|
#1
07-04-2011, 08:01 PM
|
||||||||
|
||||||||
شعر حر عن العراق الجريح
((((((((((((((((((((((())))))))))))))))))))))
(((((((((((((((((( ))))))))))))))))) (((((((((((((( ))))))))))))) دكيت باب الوطن وابوابة مسدودة ومن فتح بابة انزلن دمعات بخدودة صب الدمع واشتكة من دون ما يحجي وصعبة علي من شفت عين الوطن تبجي آيا وطنة الحلو راحت حلاتك وين راحت وصارت قطع سودة عل الحياطين آه يا وطنة الحلويازين يا غالي مو انتة الاول جنت ليش اصبحت تالي الناس جانت كبل تتوسل اتشوفك هسة صفت بالعكس تتوسل تعوفك ابجي على بلدي ابجي على بغداد على المتحف ابجي على التاريج والامجاد ابجي على الفنان ابجي على الصحفي وعل الماي ابجي انة وعالشجر والاغصان ابجي انة عل القتل مابين هل الخوان وابجي انة عل الغدروعلاسة الجيران وابجي على ديني ابجي على مذهبي عل القبلة صار الذبح بيد المخاويني نذبح بعضنة ذبح والاجنبي المحتل نتوسلة بالبلديبقة ولا يرحل السبب خوف الشعب من حرب اهلية ومن معركة قادمة سنية شيعية المن يكون النصر والمن يكون التاج ويا مذهب الينتصر وتحج الة الحجاج منو ياترة المنتصرلو فاض بينة السيل والكم ترة المنتصر امريكة واسرائيل بيه الزمان اندارهذا العراق الحلو ولونار هسة انطفت تشتعل باجر نار الليل ذاك الحلو الي جنن ببغداد اصبح يضيك الخلك وايامة ماتنراد والماي ذاك العذب ماعاد نفس الماي روجاتة يبجن دمع واحزان بيهة هواي الصار بينة وجرة ما يخطرعلى البال وموكل دمع ينبجي ولا كل حجي ينكال بسبب وبلا سبب نتكاتل علة المال ونسينة عدنة وطن وجروح بيه اشكال هذا العراق الحلو ماغيرة حبينة وبغداد بيت الاهل البي تربينة شاف العراق الحلو من الهموم اشكال ويامة انجرح هل الوطن بس ما بجت عينة ونصحونة ياما بشر نرحل لغير بلاد ماعفنة هذا البلد ونحبة ظلينة انة خايف يضيع البلد مابين هذا وذاك وشيعوضنة النة الوطن لا مال لا املاك نحتاج مال الدول اموال تهدينة بس لو طلبنة وطن يا هو الينطينة بعد ماجابتة امة اليمسجن يالعراقيات مامخلوق والله اليمسجن يالعراقيات حلوات الطبع واخلاقجن حلوة والرايد يمسجن يالعراقيات يخسة ومايكدر ويغديلجن فدوة انتن للعراق حزام انتن شوك ياخذنة ويرد بينة احنة بشوفجن ياعيني متولعين وياجن عمر عشنة وتربينة بالجبهات ما بجانة طاري الموت بس فراكجن هوالي يبجينة ((((((((((((((((((((((()))))))))))))))))))))))) ((((((((((((((((((())))))))))))))))))) (((((((((((())))))))))))))) مل مني القلم ومن القلم مليت عمت عينه قلمنه الما نفع شِعره تعب حته الشِعر ويه العراقيين وصار بحال اهلنه وبالعراق ادره رسمت حروف العراق برسم فنان وجمعت اربيل والانبار والبصره وگلت لازم حروفي توحد الخوّان ما معقوله هيچ تصير فد مره ورديت ولگيت دموع عالوجنات حروف الي رسمتهه اليوم متطشره كردستان تحچي بزودهه وتگول احنه العاصمه وبغــداد متأخره والانبار شالت سيف عالخوان لو ليه الحكم لوفلّش الاسره والبصره تگول احنه نريد اقليم ومن نفط العراق الكُم فقط عُشره وشفت للفتنه والله العراقيين دون حروف جر يا ناس منجرّه