]قصائد وابوذيات ونعي للامام الحسين ع اقول (385)

قصائد وابوذيات ونعي للامام الحسين ع اقول
(385)
&&&&&&&
(1)
يحسين يامولاي ..حرموكم من الماي
********
نذكر هاي اسنين..لو جنه عطشانين
نشرب باسمك يحسين..وادموعي بنص العين
تبجي اجموع الوياي..حرموكم من الماي
******
بحزن واه وعبرات..نذكر يوم الفات
وتهل هاي الدمعات..للراحن مسبيات
ممروده بيه جلاي..حرموكم من الماي
*******
مولاي اتغير حالك..والاكثر خوف اطفالك
واسهام اللي بدلالك..وتتكطع ليش اوصالك
اسمع مولاي ابجاي..حرموكم من الماي
********
مولاي اللهفه بروحي..واسمع ياوني ونوحي
اجروحك مولاي اجروحي..اسمع شكواي وبوحي
بلواكم لن بالواي..حرموكم من الماي
********
اسمعنه بكلشي الصار..بخيمكم شبوه النار
ويصيح الظالم بالثار..لا تبقو شي لهل الدار
ظلموكم مولاي اعداي..حرموكم من الماي
********
حرموك انته الظلام..وعليكم شد احزام
من كل هاي الاقوام..مابيهم ذره اسلام
ماعدهم صدك راي..حرموكم من الماي
********
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&&
(2),
ليله اوله انعزي بيهه احنه سيد المرسلين
نلطم نعزي وننادي يالثارات الحسين
&&&&
هاي ليله الاوله نبدي بالحزن احنه العزاء
نرفع الرايات سوده نعزي اصحاب الكساء
ولسفير حسين كلنه انادي وبهذا النداء
من عله قصر الاماره خاطبت انت السماء
بلغت انته سلامك صحت ويل الظالمين
&&&&
هاي ليله الاوله بيهه ينذكر اسم العليله
يوم شال الظعن عنه وقدم الحادي دليله
ظلت تناظر ظعنهم والنظر الهم تطيله
زادت اهموم العليهه والحمل ياهو اليشيله
صاحت بصوت وتنادي ياوداع الراحلين
&&&&
غدرت بمسلم الكوفه ودارت عليه الالوف
بعد ماصلت وراه اهوايه متوحده الصفوف
تركته الانذال وحده وغيره ماعدهم تشوف
بس مره طوعه اسمه شكت اعيون السيوف
صوته ينادي عليهم انته ابن الطيبين
&&&&
من بعد ظعن الهواشم وظلمت الدنيه عليهه
ظلت وحيده وحزينه وتفرك ابثنين اديهه
اتذكرت سكنه ورقيه وهيبته عمه اووليهه
تنتظر منهم رسائل طارش وبلكي اليجيهه
ظلت تناطر دربهم وعل الدرب تشبح العين
&&&&
وصل مرسال ويخبره مسلم اصبح لن وحيد
عليه كل الكوفه دارت وبقه وبنفسه يجيد
صاح وبصوته وينادي خل ينفعكم يزيد
طاح من قصر الاماره مسلم واصبح شهيد
وصل لحسين الخبر ماكو لمسلم معين
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&
(3)
واحسينا واحسينا ..واحسيناه
&&&&
مولاي يوم مصيبتك..حزنانه كله شيعتك
اليوم نرفع رايتك..بالدمع تصرخ والاه
&&&&
نمشي عل حر الجمر..الكم نفديه العمر
وحسين ظهره المنكسر..من طاح يمه يمناه
&&&&
يوم الوكع عل المشرعه..عباس جفوفه مكطعه
عاين عليه ومصرعه..دنك عليه وحاجاه
&&&&
غركت عيونه بالدمع..من شاف اخوه بهالوضع
والجف منه منكطع..بصوت الحزن من ناداه
&&&&
حالت حسين بطيحته..ومن رجع زينب شافته
خويه صاحت عرفته..والدمع ينزل وياه
&&&&
شافت حسين بوحده..وعليه ملتمه العده
عدهه خبر حل موعده..صاحتله اوكف هناه
&&&&
انزل خويه من المهر..يابعد روحي والعمر
اوصي عندي من زغر..وصتني بيه الاماه
&&&&
وصتني امي وصيتي..ظلت امانه بركبتي
اليوم انفذ وديعتي..شمته بنحره وعيناه
&&&&
شمته بنحره مرتين..صاحتله ياخويه حسين
واليوم وفيت الدين..يايمه عهد اكطعناه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&
(4)
يحسين..يحسين..يوم مصيبتك
عباس..عباس..زينب نادتك
*********
عباس ياحادي الظعن..ياهو اليردنه للوطن
كثرة علينه هالفتن..رايد يخويه فزعتك
**********
عباس يابعد العمر..ننتظرك احنه جالبدر
يحدينه ترضاه الشمر..وانه الجنت بحمايتك
**********
انه عزيزه..مخدره..شو وصاك بيه حيدره.
