ترجع الي ظنيتك..للماي من وديتك.؟لسان حال سكينه تخاطب الامام العباس ع اقول

ترجع الي ظنيتك..للماي من وديتك
ظلت محزنه هالدار..خلافك يبن حامي الجار
ياريت ماحاجيتك

ياعمي يانور العين..من رحت شو مارديت
يوم اللفاني هالخبر..بدم عينك انت تحنيت
ريت الجره عمي الي..ولا ماي منك طلبيت
وريت وعساني بالضمه..للكوم يوم اتعنيت

تدري وبحالي اشصار..من اسمعته الاخبار
ياريت ماحاجيتك

من شفت عمي والدي..مهموم حيل ومفجوع
وبسكته يجذب ونته..وعيونه اتصب ادموع
اعرفت من عنده الخبر..عن عمي كالو مصروع
خليته مرمى على النهر..وانحنت من عندي ظلوع

ظليت واكف محتار..راح العمود البلدار
ياريت ماحاجيتك

سمعت زينب بالخبر..كالو كفيلج من طاح
لطمت عالخد اندبت..اشلون بعدك ارتاح
وحسين من شاف النسه..وبوجه من صار انياح
كالوله مارد الكمر..انخسف نوره وملاح

بترو جفوفه الاشرار..وحسين ناده الجبار
ياريت ماحاجيتك

من طاح عمي مالفه..او والدي ظل اوحيد
ايصيح من ناصر بعد..ويكرر الهم ويعيد
موكصده النصر اله..تحذير الهم ويريد
ردد هالجلمه وحجه..ورددهه هو من جديد

الفايز من الانصار..بس ذوله هم الاحرار
ياريت ماحاجيتك

المني من جاني الخبر..العباس طايح والجود
من طاح هو من المهر..لاعنده رايه ولازنود
اتلكه الكاع بوجه..وطكاه واحد بعمود
والسهم بعيونه نبت..والجبد عنده ممرود

هذي حياة الابرار..اسجلت بلوح الاقدار
ياريت ماحاجيتك

خادم اهل البيت
خادم اهل البيت