...
المستهل
....
مظلوم ... واويلاه
مسموم .... واويلاه
....
يالذي بآل المصطفى ايمانك
عالكاظم ألطم جدد لأحزانك
والدمع خلي يجري من وجدانك
لمصابه حزنانه السمه وقرآنك
صابر تروي الاخبار .... ساجد ليله ونهار
مبعد عن اللديار .... ياموسى بن جعفر
.......
سوده عزانه اتوشحت راياته
عالكاظم أيهل المحب دمعاته
وأختنگ صدره من كثر عبراته
عالذي يختمها بسجن دنياته
بسجه ظّمه هارون ... أهله بي ميدرون
قيده بساگه مرهون .... ياموسى بن جعفر
.........
عين السماء اليوم هلت من دم
ياچبد من آل الرسول اليسلم
لو ذبح بسيوف الغدر لو بالسم
السان الزمان بهل المحن يتكلم
خصمه قاسي جلاد .... اهله عنه أبعاد
قسوة ناس الاوغاد ..... ياموسى بن جعفر
......
عد بني العباس الظلم والاجرام
ظلام ذوله اتوارثوا من ظلام
حرفوا شرعه ومنهجه للاسلام
بس المُلك مادام ألهم مادام
ضاعت اللهم آثار.... اندثرت اللهم ديار
هذا البيهم الصار .... ياموسى بن جعفر
.....
بين السجن بين القتل والطغيان
بين الذي حيّ وبنوه بالحيطان
بس بالملذات ووكراسي وتيجان
نكروا حديث المصطفى والقرآن
ذبحوا كثرة نحور .... بالسم كملوا الدور
لاچن يبقه النور ..... ياموسى بن جعفر
........
تيجان ومرصعه بجواهر وقصور
عافوهن وماحصلوا حتى أگبور
وشاهد الكاظم ينبعث منه النور
حتى الملايك تعتني يمه تزور
يمه أيدنگ التاج .... شاهد يمه الافواج
أنطني للي محتاج ... ياموسى بن جعفر
.......
سيد عدنان الحمامي