.اكلبه خويه الميسره..اعرفه انه غيرتك
*********
صاحب الغيره ياوفي..وادري الكمر ماينطفي
بالنصر رايد نحتفي..تعله عليهم رايتك
********
تعله يبو فاضل بعد..شما جيش اجيوشه وعدد
انبشر احنه بن سعد.. معروفه شنهو غايتك
*******
معروفه من خط القلم..الفرق كلاء والنعم
كالها شيال العلم..اليوم اللي كطعو يمنتك
*********
عباس ياخويه الامل..انت ابن خير العمل
ياكمر نوره واكتمل..بجتني خويه فركتك
*********
البعد ياخويه صعب..تهيت مااشوف الدرب.
.لازاد يهنه ولاشرب..الاهم عندي شوفتك
*********
لوعنه خويه حرمله..وهامت البيده العايله
هجت وتركت كربله..وبصوت كله صاحتك
**********
صاحت ونادت ياعلي..فرت خواتي وكل هلي
من شافت اجفوف الولي..عالنهر يمك جربتك
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&&&&&(5)
يلا صحيو ياحسين.يلا صيحو ياحسين
ياحسين..ياحسين
&&&&
ياحسين انته الحياة..والسبل النه ونجاة..بسمك انذل الطغاة
بسمك انسمي البنين
**********
هاي ايامي الحزينه..نعيده الذكره علينه..نذكر احنه السفينه
نذكره كل السنين
*********
الحزن والهم ولني ..يابعد ذني وهذني..اني منك وانته مني
كال سيد المتقين
*************
ارفع بصوتك ونادي..يحفظج ربي بلادي..كاله ربي العبادي
هوه حبل الله المتين
*************
اليوم اعزيه الزجيه.. نصيح صوت بهالمسيه..يسمعك رب البريه
ويسمع الهادي الامين
**************
بالحزن نادي عليهم..هاي ايامه وليهم..منهو بالجنه يرويهم
شربه من ماي المعين
***************
اليوم وياكم نشارك..بصوتنه ندخل معارك..نرفعه عالي شعارك
نحارب احنه الظالمين
***************
كتبنه اسمك بالمدارس.. نهتف احنه بالمجالس..احنه كلتنه عوابس
نصيح وين المجرمين
****************
منك اخذينه الوفاء..يبن سيد الاوصياء..اليوم نرفع هالدعاء
نطلب احنه باليدين
****************
طلبه النه وللبلاد..بجاه ربك للعباد..تحمي ياارض السواد
تحمي ارض المؤمنين
***************
خادن اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&
(6)
يحسين..يحسين.. يوم مصيبتك
يحسين..يحسين.. تلطم شعيتك
*********
يحسين تلطم عالجره..وتنادي سبع الكنطره..وتعزي بيه حيدره
يحسين..يحسين تلطم نادتك
**********
صاحت ونادت سيدي..وياك اعلن موعدي..اليوم روحي تفتدي
يحسين..يحسين روحي ناجتك
********
اليوم من حل الوعد..الااف جتك بالعدد..انت شفعي والسند
يحسين..يحسين احنه بصايتك
***********
رايات نرفع بالبلد..ونخط اسمك عالهعد..الله ورسوله من شهد
يحسين..يحسين تعله رايتك
***********
يحسين حزنك بالكلب..شما دارت علينه الغرب..وعلنو علينه هالحرب
يحسين..يحسين تحت ولايتك
**********
يحسين عاشر نذكره..جم كلب حره مخدره..حركوه ذوله الكفره
