|
#1
07-02-2016, 11:52 AM
|
||||||||||
|
||||||||||
فر گة احباب -- للشهداء
بسمه تعالى
فرگة احباب ---- للشهداء - - المستهل --- فرگة احباب --- كل حبيب لأمه غالي فرگة احباب --- أخذ من أمه تعب كل اليالي العين تربي الجيته --- بس بعد ماشافته ----- هاييمه --- صاحت أمه --- رد عليّه أمروتّك لهفة الروح --- يبني متروح --- بگلبي لهفه الشوفتك تبخل شلون --- وهاي العيون --- لا متحمل فرگتك يبني ماجيت --- اظلم البيت --- بس اعاين صورتك وين العزاز --- كل شباب اليضوي گمره وين العزاز --- مثل عمر الورد عمره أمه تنشد رادته --- بس بعد ماشافته -------- 2 عيون ليكم --- تشتهيكم --- تربي ظلت عالدرب بگلب لاهف --- چان خايف --- ليش جرحتوا الگلب بعد اللجفون --- تغمض شلون --- من نواظرها تصب بجرح ملچوم --- ينزف اهموم --- نكابر ونصبر غصب وداعة الله --- اگلوبنه خذتو ومشيتوا وداعة الله --- ننتظر بس ما اجيتوا كل شباب الودعته -- بس بعد ماشافته ------------ 3 متون تعبت --- شكثر شيعت --- كل شباب وچالگمر كلهم بدور --- شمعه من نور --- الموت ما يمهم عثر صار كل شاب --- تحت التراب --- مارحم ليش القدر اللهم اشتاگ --- نهر الفراگ --- ويبچن اجروفه النهر آ يالجروح --- جرح كل أم بچبدها آ يالجروح --- راح چان السلوه عدها من اجه بجنازته --- بس بعد ماشافته -----------4 بعمر الازهار --- بلحده من صار --- ماتعيش أمه اظن ورد قداح --- عطره لو راح --- هروشه كلهن يلتون صاحت بصوت --- رجعه ياموت --- بعده مو وكته اندفن كلشي ماشاف --- بگبره ينعاف --- اللحد من شافه صفن شاب بعده --- امه تتنطر زفافه شاب بعده --- للفرح مابعد شافه امحظره أمه حنته --- بس بعد ماشافته ------------- 5 أيموت الفراگ --- وأمه تشتاگ --- وين تلگاه للابن منها من راح --- تصفگ الراح --- بگلب كل لحظه يحن الشوفته تحن --- تذكره وتون --- تساهر الليل اليجن عوض ماله --- الولد لاله --- العين متعوف الجفن ها يالورود --- گبوركم ياهو اليجيها ها يالورود --- ليش بس الوحشه بيها الابن ذبلت وردته --- بس بعد ماشافته -----------6 يالمشيتوا --- و ما أجيتوا --- وينه الملاگه بعد هم تعودون --- وذني العيون --- بيكم اتشوف السعد بس الگبور --- من نجي انزور ---- صار ياوسفه الوعد انشّم اللتراب --- الدافن احباب --- النه يالچانوا ضمد أوياكم انظل --- العين ماتنسه صوركم اوياكم انظل --- بالحنين ولهفه الكم أمه لمن فگدته --- بس بعد ماشافته -------------------------- سيد عدنان الحمامي -- 
|
|
07-08-2016, 04:50 PM
|
#2 | |
|
المراقبين
|
الاحوله ولا قوة الا بالله... .حسبنا الله ونعم الوكيل اللهم صبر والدت الشهيد ووالد الشهيد واهله جميعا دمت سالما على هذه القصائد سيدنا واسأل الله تعالى ان يطيل في أعماركم ويكثر أرزاقكم ويزكي بها أعمالكم بالخير والبركة جميعاُ ان شاء الله. |
|
|
اِلـهي هَبْ لي كَمالَ الانْقِطاعِ اِلَيْكَ، وَاَنِرْ اَبْصارَ قُلُوبِنا بِضِياءِ نَظَرِها اِلَيْكَ، حَتّى تَخْرِقَ اَبْصارُ الْقُلُوبِ حُجُبَ النُّورِ فَتَصِلَ اِلى مَعْدِنِ الْعَظَمَةِ، وَتَصيرَ اَرْواحُنا مُعَلَّقَةً بِعِزِّ قُدْسِكَ. اِلـهي وَاْجَعَلْني مِمَّنْ نادَيْتَهُ فَاَجابَكَ، وَلاحَظْتَهُ فَصَعِقَ لِجَلالِكَ، فَناجَيْتَهُ سِرّاً وَعَمِلَ لَكَ جَهْراً.
|
|
07-08-2016, 11:40 PM
|
#3 | |||
 مديــر عام
|
ربي يسلمكم ويحفظكم ويرعاكم ان شاء الله دعائي لكم |
|||
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|