمكم للوفه الامال

دين الباري يتشيد -- واسمكم علم يتخلد

يفجعني ولوا دهري -- وضحي الفاطمه عمري

-----

عقدت الرايه من حيدر بسم عباس

وهديه انطيته درعه والصبر والبأس

اريدن زينب ابظلك متحني الراس

اذا عن نصرة المظلوم قصرت ناس

تجول ابسيفك وعزمك -- وتگر اعيونها لامك

يراضع بالوفه درّي -- وضحي الفاطمه عمري

-----

لوشفت ابو اليمه ابكربله وحده

واطفاله تريد الماي من عنده

من الخيم چفك للنهر مدّه

واملي الجود يامن للاخو زنده

اريد ابراية الايمان -- يبني تنفجر بركان

وأطّر ابغرتك فجري -- وضحي الفاطمه عمري

------

لگر اعيونچ ابحملاتي وبسيفي

وبيوم الزعل اكرم لعد ضيفي

واجول ابكربله جولاتها ابكيفي

واخذ من صناديد الحرب حيفي

ايشوفوني علي الكرار -- واخلي ابكل وكت تذكار

جسر لحسين امد نحري -- واضحي الفاطمه عمري

-----

سيد

سيدنا الجليل










[IMG]file:///C:/DOCUME%7E1/samed/LOCALS%7E1/Temp/moz-screenshot-5.png[/IMG]

جميل جدا جدا جدا جدا سيدنا الجليل

ماكنبت في حق قاضيه الحوائج

ام البنين روحي لها الفداء

وسئل الله لكم ان يسهل الله امروكم


وان يحشركم مع محمد وآل محمد ص

اللهم صل على محمد وعلى آله وصحبه أجمعين احسنتم مولانه الكريم

الشكر الوفير للمرور الطيب

ربي يجعل التوفيق والنجاح من نصيبكم ان شاء الله

خادمة الشفيع

خادم خدام الزجيه

المعارف

لكم منا دعاء بالعافيه

والتوفيق في خدمة الزهراء وبنيها ع