يحسين..يحسين حره الجابتك
***********
حتى طلفنه بالمهد..يلبس الاسود عاالوعد..عليك يااعظم وتد
يحسين..يحسين..هاي امتك
*************
تناديك ياحامي الحمه..تبجي حزنانه السمه..تعزي هيه فاطمه
يحسين..يحسين هاي دمعتك
*************
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&
(7)
احنه من ننصب عزاء.. تبجي ويانه السماء
&&&&
تبجي حزنانه السمه.. وبالمطر تبجي دمه..الليله تعرف خاتمه
تعزي سبط الانبياء
&&&&
تعزي تمطر بالمصاب..بيه اجر وهم حساب..تعرفه منه الجواب
المطر كله دعاء
&&&&
لوعرفت انت اليقين..السمه تبجي الحسين..والمطرهوه الانين
هذا جزء من الولاء
&&&&
المطركله اختبار..يزيح منك هالغبار..للزغار وللكبار
يزيح كل هم وبلاء
&&&&
الدنيه تمطر بالتوالي..تعرفه منهو الموالي..ياهو يحيه الليالي
يحي ذكر اهل الكساء
&&&&
تجربه هذا المطر..بيه حكمه للبشر..ينعرف منهو الحضر
من الرجال من النساء
&&&&
خل تفيض الدنيه كله..وينملي الكون وي اهله..دمعتي لازم اهله
نصيح يحسن الفداء
&&&&
والمطر عدنه يهون..حبه بينه للجنون..لازم نوفي الديون
لازم انلبي النداء
&&&&
لازم بجسمك اثر..من جرح لو من مطر..الدنيه درس من العبره
والمطر درس الولاء
&&&&
الطم وخلي عليك..المطر من يعتنيك..رحمته هيه التجيك
المطر درس الوفاء
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&
(8)
الليله عاشر عشرتك...كوم ودع عيلتك
&&&&
الليله عشره من المصاب..كوم ودعه الرباب..ودع الكل بالصحاب..كوم ودع بنيتك
&&&&
كوم ودع بالعليل..وكلفه بالحمل الثجيل..الليله فركته تطيل..اشلون افارك كعدتك
&&&&
اليوم يفراك الحنينه..كوم ودعه سكينه ..وياك جتي من المدينه..اليوم شافت لوعتك
&&&&
من صحت وينج رقيه..اليوم يوم الغاضريه..تنذكر بيه المنيه..بجت حيل وحضنتك
&&&&
تكابلن سكنه ورقيه..شلون ظلتنه يخيه..يروح والينه من اديه..اليوم تطفي شمعتك
&&&&
ضجت اخيام العقيله..وحارت المن تشتكيله..عارفه هيه برحيله..يوم حلت فركتك
&&&&
خاطبت رمله الرباب..الليه توديع الشباب..لاأن باجر عالتراب..الليله جاسم حنتتك
&&&&
الليله تودعيك يالاكبر.. ياشبيه النبي الازهر..باجر انشوفك امطبر..يامصيبه مصيبتك
&&&&
لازم انودع العليله..همه المن تشتكيله..رحلت الوالد طويله..عليه حسره شوفتك
&&&&
كوم ودع كربله..وزينب وي العايله..كله نبلة حرمله..من اخوتك حرمتك
&&&&
انذبح عبد الله بيدي..بسهم من الوريدي..طاح ابوفاضل عضيدي..ياهو يرفع رايتك
&&&&
اليوم يايوم الوداع..ارفعي خويه الشراع..تفاركين انت السباع..الليه اخر ليلتك
&&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&
(9)
هذا الحسين..دامي الجبين
