أنه أوليدي كسّر گلبي – أنه اوليدي
يموت وهذا مو وكته – عساني أبدمه لاشفته
يالمشيت أبلا وداع أنسيتني
بويه افرح بويه لو ناديتني
دفنت روحي ونبظ گلبي – دفنت روحي
بگبره وسدت جثته – عساني ابدمه لاشفته
يالذخر مريود ولأامك وأبوك
شلون اشوف ابدمك أمن أيغسلوك
شنو حسدّوا حسنك أمن ايعاينوك
الگبرك ومن أيدي يوليدي خذوك
آنه أشبيدي وخذاك الموت – انه أشبيدي
هم ايعود الي يمته – عساني بدمه لاشفته
تدري وياك أتعبت يبني عُمر
وچنت أشوفك بين صحبانك بدر
وصرت انظرلك مثل خيط الفجر
شلون عني ايظمك اتراب الگبر
فلا أرضه تفارگني -- فلا أرضه
غيابك يبني ماردته – عساني بدمه لاشفته
هوه ياهو يرضه بفراگ ألابن
آنته غالي وألك كل لحظه أحن
أعليك جفني ماغمظ ليل اليجن
روحي مو بس گلبي لفراگك تون
غصب عني رحت مني – غصب عني
ياهيبة أسد لاخته – عساني بدمه لاشفته
بعيني دارك موحش او ياذيني
تعال أمك دصبرها – تعال أمك
تگول أنحرم من شمته – عساني بدمه لاشفته
شكثر صاحن خويه وينك وسمعت
وآنه الفگدتك هرش گلبي أگطعت
تعال أرجع بعد شيبي – تعال أرجع
لأمه ذخر كبرته – عساني بدمه لاشفته
شلون الاكبر ودع امه أبخيمته
أتمدد بطوله وشبگها الجثته
يعين الام على فگده – يعين الام
وصاحت يالولد عمته – عسىاني بدمه لاشفته