رقيه بنت الحسين ع
\\\\\\\\\\\\\\\\\\
المستهل
\\\\\\

بويه – يالعفتني وآنه طفله شلون بيه
بويه – ليش متحاچيني مو آنه رقيه
\\\\\\\\\\\\\\\\\\\\\
رحت عني – وين اشوفك ضيعت عزّي ودلالي
لوعنّي – مصايب اشسون يبو الاكبر بحالي
عمت عيني – شفت راسك عالرمح شاخص اگبالي
وانه طفله – جبل مايحمل يبويه هالجرالي
بويه تدري – عين شماتك يبويه اتصد عليه -- بويه – ليش متحاچيني مو آنه رقيه
\\\\\\\\\\\\\\\\\\\
آنه طفله – حال طفله بويه يحسين شتعذره
بالمصارع – دمك اليجري بعد عيني تنظره
صبر ماظل – من اشوفن صدرك خيول وتكسره
گمت انادي – ريت امك حاضره اتشوفك الزهره
بويه -- جسمك بحافرها تسحك خيل اميه --- بويه ليش متحاچيني مو آنه رقيه
\\\\\\\\\\\\\\\\\\\\\\
بچت عيني -- من شفت امي الصدر بيه جف لبنها
شصاربيه—عاينت عبد الله مذبوح بحظنها
هروش گلبي اتگطعن اعله ادموع عماتي البچنها
روحي راحت – سكنه السياط امن اشوفن لوعنها
بويه – عيني بس الراسك الظلت ربيه – بويه – ليش متحاجيني مو آنه رقيه
\\\\\\\\\\\\\\\\\\\\\\\
كل بناتك – كل خواتك بويه كل احنه سبونه
بعد عينك -- لليسر للشام عدوانك خذونه
عالمهازيل – كلنه اياتام وارامل ركبونه
بمجلس ايزيد – وسفه كل شامت يصد النه بعيونه
بويه – احنه نبجي وبالفرح هند وسميه -- بويه -- ليش متحاچيني مو آنه رقيه

\\\\\\\\\\\\\\\\\\\\\\\\\
اعزاز روحي --- بالمصارع دمهم وعالترب يجري
شلي بعمري – ماردت من بعد اخوتي ولله عمري
انهدم صبري – ينهدم چم نايبه اتهدم بصبري
اه دهري ظالم -- ويحرمني منك ليش دهري
بويه – جروح فگدك الي راوتني المنيه -- بويه ليش متحاجيني مو آنه رقيه
\\\\\\\\\\\\\\\\\\
سيد عدنان الحمامي