--
في حق مدينة الكاظميه
-
-
الكاظميه شلون اوصفها مُحال
عيون يوسف هيه احله امن الجمال
---
الكاظميه حرت بيها بياوصف
الها شوگ بوسط گلبي مايخف
تظل شلال المحبه ومايجف
ونرتوي بحب الجوادين الزلال
----
الكاظميه عيونها عيون المها
الكاظميه الربته يوفي لها
الكاظميه اتسامح بحقها السها
رضّعت ابنائها عز وكمال
----
الكاظميه شوكه بعيون اليضد
الكاظميه تاج وبهام المجد
نور لبست من محمدنه تجد
ومن علي وحسين حملت هالخصال
-----
گاعها بستان كل ورده جمع
وماتحب المنه فد ورده گطع
وترفض المتلون وعنده خدع
وتفضح الكل مغرض ايحرف المقال
---
الكاظميه الها عالامه فضل
من محمد نور بيها متصل
هيه مرجع والمراجعنا اصل
وعلمتنه بحب الحسين النظال
---
الكاظميه شفره وتحز اليجور
الكاظميه امراد تنطي لليزور
والجوادين اليوفون النذور
أبد ميردون للگاصد سؤال
-----
الكاظميه تضوي للعالم شمس
الكاظميه بيها بالرحمه نحس
مطمئنه اتشوف بيها كل نفس
بالامان الزاير ايحس والدلال
----
آنه اتشرف ابنها من زمان
هيه ربتني بحظنها والحنان
وصار تذبح شفرته عندي اللسان
بحبها وضفته بميادين القتال
----
سيد عدنان الحمامي
--