مستهل

----

يبو فاضل جبتلك رايه خضره -- هظم عندي وكسر گلبي تجبره

دخيلك يخو زينب -- دخيلك خوي زينب

--

اريد انخاك يبن الچتل مرحب

محب ومعتنيك وعنده مطلب

ونته الماعليك الطلب يصعب

امشي اعليك زينب يخو زينب

صدري ينچوي من اجر حسره -- هظم عندي وكسر گلبي تجبره

دخيلك يخو زينب -- دخيلك يخو زينب

----

اجيتك والدمع يحفر ابخدي

والفني الحزن والوكت ضدي

قهر وهموم يالعباس عندي

حشاك ابشدتي اتخليني وحدي

اگضي حاجتي الخاطر الزهره -- هظم عندي وكسر گلبي تجبره

دخيلك يخو زينب -- دخيلك يخو زينب

----

يبو فاضل اعرفك دوه العلّه

وكل مشكل يخو زينب تحله

كل يوم اليجي الگلبي يسله

مايطفي الجمر دمعي امن اهله

اريد الحالي وبعطفك تنظره -- هظم عندي وكسر گلبي تجبره

---

چم أم الاجتك حاجه عدها

راح ومارجع ليها ولدها

ماظن خايبه هالام تردها

سخيه اچفوفك الها من تمدها

مثل زينب طلبها ماتعذره -- هظم عندي وكسر گلبي تجبره

---

مثل زينب الطلبت منك الماي

وگتلها ابشري الچ عيناي

يبوفاضل مراره اتفتت احشاي

تخلصني ردت من جور دنياي

يالعباس گلبي خلص صبره -- هظم عندي وكسر گلبي تجبره

دخيلك يخو زينب -- دخيلك يخو زينب

---

خايب مايرد الجاي يمك

يرفعة راس بيك افتخرت أمك

يسبع الگنطره المهيوب اسمك

يعباس اليهمني هم يهمك

محبك ترضه يگضي ابحزن عمره -- هظم عندي وكسر گلبي تجبره

--

--

سيد عدنان الحمامي