سبط الرسول..ابن البتول
سبط الامين
&&&&
من خلق ربــك حـــياة..وخـــــل ادم عالبشر
بعالـــم التكويــــن ذره..بـــــيه شرح ومختصر
جانت البذره السعيده..اتصورة باحسن صور
تكونت باشرف خلقنه..سادة الكــــون الطهر
ماذانقول..فيها الاصول
من مرأى عين
&&&&
ونزلت الثمره الكريمه..عالنبي بكل الجهات
وذابت بنسل الرساله.. تكــــــونت بيه الحياة
وبيه ارسى سفن ربك..وجانت الحكمه ونجاة
واوسع بهايه سفنـــهم..حســــــين يانسل الاباة
ابن الفحول..باب الدخول
عين اليقين
&&&&
وكبرت الدنيـــه بهــــــله..وبـــــشر الخاتم رساله
وبلغ الدعوه بكتــــــابه..وانطـــه منهاج بدلاله
وضح الفكره على ناسه..وحارب اوجوه الضلاله
وكال اخر جلمه عنده..وبيه يطرح عن سؤاله
فيها شمول..لااهل العقول
فيها الحنين
&&&&
بلغت دعوتي لاامتي..وخلفت بيكم ولايه
علي داحي الباب مني..وهو بابي للولايه
خصه الباري بكتــــــابه..ونزلت بحقه الايه
بيهم اتسمك يمســــــلم..وهمه بابك للهدايه
فيه القبول..شبل الرسول
والمتقين
&&&&
الأيد حسين بثورته..ونهج دربه والامامه
يخلد بدار النعــيم..ويخـــلد ليوم القيامه
تنرفع عنه المأســـي..وتنرفع عنه الضلامه
يعيش حر ويامنيـــته..ساير بدرب السلامه
تخف الحمول..حين الوصول
لاام البنين
&&&&
لخادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&
(10)
اليوم ذكراكم نعيد
نلبس الحزن الجديد
&&&&
اليوم قد كان الحداد..اليوم اعلنا السواد
ينفتح جرح الفؤاد..اه من جرحي العنيد
&&&&
اه من جرحي الحسين..فينا باقي كالسنين
فيه دمعا وانين..يسري فينا بالوريد
&&&&
تسري ذكراكم بروحي..تقطر الحزن جروحي
تملتي ركن سفوحي..عارما حزنا شديد
&&&&
حزنك من السماء..انت من اهل الكساء
دمك ازكى الدماء..انت من احيا الوعيد
&&&&
انت من احيا السبيل..ابن طه والخليل
وابو الفضل الكفيل..انت ياابن الشهيد
&&&&
انت ياخير البريه..قبل ميلاد الدنيه
خيرت الخلق نبيه..انت ذو الراي السديد
&&&&
انت يانبع الامان..انت يا سيد الزمان
انت خالد في الجنان..انت ياخير وليد
&&&&
انت ياخير العباد..اليوم اعلنا السواد
كان عنوان الفؤاد..غير حبك لانريد
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&&&
(11)
شحال زينب هالمسيه..تودعه ابن الزجيه
&&&&
تودعه زينب اخوهه..تبجي مهمومه اسمعوهه
باجر الكوم السبوهه..تحضرت هيه سبيه
&&&&
تحضرت هيه تصيح..وين جدي والمسيح
باجر اوكف عالذبيح..باجر انشوف المنيه
&&&&
باجر انشوف الخيم..تحترك وي العلم
الليله دلالي انهظم.. كلبي ناره تظل سريه
&&&&
كلبي مهموم عل خوتي..الليله بيهم كل رجوتي
اتمنه كون ويجي موتي..ولا اخوتي عل الوطيه
&&&&
لا اخوتي البقو يمي..بويه منهو يشيل همي
