للامام الكاظم ع ... راح ابويه .. أنه معصومه الابو خيمه البناته

.......
المستهل
........
راح ابويه . راح أبويه ..آنه معصومه ألأبو خيمه البناته
راح . ابويه .راح ابويه . بيدي چنت افرشها سجادة صلاته
........
آ يصبري .. ألك عمري .. بويه يالكاظم فقدنه كل حنانك
آ يدهري . كلها تدري .. موحش الدار وصبح خالي مكانك
خذت من عندي حياتي وكل سنيني
من غبت عني الك يشتد حنيني
حتى محرومه لذيذ النوم عيني
عالامل ومناطره بلكن تجيني
بعد ميعود . بعد ميعود .. أبو ومچلچل علينه وشحلاته
......
غبت عالعين . صارن سنين .. حتى من چلمة عطف محرومه منك
آنشد منين . ياسجن وين .. چا ن اجيتك وأحملت هالالم عنك
الحالي لو دم بچه گلبي مايفيده
بت لبوها بعازته أتظل وتريده
بغير أبوها تشعر بغربه او وحيده
وآنه أبويه بسجنه ومقيديها لأايده
أله حنيت . اله حنيت .. غالي ابويه عندي أي ولله شغلاته
........
يامُنايه . ياجنايه .. وبسجن اظلم يبويه ليش مرهون
شنو الغايه . ونته آيه .. ياذنب ضدك يغالي وجرم يلگون
شعدهم أوياك وقسوا بيك ويروعوك
سجن أظلم لاشمس بويه يراووك
من ضوه الشمعه عجيبه هم يحرموك
من سجنها البصره والبغداد جابوك
عفيه صبره . عفيه صبره .. بالعذابات وسجن خلص حياته
.......
دمع العيون . يسكن شلون .. وياگلب يبطل على فراگك نحيبه
أي يمسجون .. صعبه متهون ..غيظك بگلبك كظمته وشمصيبه
غربة اوطان وبعيد اعله العشيره
لاعمام ولا هلك أي ولله حيره
ونته تتعذب امن الفاقد ظميره
هاي موه هينه المصيبه شگد چبيره
خمسطعش عام .خمسطعش عام ..گربت بسجنه عليه ساعة مماته
........
مهجتي نار . واسمع اخبار .. صدگ سموك بسجن ونته بصلاتك
أظلم الدار . يعرف شصار .. من متت لفوك يابويه بعباتك
ياهو اليشيعك يبويه ويعتنيلك
بهيبه من سجنك بنعشك من يشيلك
لو أخويه الرضا بدموعه يجيلك
أعزيز گلبك أدري يابويه وخليلك
أعتنيله .. أعتنيله .. وأحظر البغداد ويه اهلي بوفاته
.......
صوته حزنان . ناعي الأحزان .. صاح هذا العلجسر موسى بن جعفر
تحظر ألآن . آل عدنان .. وبني هاشم وي عمامه خلها تحظر
صاح ناعي الحزن والوادم تسمعه
وجمره من عين السمع توگع الدمعه
عالجسر نعش الغريب ومن يشيعه
أوداع أخير الليله للكاظم يودعه
وداعة الله . وداعتة ألله .. راح أبويه العابد وزاهد صفاته
.....
سيد عدنان الحمامي