|
|
|
#1
02-10-2013, 08:18 PM
|
||||||||||
|
||||||||||
وفاة الزهراء ع -- مجرشه ----وشلون ترضه ياعلي -- لام الحسن ظلموها
-- وفاة الزهراء ع ----
----------- وشلون ترضه ياعلي لأم الحسن هظموها ماهيجك كسر الضلع بالباب من عصروها --- ياباالحسن وشصبرك لاذت الزهره ابابك وشلون داسوا يافحل اهل الرديه اعتابك ونته الذي ابسوح الحرب حتى المنيه اتهابك وسفه يحيدر فاطمه بوجودك ايبچوها --- بوجود اتهل الدمع يابا الحسن ترضاها ومايوم بوجود النبي الزهره بچت عيناها مو عندك أوديعه ألنبي أم الحسن خلاها وشگال گلبك ياعلي من اسمعت ضربوها -- يالبحر جودك مانشف يالتكرم انته الضيفك چتال أبن ود ياعلي ومرحب شطرته ابسيفك للزهره ماندري اشعجب ماگمت تاخذ حيفك وباب البدارك ياعلي اتعاينها من حرگوها -- يابطل صفين الذي جندلت كل فرسانها أبطال منك تنخرس يعگد الموت السانها يمجفل اگلوب الكفر تشهد انسها وجانها بگرابه سيفك ظل صدگ وام الحسن ظلموها --- يانبا عمه وهل واتى ياطور سيناء وبره يالچفك ايرد الشمس ياداحي باب الخيبره اهتز العرش لم الحسن گلبك مندري اشصبره وتشوفهم لهل الرده ابكسر الضلع جازوها --- بگرابه سيفك ظل صدگ ماصاح ماحشم الك ياعلي سيفك لورجف بالغمد يندار الفلك ماواحد ابوجهك وگف چم فارس ابسيفك هلك متگلي شنهو الصبرك دارك فلا هابوها -- سيد عدنان الحمامي 
|
|
02-11-2013, 02:13 PM
|
#2 | |
|
المراقبين
|
عظم الله اجورنا واجوركم
بمصاب مولاتي فاطمة الزهراء ع قصيدة غاية بالروعة سيدنا الجليل 
|
|
|
اللهم صلِّ على محمد وعلى آله الطيبين الطاهرين
|
|
02-20-2013, 06:05 AM
|
#4 | |
|
المراقبين
|
اللهم صل على الزهراء وأبيها وبعلها وبنيها والسر المستودع فيها
اللهم واشفي قلب الزهراء صلوات الله عليها بظهور وليك الحجة بن الحسن صلوات الله عليه وعل آبائه الطيبين الطاهرين واللعنة الدائمة على أعدائهم أجمعين إلى قيام يوم الدين أبيات مباركة وقيمة بحق هذه المناسبة الله يعطيكم العافية ورحم الله والديكم وطيب الله أناملكم الولائية جعلكم الله من خدام اهل البيت ورزقكم شفاعتهم بالاخره وطال في اعماركم وفقكم الله لكل خير ببركة و سداد اهل البيت عليهم السلام |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|