مذبوحه المحبه وناس تكره ناس سويه الي يحب والقابض الجمره حته الورد ما يرضه بعد بالماي من دمنه تريد الورده والشجره رقم جبنه قياسي بالقتل والموت وصرنه اول شعب نص اهله متهجره نهر دجله يـا ناس من الجثث غرگان خلي نمد ادينه لدجـــــــــله وانجرّه على جثثنه ادور هالفضـــــــــــائيات ياهو الي يصــــور ياخذ الاجــــــره معصوبه العـــــيون مچتفه الايدين وانواع الرصاص يچوب بـــــصدره لا اهله اجوي وچــــــــفّنوا بچـــفان مجــــهوله الـــهويه ومن درة بأمره اذا امّه الــــحنونه الصايمه برمضان ما اكــــلت اكلهه وبقت تـــــــنتضره تنــــــتضره يرد وتريد تحــجي وياه اثاري العيـــــــــد لازم ينگطع مهره لان باعت ذهبهه بشارع الصياغ حته تزوج ابنهه الما فرح عمره ما نامت بقت سهرانه كل اليل ايا ليل العراق الما بزغ فجره وما جاهه صبر طلعت تدور عليه مثل طلعة حمامه بعينهه العبره وما شافت ابنهه وجاهه ملك الموت تعرف شنهي يعني تموت بالحسره ؟؟ معناها الفرح صاير مثل رجال شايل ورده بيده وخنجر بضهره معناها عراقك كاتل ومكتول سوده گلوبهم وعقول مفتره وكل هذا ويگلي احنه العراقيين سنه وشيعه عشنه الحلوه والمره !! لا والله چذب احنه العراقيين سنه وشيعه مثل الضره عالضره ملينه الچذب وليمته وليا دوب واقع حال لازم نخضع لامره ملينه الچذب وليمته وليا دوب قصايدنه اجت للناس متأخره نعم خوان احنـــــــــــــــــــــه نعم خوّان احنه وياك آني بهاي بس مو من بعد تفجير سامرّه بعد تفجير سامرّه العراقيين مثل فلم الرعب ودمايته الحمره مو فتنه صحيح الصايره ابّغداد سونامي الفتن بغداد منتشره قتل مو عالهويه هواي متوهمين صارت عالاسم گص راسه ويشمره واليگلي تبالغ انته حيل بهاي جبت حجه ودليل وياي هالمرّه اتحده بكر واتحده ابو الخطاب افن واحد البيهُم يوصل الثوره واتحده على واتحده هم حسين اذا فلوجه طبهه ومنكسر ضهره صـــــــــفر كل النتايج للعراقيين بس بالفتنه جابوا عشره من عشره هذا يگول سني ناصبي اغتالوه وهذا يگول شيعي رافضي نكفره ضلّوا بهالسوالف يا خزي ويا عار واسرائيل علگت نارهه الــــــكبره يول وين الــــــــشرف گدامكم بغداد شــــــگّوا ثوبهه واخذوهه متأسره غتصبوهه الكُفر ... ما تسمعوهه تصيح آنه ام الــــــــــــشرف واليوم مو عذره بعد والله ما يــــــــــــــنفعنه قيل وقال لات كـــلشي انتهه وانكــــسرت الجرّه مرحوم الـــــــعراق استشهد من سنين يا وسفه صفـــت أشلائه مـــــتنثره متنـــثره بمزابل يمـــهه كوم چلاب اكلت من لــــــحومه وما درت سرّه صــــير وياي بس هالمره اترجاك عيب من الــــــــــــعراق اليوم نتبرّه صعبه بمزبله جثة الــــــــعراق تصير خلي نشــــــــــيله منهه وندفنه بگبره (((((((((((((((((((((((()))))))))))))))))))))))))) ))) *************************************** 
|
|
07-04-2011, 08:20 PM
|
#2 | |
 مديــر عام
|
اسئل الله التوفيق والعافيه
لشاعرها ويرزقه خير الدنيا وخير الآخره احسنتم حنان وربي يرعاكم تحياتي ودعائي |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|