بسمه تعالى
سلام عليكم
--
--
--
بينه مثل مابيك -- واسينه ونواسيك
چبد الجواد بسم -- يالمهدي يتخذم
--
دمعة احزان ومصيبه تجري من عين اليحبك
وهيه من ازمان تربي وشابحه تدري اعله دربك
ونته يالغايب صبور وتنتظر يفرجها ربك
امخزنه اجروح ابدليلك بيه جرح مايشفه گلبك
جرح ويريد الثار -- من عملة البسمار
جرح الذي امبچيك -- واسينه ونواسيك
---
انته يالغايب مصايب مو مصيبه اتحملتها
صابر وغيظك كظمته غصه چم غصه اجرعتها
والاشد عبدالله نبله ابنحره ماجيت اشلعتها
وصرخه بآذان الزمان العمتك وانته اسمعتها
عمتك اسيره اتروح -- تسمعها من اتنوح
وسكنه الذي اتناديك -- واسينه ونواسيك
--
سكنه لوعتها وهظمها لو رقيه لو حميده
هذي بت مسلم ابوها هيه لساعه تريده
كلها ثارات التندبك ثار ابو اليمه او وريده
بعده عبدالله اعله صدره من گماطه امطلع ايده
ايگلك اريد الثار -- ويحچيلك اللي صار
وكل اهله منتظريك -- واسينه ونواسيك
--
انته يالغايب هلالك تدري كل اهلك ضحايه
بيهم ابسم الخيانه گطعوا اچبود الهدايه
وتدري شتحملوا مصايب وشكثر من الرزايا
وبيهم ابسيف اليذبحه ابلا رحم برض المنايه
طف كربله موجود -- عالشط علم والجود
وچفين اكو اتحييك -- واسينه ونواسيك
--
چم چبد بالسم تگطع ذوبته يالمهدي ناره
من بني العباس واميه الهدموا ركن الحظاره
لو فرد عرفوه المحمد عايد ايهجموله داره
والذي سم الجواد وشنهو شيقدم اعتذاره
گبله الرضا مسموم -- بغربة وطن وهموم
لمصابه شينسيك -- واسينه ونواسيك
---
هاي الك يالمهدي صرخه عالجواد اليله ننعه
چبده نار السم يغايب ذوبته الچبده تگطعه
امن الگلب من الظماير نذرف اعله امصابه دمعه
وللحزن ناعينه ينعه عدنه هاي الليله فجعه
نودع الجواد اوياك -- انشارك دمع عيناك
يالمهدي ونعزيك -- بينه مثل مابيك
--
سيد عدنان الحمامي