الليل من انهدر دمي..واصبحت لن خارجيه
&&&&
اصبحت وحيده وكفيله..بويه مهمومه وعليله
منهو يابويه أشتكيله..وين حمامي الحميه
&&&&
وين حماي الدخيل..البقه بس العليل
بعد عينك يالكفيل..دارت الدنيه عليه
&&&&
دارت الدينه بهله..دمعتي يابويه هله
عيلتك منهو كفلهه.. ثكل ياحمل العليه
&&&&
ثكل ياحمل الكفلته..غصب يابويه حملته
واجب علينه انه شلته..انه الحره الابيه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&
(12)
انتزع ثوب الرياء.. لكي تبكينا السماء
بشجون وحنين ..لدمأت الحسين
لكي لانهدر دماء
&&&&
ندري بدمانه عزيزه ..بكلبي تبقى خالده
حكي لو اطبر وانوحن..خلي تسمعني العده
ردت كون القامه دمي..عليه تصبح شاهده
هذا تعبير المشاعر..وصوت روحي تردده
صاح صوت الحاضرين..واعتلى صوت الانين
طاح ابن خير النساء
&&&&
اليوم شمر اللي ذبحنه..وادري ماطاح الجبل
صاحت املاك السماء..هذا ابن خير العمل
لاتلوم انت عل حالي..والجواب انطي السئل
حسين ياسفن النجاة..والنه يشفع والاهل
لا وحق دم المسيح..هذا من نسل الذبيح
هذا من اهل الكساء
&&&&
لو ردت تعرف شعوري..وليش اطبر هامتي
عندي بالقراءن سوره ..البيه خصص امتي
الله يحشر من يحبه..بنفس شكله وهيئتي
وانه لبيت الرساله..مخضب اعلن بيعتي
نشارك الجزء القليل..بالدماء اللي تسيل
هذا لجل الاولياء
&&&&
احنه من نفعل فعلنه..نعرف اشكال الشرع
هاي جزء من الاصول..والاصل منه الفرع
اية التطهير عدنه..حصن النه والدرع
ياعظم هذا المصاب..نوره من ربي اليشع
قد بكته العالمين..قبلي في مر السنين
قد بكته الانبياء
&&&&
الله يبارك سعينه..وكلمن بسعيه يفوز
من تطبر انت كاصد..تنصر المذهب يجوز
ندري بالكطره اللي تنزل..منه نستعمله حروز
تختبر ذاتك كيانك..ومن تضحي الهم تروز
يصبح الدمك كيان..شاهدا يبقى العيان
ولنا منه الشفاء
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&
(13)
الامام الحسين ع
************
زينب تنظر عل حسين وتشوفه يجود هوه الروح
وحيد وصار بالميدان وجسمه بالجروح اجروح
وعلى حاله بجت رضعان واملاكه السمه اتنوح
وجسمه من الدماء اتسيل ومنه اعطور گام اتفوح
يوم حسين عل الغبره ظل جسمه صفه مطروح
حارت زينب وتنظر حارت هيه وين اتروح
تعاين للشمر والگوم عليه ومن يجي ويروح
اخوه وسبط هالامه ياوسفه صبح مذبوح
صوت من السمه حزنان يصيح بصوته المبوح
بينه تهدمت والله اركانه الدنيه اصروح
*********
وحك اللي ثبت دمه..وشيعه
وصار النور للشيعه..وشيعه
بحزن من كرب امصابك..وشيعه
يوم ماانوجد بالكون اليه
*********
وحك النصبه الباري..مصابين
الك نهران بدموعي..مصابين
يوم الينصب الباري..مصابين
مصابك بالسمه وعدنه الوطيه
&&&&&&&&&&
خادم اهل البيت
ابو علي السعيدي