يلا دكو عالطبول..انولد شبه الرسول
علي الاكبر علي الاكبر
&&&
يلا هنو شيعته..حيدر وكل امته..انولد من عترته
انولد شبل الفحول.. انولد شبه الرسول
علي الاكبر علي الاكبر
&&&
الدنيه فرحانه وسعيده..تبشر حسين بوليده..هوه من صلب الصميده
ابن حلال الحلول.. انولد شبه الرسول
علي الاكبر علي الاكبر
&&&
حامل بصلبه الامامه..والنبي جنه بكلامه..وبالحرب نفسه وحسامه
بالوغى يوم اليصول.. انولد شبه الرسول
علي الاكبر علي الاكبر
&&&
لو حمل ابن الحسين..على العده والظالمين..تستمع صوت الامين
لون يحجي ومن يكول.. انولد شبه الرسول
علي الاكبر علي الاكبر
&&&
بيه خصلات الرساله..والحكم عده وعداله..جنه طه وبقتاله
لو ركب ظهر الخيول.. انولد شبه الرسول
علي الاكبر علي الاكبر
&&&
بيه من جده علامه..لو تحدث وبكلامه..يكلب الدنيا قيامه
يوكف بسيفه السيول.. انولد شبه الرسول
علي الاكبر علي الاكبر
&&&
بالحرب يوم الضروس..بسيفه يخطفها النفوس..يضحك وماهو عبوس
حارت بفكره العقول.. انولد شبه الرسول
علي الاكبر علي الاكبر
&&&
يبرز يعرف بااسمه.. ياحلاته وشكل رسمه..لو تعده تكول نسمه
بالعده تشوف الجتول.. انولد شبه الرسول
علي الاكبر علي الاكبر
&&&
اليوم ميلاده علينه..نورت كلها المدينه..بالفرح الليله اجينه
الشرح يمكن يطول.. انولد شبه الرسول
علي الاكبر علي الاكبر
&&&

خادم اهل البيت
الحاج ابو علي السعيدي