|
|
|
#1
03-14-2019, 01:29 PM
|
||||||||||
|
||||||||||
استشهاد الامام الكاظم ع -- بويه وينك ... آنه معصومه الغريبه
..
.. المستهل بويه وينك ... آنه معصومه الغريه بويه وينك ... الك مو آنه حبيبه بويه وينك ... جيتك بحزن المصيبه ..... جيتك وبُعد المسافه عذبتني سنين ماشفتك ولا أنته شفتني آنه أدري بويه مو بيدك عفتني تدري كل لحظه بغيابك مرمرتني آنه اريدك ... بويه محتاجه حنانك آنه أريدك ... خالي يابويه مكانك الابو غالي منين أجيبه ... بويه وينك .... يالحنين وطيبه معروفه صفاتك بويه يالغالي علينه وشغلاتك مو چنت أفرشها سجادة صلاتك أتصلي گالوا بالسجن فارش عباتك مقيدينك ... ليش شمسوي جنايه مقيدينك ... ونته بالقرآن آيه تنسجن هاذي عجيبه .... بويه وينك ..... يالذي من الزمان أعليه خوفك جيتك وأرد أبقه يمك ما أعوفك أمن الرضا أحمل سلام وأرد أشوفك بويه حتى بعيني مامرت طيوفك روحي يمك ... وگلبي يلچمني اعله حالك روحي يمك ... بسجن ما أدري أشجرالك گلبي لفراگك نحيبه ... بويه وينك ..... أندعيلك بويه وأترجه التعبده ربي ياربي أبويه شذنب عنده هوه وبظلمة سجن عاينله وحده خلصّه وهذا دعائي لاترده ادعي يارب ... وبصلاتي بعيني دمعه أدعي يارب ... سالم أمن السجن طلعه طّول اعلينه مغيبه .... بويه وينك ..... شكثر شيبات بغيابك شاب راسي أيصبروني أبفرگتك كل هلي وناسي يالكظمت الغيظ وأحملت المآسي ليش سجانك وياك يصير قاسي صدگ سمك .... ونته أبن فاطمه البضعه صدگ سمك .... أمن العشيره ماكو فزعه جنازه مطروحه وغريبه ... بويه وينك ....... غيرك أبن النبي عدهم ماكو غيره يحظر التشيعك الحيدر أميره جنازتك محد حظرها امن العشيره وعالهواشم هاي المصيبه چبيره نعشك أنشال .... محد أمن أهلك يحظره نعشك انشال .... بالحزن فاطمه الزهره جنازه محموله أو مهيبه .... بويه وينك .... سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
|
|