|
|
|
#1
02-10-2013, 08:12 PM
|
||||||||||
|
||||||||||
وفاة الزهراء ع -- هذي وصيتي ياعلي وسمعني
هذي وصيتي ياعلي واسمعني -- أتنام الخلگ بالظلمه وتشيعني
گبري اريد اتضيعه -- هلها عليه الدمعه ---- وصت الزهره يحيدر ونته تعلم بالوصيه ياعلي من تغفه عيني وسبّلت للموت أديه بالغسل غسلني ثوبي يبقه ياحيدر عليه ادري تتألم يحيدر لو كسر وتشوفه بيه أشكي مصابي ولوعتي وآلامي -- للهادي وبجفني اروح الدامي خل الخليله ايودعه -- هلها عليه الدمعه -- ياعلي عندك وديعه والدي ودعني يمك گلك الزهره بضعتي واليهمها ايصير همك وألالم لو شفته بيّه ادري ياحيدر يألمك هذا جرح صوابي ينزف والظلع كسره يكلمك بس ليله هاي اوياك وتودعني -- من صدري آلامي آون تسمعني صوت الونين اتسمعه -- هلها عليه الدمعه -- ياعلي وصاك ابويه گلك الزهره أمانه ونته بعيونك تشاهد ظالم ابظلمه ولانه العتبة الدار بحقدهم ويه اذنابه اجانه لفظة الشر من تسمعه يلفظ اعلينه بلسانه تصبر يحيدر عالذي ظلموني -- ونته تعاين دمعتي بعيوني للهادي آنه البضعه -- هلها عليه الدمعه -- ياعلي سلبوني ورثي من أبويه الهادي خذته او منك أخذوها الوزاره ياصبر هذا الحملته وآنه راووني المآسي والصبر حنظل جرعته ونته كل الصار هذا غيظك بگلبك كظمته واليوم أجوا للدار ويضربوني -- وسطره اعله عيني ياعلي ايسطروني وحالي تغير وضعه -- هلها عليه الدمعه -- مارعوا حرمه النبيهم ساروا بدرب الظلاله عميه عدهم هالبصاير حرّفوا نهج الرساله رجعوا وعبدوا صنمهم طاعوا اصحاب الجهاله نكروا أتعاب الصميده وكل جهاده وكل نظاله درب الخديعه والمكر مسراهم -- للدين باعوا واشتروا دنياهم بالغدر كامن طبعه -- هلها عليه الدمعه -- صبوا احقاد السقيفه والضلع مني تهشم والصدر جرحه يحيدر هالجرح ماظنه يلتم چن دنه الموت وحياتي مابعد من عنده تسلم خل اودع حسين وينه والحسن والحره بالهم امهم اريد اتوادع آنه اوياهم -- ماتنحمل من أرتحل دنياهم مامني ليهم رجعه -- هلها عليه الدمعه -- سيد عدنان الحمامي 
|
|
02-11-2013, 02:14 PM
|
#2 | |
|
المراقبين
|
عظم الله اجورنا واجوركم
بمصاب مولاتي فاطمة الزهراء ع قصيدة غاية بالروعة سيدنا الجليل 
|
|
|
اللهم صلِّ على محمد وعلى آله الطيبين الطاهرين
|
|
03-25-2013, 12:22 AM
|
#4 | |
|
المراقبين
|
بسم الله الرحمن الرحيم
اللهم صلّ على فاطمة وأبيها وبعلها وبنيها والسر المستودع فيها عدد ما أحاط به علمك السلام عليكم ورحمة الله تعالى وبركاته لسلام عليك يا مولاتي يا نور النور السلام على الضلع المكسور السلام على الخد الملطوم السلام على المدفونة سرا السلام على المخفية قبرا السلام على السبب المتصل بين الارض والسماء السلام عليكِ يا بنت رسول الله ويا سيدة نساء العالمين بوركتم طيب الله أنفاسكم وأسال المولى العليّ الأعلى أن يرزقكم أعالي الدرجات ويرزقكم شفاعة الصديقة الطاهرة سيدة النساء الزهراء عليها السلام وروحي لها الفداء يوم المحشر و يوفقنا وإياكم لخدمتها ونصرتها ووفقكم لكل خير ببركة وسداد أهل البيت عليهم السلام |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|