|
|
|
#1
11-08-2015, 11:15 AM
|
||||||||||
|
||||||||||
گعده --- لاستشهاد الامام الحسن المجتبى ع
............ للحسن المجتبى ع ---- گعده ..........
المستهل .......... وين نلگه بهل الوطن مثلك سياسي يالحسن ينقذنه من هاي المآسي صعبه حالتنه – بهاي محنتنه .................. يالحسن انت السياسي ونته تحرص عالرعيه لو تجي اتشاهد بعينك هجمه شرسه بربريه طحنه مابين التخاذل والرضع من ال اميه لامن سياسي ومنهجه -- يشوف الوضع ويعالجه لابيه نفع لابيه رجه --- واللي عنده چم هويه شوهوا مفهومها الهاي السياسه بالعماله طامس الواحد الراسه ناس خذلتنه --- بهاي محنتنه ............................................ 2 لبن سفيان ابحكمتك خلصت شيعتك منه وكل موالي احفظت دمه ودفعت للظلم عنه ابد ماساومت ظلمه وكل شروطك هنه هنه ماردت حق وينسلب --- من الرعيه ابلاذنب الهل السبب وبصلحك تهب --- وصنت حق المذهب النه واصلت منهج علي صنت الوصيه ومهدت لحسين يوم الغاضريه الك عازتنه --- بهاي محنتنه .................................................. 3 يالحسن عمرك نذرته للرعيه تخدم الهم بالكرم ماكو مثيلك وچفك بعطفه يلمهم شكثر چم محوج أجاك بطيبته جودك كرمهم مامثل شخصك بالكرم --- ولا واحد اسمعنه انظلم مو مثل بعض اللي حكم --- للرعيه شرب دمهم واعدوا للناس ماوفوا وعدهم عالتهاون يالحسن ظلوا بعدهم وشوف صورتنه --- بهاي محنتنه .......................... مهدت لحسين ثوره يالحسن وبروح صبرك والنهج جدك حفظته ونذرت للشرع عمرك الهل السبب ظمروا حقدهم حاولوا مرات غدرك من آل اميه هالحقد -- ارهابي بيهم كل فرد واليوم من عدهم نجد --- ايحاربون اليوم قدرك يغظا الحيدر ابوك ايحاربوكم اصعدتهم الهام النجم ماغيبوكم انتوو غايتنه --- بهاي محنتنه .................................................. 5 آل اميه بهل العدواه شعدهم امن اعقول عفنه زرعوا الحقد بخلايا ومنهم اشچم صدمه شفنه بالكفر يرمونه لوله بمسئله بيها اختلفنه بفتوة شيوخ الجاهله --- يفتي بذبحنه بمسئله وقتل البريئ ايحلله --- وبالمجوس النه وصفنه لأن حيدر بالولايه امايدينه الله بيها هل الولايه كمل دينه بأسمه رايتنه -- بهاي محنتنه ........................................ 6 عهد من عدنه نعاهد يالحسن ونوقعه بالدم هذا نحره كل موالي المنهجك قربانه قدم يوالي اليواليك اعلن للمعادي ايعادي ملزم شخصك الباري فارضه --- رغما عله اللي مارضه بحبك تفوز الرافظه --- واليعاديكم تندم عهد عدنه وثابت اوياكم عهدنه طيب الكلمن يواليكم معدنه انتو ايمتنه --- بهاي محنتنه ..... سيد عدنان الحمامي ............... 
|
|
11-08-2015, 10:01 PM
|
#2 | |
|
المراقبين
|
بسم الله الرحمن الرحيم
اللهم صل على محمد وآل محمد الطيبين الطاهرين الأشراف وعجل فرجهم ياكريم .. السلام على المظلوم المسموم الحسن المجتبى .. قضى الله حوائجكم وحوائج المحتاجين جميعاً بحقه وبعلو مقامه فهو كريم لايرد يد من قصده خاليه .. بارك الله خطاكم ومسددة من الامام عليه السلام . |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|