|
|
|
#1
02-10-2013, 08:08 PM
|
||||||||||
|
||||||||||
وفاة الزهراء ع --- بويه اليالي -- تبجي اعله حالي -- وانه بضعتك
المستهل
-- بويه اليالي ----- تبجي اعله حالي ---- وانه بضعتك --- تدري شجرالي ضلعي اشيجبره ------ لوشفت كسره ---- تبجي اعله حالي --------------------------------- يهادي الناس عكبك بالمرار وهم ----- وبعيني النهار امن الحزن اضلم يتيمه واليتم فوك الحزن خيم ------- شسولفلك يبويه خاف تتالم بويه الماسي ------ شيبت راسي ---- من عدها تنهار --- اجبال الرواسي ابساعة العصره ----- لوشفت كسره ----- تبجي اعله حالي ---------------------------------------- غبت عني يبويه وغابت احلامي ------ ابدار احزان خلصت بويه ايامي وكلبي امن المصايب والجفن دامي ----- كثر بيه القهر واشتدة الامي بجاني دهري --- وشكبره صبري ---- واتجرع الالام --- لوبيه تدري تجذب الحسره --- لوشفت كسره ---- تبجي اعله حالي ------------------------------------------------- يبويه من عفتني او ودعت دنياك ----- صعب شفته عليه من رحت فركاك ليل انهار ابجي امن الهضم وانعاك ----- لوماخذ حياتي من رحت وياك ريتك تشاهد ---بصبري اجاهد ---- بويه وعدوك ------ يهضمني رايد وحكي ينكره ---- لوشفت كسره ------ تبجي اعله حالي ---------------------------------------- يبويه اجروح بيه ابيا جرح ابدي ------ احجيلك مصايب لو هضم جبدي اشاكف بالنوايب من رحت وحدي ------- وسلبوا نحلتي يا بويه من عندي الحكي يغصبه ----- الماعرف ربه ---- وبت نبي انه --- واشكف الضربه واعليه جسره ----- لوشفت كسره ------ تبجي اعله حالي -------------------------------------------- بعدك لاشرع لا لزموا اكتابه ----- الدارك يامحمد داسوا اعتابه وبنار الضغينه اتلاهبت بابه ------ وصدري من حقدهم ينزف اصوابه ويوكع جنيني -- - وتشوفه عيني --- والمن اعاتب --- ابدمعي وانيني كل دمعه جمره ---- لوشفت كسره ----- تبجي اعله حالي ---------------------------------------- مر بيه حزن لا ما تحمله الروح ------- ولاعيسى وموسى ولايحمله نوح انه بت محمد والصدر مجروح ------ واكبع بالبواجي يالنبي والنوح دمعه اعله دمعه -- وضيمي اجرعه --- وانه الوديعه --- عدهم امودعه وبصدري حسره --- لوشفت كسره -----تبجي اعله حالي ------------------------------------------ عدهم ودعتني بويه نكروني --- وحتى امن البواجي اعليك منعوني وماغير المصايب شافت اعيوني ---- جمر دمعي يبويه ويحرك اجفوني صبر الصبرته --- ابضلعي جمرته --ايهيج احزاني ----- بويه وحملته من مثلي صبره --- لوشفت كسره ----- تبجي اعله حالي ===================== اذكرونا بدعائكم يرحمكم الله خادم الزهراء سيد عدنان لاحمامي</b></i> 
|
|
02-11-2013, 02:14 PM
|
#2 | |
|
المراقبين
|
عظم الله اجورنا واجوركم
بمصاب مولاتي فاطمة الزهراء ع قصيدة غاية بالروعة سيدنا الجليل 
|
|
|
اللهم صلِّ على محمد وعلى آله الطيبين الطاهرين
|
|
02-20-2013, 06:21 AM
|
#4 | |
|
المراقبين
|
اللهم صل على محمد وآل محمد وعجل فرجه ياكريم
السلام على سيدتنا ومولاتنا فاطمة الزهراء سلام الله عليها السلام عليها وعلى ضلعها المكسور ولعن الله قاتليها وظالميها طيب الله انفاسكم وبوركتم على ماخطتم يمينكم المباركة جعلكم الله من خدام اهل البيت ورزقكم شفاعتهم بالاخره واطال الله في اعماركم ومدكم بالصحة والعافية رحم الله والديكم وفقكم الله لكل خير ببركة و سداد اهل البيت عليهم السلام |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|